بغا يقرّط على الساني ؟
السلام عليكم ،
للمشاركه .. مهب قصيده مدري وش اسمها :) البارحه ليل شيطاني .... جنيّ على راس جنيـّه أبطيت والنوم ماجاني ..... بردان وافرّك يديّه واخذت غفوه وناداني ..... حلمن يلدّ النظر فيّه حلمت لي حلم يا اخواني .... غريب ميتين فـ الميّه أني مجاهد وشيشاني ..... وحبيّت لي بنت صربيّه وخطبتها من مريكااني .... ثم ملـّـكت لي حسااويّه وزيـّـنت عرسي بطهراني .... وصدام جاني بعانيّه وضاقوا خوالي وعمّاني .... وقالوا لـ ابوي اطرد العيّه ثم قال ابويه علشاااني .... جوازك ولــ السعوووديّه ولبست خاتم سليماني .... وشديّت محزم وجنبيّه وفردت للريح جنحاني ..... وطبيّت وسط النعيريّه وراجعت دكتور نفساني ..... عليه غتره وطاقيّه شرحت له كلّ ما جاني .... ثم قال محتاج لك كيّه وارسلني لواحدن ثاني .... بيته ورا حدّ ردميّه اسمه فلان الفلنتاني .... معروف عند الحونشيّه جيته ورحبّ وحيّاني .... ونومسني بناره الحيّه يقول ماجور وأمعاني .... مغير داخلك سكنيّه ونادا على العبد مرجاني .... والعبد جاا شايلن حيّه سمّى عليّه وهدّااااني .... ثم لفـّها فــي مخابيّه وشلع ضروسي ونيباني .... وخلاّ الثنايا كما هيّه وبغا يقرّط على الساني ... فزيّت والناس ظهريّه يهيب يا حلم شيطااااني .... فلمن من افلام هنديّه :) سلمتوا |
الله الله..........
سلمت اناملك ياسداح.... قصيدة جميلة وفكاهية............ مبدع اينما حللت.... الى الامام ..... تقبل اعجابي |
الاخ / سـداح
صحيــح قـطـعـت مصرانـي &&& قصـيـدة (ن) مشـبهانـيــه رائعـــــــــــــــه جــدا... بس أنـي أخــاف أنك جنــي ( هاهاهاهاهاهاها ) ومســجل في المرقــاب.. عــزيـــزي تقبـــــــل أعجــاب بلا حـــــــــدود... أخــــــوك / بيــــــداء |
هلاوغلا يا معيض
الشاعر والأخ / معيض العتيبي
عسا عمرك يا طويل يا القرم وصح بدنك ولو انها مجرد مشاركه تقبل صادق التحيه اخوك / سداح |
وضاقوا خوالي وعمّاني .... وقالوا لـ ابوي اطرد العيّه
شرحت له كلّ ما جاني .... ثم قال محتاج لك كيّه وارسلني لواحدن ثاني .... بيته ورا حدّ ردميّه اسمه فلان الفلنتاني .... معروف عند الحونشيّه سداااااح على الحرااام منت بسهل وشك فيك ......................ان جنيتك صربيه سلمتك يالسناافي بجميع المراحل مبدع .وحرام عليك تقول ماهي قصيده .... الى جزله بعد ..ومعنى متميز وغريب وهذا مانريده ... تحيااتى ....دام شموخك |
هلا يا بيداا
:)
سلامت مصرانك يا شيخ وصح بدنك والله يبعد الجن تعوذ من ابليس يارجال :) لاهنت ولا عدمتك ، أخوك / سداح |
وش رايك لو افسر لك الحلم
. . . . . . . . . . تدري عاد ابا اعرضه على المشايخ لان تفسيري طلع خطيييييييير سداح تقبل كااااااااامل الاعجااااااااااااااااااااااااااب |
هلا يا بن عيفان
مرحبا والله باخوي / نايف بن عيفان
الله لايهينك والله يكفينا الجن لا تجيب طاريه يا نايف يعدي المرقاب معنا :) تسلم على إطرائك وصح بدنك أخوك / سداح |
أني مجاهد وشيشاني ..... وحبيّت لي بنت صربيّه
وخطبتها من مريكااني .... ثم ملـّـكت لي حسااويّه وزيـّـنت عرسي بطهراني .... وصدام جاني بعانيّه وضاقوا خوالي وعمّاني .... وقالوا لـ ابوي اطرد العيّه سدااااااااااااح في كل مكان لك بصمة ابداع والله ان القصيدة هذي ما تجي الا في حلم صح السانك مليون والله اني استانست على ها القصيدة |
هلا وغلا ناصر الروقي
علمني تكفا بتفسيره :) صح بدنك يا الغالي لك خالص السلام ، أخوك / سداح |
القدير / حامد البراق
شكرا على التعليق يا شاعرنا ابديت علمن طيب في حلم .. لك كل التقدير أخوك / سداح |
ياخوان حرام القصيده هذي تبقاء هنا انقلوها للشعبي
|
شاعري القدير .. فهد العازمي
يكفيني شرفا إطلاعك عليها هنا او هناك لك الشكر أخوك / سداح |
الله لايهينك يا سداااح
دام ابداعك حلمت لي حلم يا اخواني .... غريب ميتين فـ الميّه أني مجاهد وشيشاني ..... وحبيّت لي بنت صربيّه وخطبتها من مريكااني .... ثم ملـّـكت لي حسااويّه وزيـّـنت عرسي بطهراني .... وصدام جاني بعانيّه وضاقوا خوالي وعمّاني .... وقالوا لـ ابوي اطرد العيّه صح لسانك الف تحياتى لك |
اخي العزيز .. محمد الكرشمي
لاعدمت تواصلك ولاهنت يا الغالي صح بدنك كثرها أخوك / سداح |
الله ا لله
ابداع / تميز / حرفنة / جنون ياسداح كم انت رايع في كل مكان ملكت القلوب واسرتها بسرعة |
الرائع سداااااح
لاهنت صح لسانك وضاقوا خوالي وعمّاني .... وقالوا لـ ابوي اطرد العيّه شرحت له كلّ ما جاني .... ثم قال محتاج لك كيّه وارسلني لواحدن ثاني .... بيته ورا حدّ ردميّه تحياتى |
شكرا مجددا ياناصر النفيعي
لاعدمتك اخوك / سداح |
هههههههههههه
نذر على رقبتي لرفع لك كل نشيدددددده جعل عمرك طوووويل |
اي والله يابن طامي لا تخلي له لو انه كبر الاظفور :)
سداح شفت هاللي تقول ما ادري وش اسمها والله انّها من احد قصايدك اللي خلتني اعود للمرقاب بعد انقطاعي عنه .. تدري الله يكفينا شرّك يالسكني teeth: وصح لسانك اوخيّك :) |
اقتباس:
مسكوووون إبـــــــــــــــدااااااااع !!:):) |
احم احم
[ALIGN=CENTER]يا دافع البلا
حلمٍ امحق عز الله صح لسااااااااااااااانك سداح في كل بيت لك في اي قصيدة له بصمة خاصة ونكهه مميزة تقبل تحيااااتي اختك البندري[/ALIGN] |
| جميع الأوقات بتوقيت GMT +3. الساعة الآن 06:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية