مالها إلا حامد البراق
السـلام عليكم ورحمة الله
اسعد الله اوقاتم جميع حامد البراق شاعر اتشرف في محاورته ان سمح وقته بذالك: سلام الله بقاف(ن) ماله إلا حامد البراق بدون قصور بالشّعار حاضرها وغايبها ليا ضاق الرجل نرضيه ولا الخبل...بالطقاق اقوله بعد ماشفت العرب شبت شبايبها محمد العتيبي ا |
رد : مالها إلا حامد البراق
سلام الله بقاف(ن) ماله إلا حامد البراق
بدون قصور بالشّعار حاضرها وغايبها ليا ضاق الرجل نرضيه ولا الخبل...بالطقاق اقوله بعد ماشفت العرب شبت شبايبها مبدع يالحجازي واجدت الأختيار وابو سعود يشرف الجميع اللعب معه وإن شاء الله يكون قريب ويمتعنا. |
اخوي الحجازي الشرف لي طال عمرك
هلا يا مرحبابك يا الحجازي والحياة اسباق ,,,,,,,,,,,,,,,,,,, تدرو للثمينه مع رياجيلٍ تجيك ابها ليا ضاق الرجل بالمذهب انراضيه والميثاق ,,,,,,,,,,,,,,,,,,,لكن المشكله في قوم ضايعةٍ مذاهبها |
فارس العصيمي ماعليك زود
وشرفنا حضور شاعر بحجمك تحياتي |
اخوى فارس العصيمى
انت المبدع طال عمرك وحنا نتعلم منك ومن امثالك واسعدنا مرورك |
يا سلام من نمسك صفه عاد ؟
مرحباا يا الحجاازي ومسهلا
مبدى شاعر فذ وموجه لشاعر قدير وغني عن التعريف الحجازي وحامد البراق يعني محاوره ملكيه ! انا من الجمهور لأن مسكة الصف في محاوره مثل هاذي تبي لها قرار سياسي افتقده حقيقة وااصلواا لاعدمنااااكم |
يامرحبا ياسداح
حياك الله ونتشرف بمتابعتك يا الغالي استلم ياحامد لاهنت يدوم إلك البقا والطيبّه لاطبّت الأسواق .................................... تبا تتعب رجال العرف للجزله ركايبها وألا ياقرب راس أمسيلمه من شفرة الحلاق ................................... علومن يا طويل العمر مدري وش عواقبها |
سداح هلا وغلا وشرفنا حضورك ومشاركتك اكبر مكسب
واستلم يا الحجازي ابا حمّل شعيل ب((حملته)) لو كان مايطاق ,,,,,,,,,,,,,,,,,,,,يغربها يشرقها يشرقها يغربها انا ما صاحب اللي صحبته ضحك ودجل ونفاق ,,,,,,,,,,,,,,,,,, ادور للرجال اللي عريباتٍ مناسبها |
الحجازي
حامد واصلوا كلنا متابعين |
اخوى زايد
لاهنت ومتابعتك تسعدنااا |
الله الله
والمعذره على التاخير ياحامد واستلم لو ان الناس تقنع بالله الى قسّم الارزاق ............................................ لقيت اهل المطالب ماتحصل من يطالبهاا وانا مادانى النصاب والكذاب والبواق . ......................................... احب اهل العقول الى تخاطبنى واخاطبهاا |
الحجازي هلا وغلا
واستلم ذبحت الحيّة اللي سمّها من نابها دفاق ,,,,,,,,,,,,,,,,,,,,, وانا ما ارتاح لين الارض ماتبقى عقاربها لو ان الناس تقنع بينهم ما شانت الاخلاق ,,,,,,,,,,,,,,,,,,,, يا شين الهجرة اللي بالعرب دارت دولابها |
هلا بالرويس زايد
وامسك الصف مع من شئت حياك الله يا ابو عائض |
ياسلالام
واستلم انا ماظنتى تقدر تغيرّ حكمه الخلالاق ..................................... تبا تبقا طبوع الناس لين الله يحاسبهاا يبورن السلع ياصاح لو ماختلفت الاذواق ..................................... ولاتلقا الرسايل بيت قاريها وكاتبهاا |
انا ماظنتى تقدر تغيرّ حكمه الخلالاق
..................................... تبا تبقا طبوع الناس لين الله يحاسبهاا انا ماظنتى تقدر تغيرّ حكمه الخلالاق ..................................... تبا تبقا طبوع الناس لين الله يحاسبهاا الحجازي ذات محاورة جمعت شاعران كبيران .. خرج احدهم من بين الصفوف وفي وقت كان يعتقد الجميع انه هذا الشاعر غضب من خصمه. في اليوم التالي و حين سأل الشاعر واقصد الذي ترك الملعبة قال لقد انتهت المحاورة من بيت زميلي وأشاد به اشاده عظيمه وقال المحاورة نقاش ينتهى اذا ما اقنع الشاعر خصمة وانا اقتنعت وخرجت من زود الرضا. وانا والله انني صادق اكرر ما قاله ذلك الشاعر حيث لم اعد قادر على الرد بعد البيت السابق ((قضيى الامر الذي فيه تستفتيان)) اشكر حظورك واشكر كل ماقدمت واتمنى ان التقي بك في اقرب فرصة يا استاذي تحياتي |
استاذى حامد البراق
اللعب مع شاعر بمستواك مكسب بحد ذاته اشكر لك مجاراتك والى الملتقا قريبا تقبل تحياتى |
ياسلام يالبراق
اقدرك واحترمك وكذلك الحجازي والمرقاب وهله |
| جميع الأوقات بتوقيت GMT +3. الساعة الآن 03:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية