عضوبلاه الله غرغرينا
 

مشاركه في عهد خادم الحرمين الشريفين الملك / فهد ابن عبدالعزيز رحمه الله
:

[poem=font="Simplified Arabic,5,white,bold,normal" bkcolor="tomato" bkimage="" border="none,4,gray" type=2 line=0 align=center use=ex num="0,black"]
سلام لضيوف الحفـل والمعازيـب=تحيـة الاســلام فيـهـا بديـنـا
يـاالله يامعبود ياعـالـم الغـيـب=انك علـى خير الكـلام اتهدينـا
في حضرة الي ينقدون اللواعيب=بعنـا بجـزلات الثميـن وشرينـا
نوادرٍ نرسـل وراهـن مناديـب=وبسعرهـن وبقدرهـن ماغوينـا
نزفّهن بسـم الحنينـي تراحيـب=ترحيبةٍ تضفي علـى الحاضرينـا
مضمونها وأهدافها بـأزرق الطيـب=وعلـى الولاء والعزّ نرفـع يديـنـا
لملوكنـا آل سعود لاشـك لاريـب=ومن عاهدوه اجدادنا لـه وفينـا
عهد الوفاء نشـب عليـه ونشـيـب=نوفـي مواثـيـق سندها متيـنـا
منّا لبوتركي عطيـب المضاريـب=اللّي شمخ بالمجـد دنيـاً ودينـا
ماروّض العسرات بمزارق الطيب=ردّ النقا بشلـفـاه ذرب اليميـنـا
وعقّب حرارٍ ماعليهـم عذاريـب=مافيـه شكٍّ يمّهـم يعتريـنـا
ونرفع ولانا للفهد منبـع الطيـب=وغـلاه باقصـى قلوبنـا محتويـنـا
قايد مسيرتنـا مضى لـه تجاريـب=عقديـن توّجـهـن بعقدٍ ثميـنـا
مع قوّة السطوه ملك رايٍ مصيب=وبسياسته لأعلى الحضـاره رقينـا
وْوليّ عهده بالمهمـات مايغيـب=عبدالله الـلي بالمواقـف يبينـا
اليا حضر تركد جميـع المشاريـب=صلب وصليب الراي عنده يلينـا
وسلطان لازم نايبـات المواجيـب=مقـدام بالشـده وعضد وعوينـا
له هقوةٍ باعلى الرفيعات ماتخيب=درعٍ شديد وبه ذرانـا الحصينـا
ونايف تعلى عاليـات المراقيـب=وبسيفـه البتـار قطـع الوتيـنـا
زمام الامن مجـوده باالمقاضيـب=وحنـا بسيفـه نـردع العابثينـا
لجل الوطن نبذل جميع الاساليـب=وحب الوطن واجب وفرضٍ علينـا
نطهّره من كل عابـث وتخريـب=وكل النشامـى للعبـث منكرينـا
الدين والاسلام حكمـه وترغيـب=وحنا على نهـج الشريعـه مشينـا
والي مناهجهم جرايـم وترهيـب=زمـره تولاهـا بلـيـس اللعيـنـا
عقولهم فيها من السـم تركيـب=وأكثر مضرتهـم علـى المسلمينـا
غلث الكلاب الي تحـد المخاليـب=نبـي نطـق اخشومهـا لابليـنـا
شرذمة مامـن وراهـا مكاسيـب=عـضـو بـلاه الله بالغرغـريـنـا
ادواه بتره باالسيوف المحاديب=ماللعبـث غيـر الفنـا بالجبينـا
كم عابث خلى العبث شمسه تغيب=حتفـه يبـي يلقـاه علمـاً يقينـا
من لاحكم عقله غدا فار تجريـب=يمـوت مايختـلّ صــرحٍ بنيـنـا
ويبقى الولاء لاهل الوفاء والمواجيب=عـزّ البلاد اللـي عليـهـا ربيـنـا [/poem]

صح لسانك
صح لسانك
صح لسانك






الف شكر لهكذا قصائد تزرع .. الوطنيّه في قلوبنا
شكرا ً لك ! وصح لسانك

الدين والاسـلام حكمـه وترغيـب
وحنا على نهـج الشريعـه مشينـا

بيّض الله وجهك يالحنيني :)


قصيده جميله تحمل مشاعر كل مواطن غيور وأمين على وطنه ..

وهي مصافحه رائعه ، تنبي عن قدوم شاعر كبير :)


اسمح تعديل بعض الأخطاء الإملائيه وكذلك التنسيق !


سلام’ عليكم.

يا مرحبا يا ابو عتيق .. عبدالله

مشاعر وطنيه صادقه وتهز مشاعر كل من يحب وطنه
صح السانك صح السانك


اخوووك

الشاعر عبد الله بن عتيق

صح لسانك

نسال الله ان يحفظ وطننا من شرور العابيثين وكيدهم


آمين

حيااك ياابو عتيق وحي مااجبت

كم عابث خلى العبث شمسه تغيـب
حتفـه يبـي يلقـاه علمـاً يقينـا
من لاحكم عقله غدا فـار تجريـب
يمـوت مايختـلّ صـرحٍ بنيـنـا
ويبقى الولاء لاهل الوفاء والمواجيب
عـزّ البـلاد اللـي عليهـا ربينـا


لله درررك ياامبدع

قصيدة شاامخة شاامخة

وشااعر جزززززل


صح لساانك ألف ولاهنت


احترامي وتقديري

أخوووك

شرذمـة مامـن وراهـا مكاسيـب
عضـو بــلاه الله بالغرغريـنـا

ادواه بتـره باالسيـوف المحاديـب
ماللعبـث غيـر الفنـا بالجبيـنـا



قصيدة تحدثت عن الجميع ونابت عن مانكن


الشاعر القدير / عبدالله بن عتيق


بارك الله فيك وصح لسانك على كل حرف ،

صح السانك..


ابيوت جزله.. من راس جزل..


والله يوفق خادم الحرمين الشرفين لمافيه خدمة البلاد والعباد..



اســــــلم..وســــــلّم,,


اخيــــــك
فهـــيد

[align=center]هلامليــــــ1000000ــــون باالاخوه الاعزاالافاضل
مشعان البراق
سلطان النواف
عبدربه
سراب
خالدالحصين
محمدالبيضاني
فهدفالح
سداح
فهدعصيدان
اشكركم شكرا جزيل على هذا المرار الكريم
وتقبلو خالص التقدير والامتنان تحياتي وشواقي[/align]