اقلط ياسداح
::
السلام عليكم ياسداح كيف الحال كان لك واهس للعب تفضل على الرحب والسعه سلامي مني يارجال الوفا والعز والطيب ================= أقولها من شاعرٍ لاوقف وقفه حماها سداح لامنه دخل بالخريمــــــه كنه الذيب ================= ماضاع في خد الخريمه ليا منه وطاها |
هلا وغلا بالأخ / سعد السكران
بخير الله يحييك واستلم لاهنت يامرحبا يا اللي تغنيّ على روس المراقيب _____________________ والناس احد من دونها محتزم واحدن وراها كملّ مواجيبك لا حضروا مكملّة المواجيب ____________________ وخـــلك محــلك لين تاصلك لا تخطم علاها . |
:
هالله هالله ياسلام ياسداح كم أسعدني ردك يالغالي أستلم لاعدمتك ياللي ترحب هرجتك زعلت كل الأصاحيب =================== الناس من هرجتك ياصاحبــي هزت جماها مانيب انا اللي لاتقدم يقدم تمرت العــيب =================== وبعض العرب بالطيب محدٍ يبا يلحق جزاها |
اخوي سعد
استلم لا عدمتك ياسعد عيني ياسعد لا تجي بـ الشك والريب _________________________ يبا يزين الحال والناس من يدرك رضاها ترا الوعد بيني وبينك لاا صفين المشاريب ________________________ الخيل قرّح غنّ والسابقه تظهــر يداها . |
:
تسلم ياسداح الشك زايل والعــــــراوي تثنت للمقاضيب ======================= وفي تالي الأيام جل العرب ضايع جداها الخيل للميدان والحمل في حرش العراقيب ======================= والوعد من بين العدود إن تعكرلك صفاها |
.
استلم لاهنت أم العبر معها خبر لـ الضيوف ولـ المعازيب ____________________ لكـن ليـا واجهتها لا تجنـّـب عن نحاها الله يبارك فيك تبدي عليك الشمس وتغيب ___________________ وانته ياسعد تمد شوفك وعينك ماتراها . |
:
هالله هالله ياسلالالام وأستلم طال عمرك سداح لو إنه يبا يفتش علوم الدواليب ==================بقول بير أم العبر ياعسى يلقى غطاها الله يبارك في رجالٍ تودي العلم وتجيب ================== ومن دونهم بعض السوالف ترى قلت حلاها |
أم العبر معها خبر لـ الضيوف ولـ المعازيب
____________________ لكـن ليـا واجهتها لا تجنـّـب عن نحاها الله يبارك فيك تبدي عليك الشمس وتغيب ___________________ وانته ياسعد تمد شوفك وعينك ماتراها اشهد بالله ياسداح انك لأطربت الجميع بهذه الأبيات القوية التي افتقدناها سعد السكران ,, الله يعينك على سداح ,, بس بالأمانة انك اوقفته عند حدة,, على كل حال , لاتتأخروا علينا فنحن متابعين |
مرحبا بك اخي / سلطان المنصوري
الله يحييك ولا عليك زود يالغالي الشاعر العزيز / سعد السكران ارجو المعذره يا الغالي وصح السانك الف وماقصرت والله ياشاعر لنا لقا ثاني انشا الله بيني وبينك توقيع العملاقين صياف وحبيب في مرقاب الفنون بعد ان قدما لنا هذا الدرس المجاني الثمين خلاني انحاش :) لك كل التقدير والإحترام يا سعد ولاهنت أخوك / سداح |
:
الأخ سلطان المنصور لاهنت على التعقيب والمتابعه وأخونا سداح شهادتي فيه مجروحه وهو شاعر غني عن التعريف الأخ سداح صح بدنك يالغالي ولاهنت وتشرفنا باللعب معّك يالقرم مع خالص تحياتي اخوك سعد السكران |
رايعين يالربع
سعد وسداح لاهنتوا وماقصرتوا وكل عام وانتم بخير |
:
ولا أنت ياناصر النفيعي وانت بصحه وسلامة وحياك الله يالغالي أخوك : سعد السكران |
سعد السكران
لاهنت على هذه المحاوره الرائعه سدااااح بيض الله وجهك سعدت بالاطلاع تقبلوا تحياتى |
| جميع الأوقات بتوقيت GMT +3. الساعة الآن 04:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية