سلطان بن وسام .. ورحيّم الغنامي !
السلام عليكم جميع .. اداره واعضاء وزوّار منتدى المرقاب
كل عام وانتم بالف خير هذي محاوره جرت بين الشاعر الكبير / سلطان بن وسام .. والشاعر المبدع / رحيّم الغنامي عبر الجوال ! وهي لها قصه : حيث ان رحيّم اتصل على جوال مطلق بن شويه اللي رقمه مطابق لرقم جوال الشاعر الكبير / سلطان بن وسام .. اللهم الفرق والاختلاف بين الرقمين .. رقم واحد ! المهم اخونا رحيّم ( طاح في راعي الشوهات ) teeth: .. وبما ان ابو محمد ما رد على الاتصال .. الله الله وباقي العلوم ادناه :- [frame="1 80"] رحيّم الغنّامي [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] دقيت بالهاتف على جوال قرم ٍ من سبيع = اللابه اللي في المواقف تحتمي ميقافها بغيت ابن شويه وطحت بهاتف استاذ الجميع = سلطان ابن وسام رمز المرجله واوصافها[/poem] سلطان بن وسام [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] انا وابن شويه سوى واللي يبانا مايضيع = ارقام جوالاتنا من لد عينه شافها مثل الجدي وسهيل في صدر السما تلمع لميع = تسعات والاصفار من قدامها وخلافها واللي بعدها مرحبا مني ومن مطلق سبيع = الطيبين احبها .. والا الرخوم اعافها[/poem] رحيّم الغنّامي [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الك البقا ياشاعر ٍ في الشعر له قدر ٍ رفيع = جمل ويشتال الحمول اثقالها وخفافها من طب في سوق الغلا يشري من الزين ويبيع = بطاقة الصرّاف شرهتها على صرّافها[/poem] سلطان بن وسام [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ان كان قدري في الشعر عالي وفي غيره وضيع = عسى السحايب فوق داري ما تهل اطرافها وان كان رمحي في المراجل رمح شالح و الفديع = ان اقبلت في نحورها وان دبّرت فاكتافها [/poem] رحيّم الغنّامي [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ماجا الخبر في موجز النشره ولا اذاع المذيع = في نجد ماجيت الحجاز ولا خطرت اشرافها في الملعبه تاقف سوات الضلع و الحصن المنيع = عن عزوتك والطيبه تبدي على مشرافها[/poem] سلطان بن وسام [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] سم و نعم لاهل المحبّه و اللكاعه للكيع = واليا عطانا الحضرميّه مانمنّ اغلافها تعال ربّع في فيافي نجد في ايام الربيع = وفي الصيف رد عتيبه الهيلا على مصيافها [/poem] رحيّم الغنّامي [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الا على طاري المحبّه و الوداعه و الوديع = ياموفد العشّاق باخبار المحبّه وافها هو صدق راع الحب لامنك نهيته ما يطيع = يضرب بعرض الحايط اسلوم العرب واعرافها؟[/poem] سلطان بن وسام [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] اللي يحط امانته في شنّة ٍ تقرع قريع = اكيد ما يحسب حساب ارباعها وانصافها وانته ليا سافرت لاتعطي مع الخط السريع = والا انكفت مابين نجدتها وبين اسعافها[/poem] رحيّم الغنّامي [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] سلمت ياشوق العنود اللي ورى حد الوسيع = اللي بني هاجر تغني لك على محرافها القاف وصل انهايته ونهاية الطرق البديع = الله يبارك في الصفر والخمسه ومن ضافها[/poem] [/frame] تحياتي :) |
اقتباس:
ياسلام ياسلام ياسلام ياسلام ياسلام بيض الله وجهك يابو فيصل على نقل هذي المحاوره الملكيه بين الشعراء المبدعين سلطان ورحيم انا اقو لو محاورات الجوال بالشكل وقوة اللعب مثل لعب الربع اللي فوق ياليت اهل المكاتب يخصصون محاورات عن طريق الموبايل :) |
.
. لاهنت ياخالد مجهودك وااااضح طال عمرك استمتعنا بالمحاوره الجوّاليّه بين الشاعرين المبدعين . . |
الله الله
محراف عمالقه وصدفه اخير من الف ميعاد :) صح الله السنتكم ياشعار ولا هنت يبو نجد ولا هان بن شويه وجواله بعد :) تحياتي وكل عام والجميع بالف خير |
لاهنت ياخالد
ابو محمد وابو راشد ماقصروا فعلا محاورة متميزة واشهد ان رحيم استبسل امام الركن لا ننسى ابن شويه المتسبب في هالرائعة والف شكر لك يبو نجد مرة ثانيه |
لفته طيبه يابو نجد
ومحاوره طيبه بين الهاجري والعتيبي لاهنت يابو نجد |
اللـه اللــه
؛؛؛ فعلا المحــاوره مميزه . ؛؛ لا هنت يا خــالد. ؛؛ على النقــل... . . تحيتي للجميـــع ،، ؛؛؛؛ |
الاخ الشاعر / الحصيّن خالد
عزّ الله انك جبت محاورة رائعة لإثنين محبّتهم من الله صح الله السنتهم كلهم ولاهنت يا خالد |
[align=center]
شعراء كبار ومحاورة رائعة شكراً يا خالد على نقل المحاورة الجميلة تحياتي [/align] |
لاهنت ياخالد
مجهودك وااااضح طال عمرك استمتعنا بالمحاوره الجوّاليّه بين الشاعرين المبدعين |
الله الله ..
كلها يعلم الله إبداع × إبداع فتل ونقض صح صح صح صح .. شاعرنا الكبير والمبدع سلطان بن وسام الهاجري صح لسانك .. وشاعر العذب والمبدع رحيّم الغنامي صح لسانك صح لسانك .. والف الف شكر ياخالد الحصيّن .. والله يجزى ابن شويه كل خير .. سلامي عليكمـ ..:) |
ابك ولا تجي ابوك مني ...
يازين المحاورة زيناه انت كيف اخترتها لنا يابو نجد .. بيض الله وجهـــــك ووجه ابن شويه ووجيه . الشاعرين .. و وجه . الجوال بعد .. تحــــــــــياتي |
الا على طاري المحبّه و الوداعـه و الوديـع
ياموفـد العشّـاق باخبـار المحبّـه وافـهـا هو صدق راع الحب لامنك نهيتـه مـا يطيـع يضرب بعرض الحايط اسلوم العرب واعرافها؟ ياسلام ياسلام على هالإختيار يابو فيصل والله محاورة رائعة إلى أبعد الحدود لاهنت ولاهانوا جميع الأطراف المتسببين في سير مجريات هذه المحاورة |
ياسلام ياسلام على الفتل والنقض والابداع
ياحلو لعبكم حلواه ... صح لسانك يابو محمد وصح لسانك يابو راشد امتعتونا بها الطاروق الكايف ابو نجد مشكور مشكور وماقصرت والشكر للي تسبب في هالمزيونه ابو عبيد :) |
ياحلو هالمقتطفات المليانه
شاعر علم وشاعر موهوب بحق والفائده لنا جميعا الشكر لخالد وموصول لبن شويه ورقمه التوم :) صح لسان شاعر المحاوره الكبير / سلطان بن وسام وصح لسان شاعرنا النجم / رحيّم الغنامي ، ولاهنتوا ، |
ياسلام ياسلام
يامال العافية يالحصيّن ردية محترمة وشعارها كايفيييييييييين رحيم الغنامي ( الجزل ) .. وسلطان الهاجري ( شاعري المفضل ) الله يمسيهم بالخير ومشكور مرة ثانية وثالثة ورابعة ياخالد على هالتحفة تحياتي |
لاهنت ياخالد
ابو محمد وابو راشد ماقصروا فعلا محاورة متميزة واشهد ان رحيم استبسل امام الركن لا ننسى ابن شويه المتسبب في هالرائعة والف شكر لك يبو نجد مرة ثانيه |
:)
سلام سلام يابن وسام ويا رحيم ويا بن شويه وسلام يا خالد على هالنقل المنتاز لكن انت وش دراك ؟!!؟!!!؟!؟!!!؟!!! |
مشكور يامحمد صالح
وصح لسان رحيم وصح لسان سلطان محاوره رائعه وجميله ولاهي غريبه على شعراء مثل رحيم وسلطان سهيرالليل |
^
^ العفو طال عمرك انا وخالد شي ( ن ) واحد :) الوكاد / صح لسانك يابوراشد وصح لسان أبومحمد ولاهنت يابوفيصل على النقله الطيبه |
تراني مادريت عنها ألا هالحين ;)
مار يادافع البلا ياللي ماتبلى ،، الثنين مصايب وجعل ربي مايوليهم المسلم اللي مثلي وشرواي ! الف مليون شكر ياخالــــــــد :) اخوووكم |
...
. الابداع وكل معانيه متجمع في هالصفحه .. لاهنتم .. ورب الكعبه انكم ابدعتم .. |
| جميع الأوقات بتوقيت GMT +3. الساعة الآن 10:58 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية