الليل باسداح
الشاعر الشامخ / سداح
بعد ماكثر القول حبيت ان اعرض عليك القضية ولك مني اجمل تحية. إلك مني تحية مجد والموضوع ياسداح ***************** ابه عين(ن)بيفقعها وبه عين(ن)يداويها واناماني بعارض ياالعتيبي بالصياح صياح **************** اقدم صادق الحجة واثبتها وازكيها |
ياسلام يا فارس طاروق يرد الروح
وينك ياسداح ننتظر سداح وازهلو الصفوف بالتوفيق ان شاء الله تحياتي عبدالعزيز |
هلا وغلا الفارس فارس ولاعليك زود
يدوم إلك البقا والسالفه ماهيب زرق ارماح ___________________ دعاوي ناس تكشف عن نواياها دعاويها يافارس خلّها تمشي على وضح النقا وارتاح ___________________ يجيها كلّ ما خربت عتيبيٍٍّ يسويّهااا . |
هلا يا الغنامي
الله يحييك ومايحتاج معروف انت في صف من :) |
فارس وسداح ......
للمحاوره طعم خاص ونكهه ممّيزه لو اني زعلان عليكم :( ماعلمتوني من اول الليل امسك مع الغنامي الصف :) على العموم يالله لحقنا على خير ....ترانا متابعينكم بشغف تحياتي للجميع |
الله يحييكم نعشتونا بهالجمعه المباركه
تراني في صف سداح يابومقبل والليل ياريجيل..................... ابوعفراء (2) |
فارس 000 سداح
واصلوا وامانة يافارس علم سداح معنى الزيزفون بالنيابة عني قل النفيعي ناصر يعلمك معنى الزيزفون |
سداح وفارس
منكم الابداع ومنا المتابعة واصلووووووووووا تحياتي |
سداح استلم لاعدمتك :
رفعنا بالقضية للوزير وسرها ماباح ___________________ وعيّاالمستشار اللي وقف دونه يمشيها ضرب باب التجوري بالقفول وجوّد المفتاح _________________ ويقول ابغى القمر والشمس تطلبني والبيها |
اخوي /عبدالعزيز الغنامي
يامرحبا والله وابرك الساعات اكرمتنا بمرورك . فالح بن حثلان يامرحبا ياابو راشد وجودك لنا اعظم فخر وابشر بما يرضيك لاعدمتك. اخوي /السبع مرحبا بك وجودك فخر انا مدري سداح وش مسوي لهالعالم كل من جاء مسك صفه ناصر النفيعي مرحبا ياابوبدر وجودك يعني لنا الشئ الكثير وبالنسبة لشجرة الزيزفون ماأوتيت من العلم إلا قليلا. معيض هلا بك مرورك كريم متابعتك عسى ان تكون مستمرة حتى تحسم القضية |
واصلوا الله يعطيكم العافيه
شاعرين قديرين ونتعلم منهم ونتابعهم |
سداح و فارس
معكم المحاوره و الله انها غير لايماني بشاعرية كل منكما محاوره اعلم انها سوف تكون من اروع المحاورات هنا في المرقاب و الصف ما يحتاج يا ابو مقبل مستعز لا يهمك وانا مدربه تصدقون اني اقرا الزيزفون واحسبنها الزيتون تحياتي للجميع |
سداح
يعطيك العافيه ... وتراك ورطتني ودي أجي مع صفك بس تعرف الخال مأقدر أخليه لغيري.. بس أبي أصفق وقلبي معك.. الخال لا يهمك الكلام اللي قلته .. تراه تمويه... شد حيلك تراني ماسك الصف لا تخلي تصفيقي يروح بلاش.. حقيقه متعه المحاوره بين عملاقين ........... |
فالح بن راشد
مرحبا مليون يابوراشد شرفتنا والله وخلك في صف الغنامي :) ........ السبع مرحبا بك ومسهلا ..... النفيعي ناصر هلاوين يا استاذنا الزيزفون ابتلش فيها فارس العتيبي وابتلشت معه انا واظن فارس بعد معنا :) شرفتنا يابوبدر ..... الأخ معيض دينمو المرقاب هلا الف ...... |
استلم لاخليت منك
لا تسرح للوزاره غير معك الخوخ والتفاح ___________________ على بيبانها ناسن وسيعاتن مخابيها تبا تلحق على برق الحيا يافارس اليا لاح ___________________ عسا ربيّ يثيبك فـ الصلاه اللي تصليها . |
اخوي البازل هلابك ولا عليك زود وتشرفنا
....... الغالي شفق السريع الله يحييك والله اني فاقدك ولا تخليني تدري بيتوتي خلك في صف فارس وبيوته خلك في صفي حل مقنع :) هلا وغلا ............. بيداء لا تخلي خالك بس . التمويه ما يمشي معي :) تشرفنا بك ولا عليك زود . |
أقول لك التعامل بالرشاوي يفسد الأرواح
__________________ وهاذي حيلة العاجز وأنا ماني بمرشيها أبا أثبّت حقوقي فالقضية وأجني الأرباح ___________________ ومن هاب البحور اللي تلاطم ما غطس فيها |
انا ماني مصدق في حصاة ارزاح ما تنزاح
______________________ ابنادي عيال البدو عن دربي تدربيها لك الله ما نخليها طعام الحوت والتمساح ______________________ سفينة نوح يا فارس بعيداتن موانيها |
سفينة نوح قايدها حذف كل العلوم وراح
_____________________ وحالت دونها قوم ٍ محناة ٍ سماريها نجيب لها الوثايق بالحقايق بالوفاء وانصاح ______________________ وليا منا طلبنا الشور لقتنا علابيها |
والا يا حرّ كبدك كل ما تركز علمها طااح
___________________ لكن اصبر لاقاع السالفه فيها ومافيها بذلت الجهد والمجهود وكفوف الليال اشحاح ___________________ سلام الله على الدنيا من اولها لتاليهااا . |
البازل
يامرحبا اشكرك على المرور الكريم شفق يابعد راسي وقوفك بصفي يعني لي كل شي اشكرك لاعدمتك وانت اول واحد يقف معي ضد سداح والله مدري بعد كلام سداح ولكن مهما كان ماني مصدق فيك . بيدا مرحبابك مع اني مع إحترامي لك وثقتي من صدق مشاعرك إلا ان وقوفك معي ضد سداح مفاجأة والله يستر. |
اخفي حرة العبرة وهمي في ضميري فاح
_____________________ وش اسوي بعميانٍ تدوّر من يقديها علمنا بالسماء عالي ونوره فالق الأصباح _________________________ سلام الله على ربعٍ تحَول دون عانيها |
| جميع الأوقات بتوقيت GMT +3. الساعة الآن 09:40 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية