منتديات المرقاب الأدبية - تـفـتـتـت كـبـدي

السلام عليكم ورحمة الله وبركاته ..

مشاركه من القديم ومتواظعه للتواصل معكم أخواني واخواتي أعضاء وزوّار المرقاب ..

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا وحزنـي واللّـه إن كـن حـن أتـوام=متوالفيـن وعمـرنـا عـشـره سنـيـن
ولـف لـو انـه يزيـد حوّلنـي حطـام=تبكي عليـه عيـون مـن عقـب جيليـن
الله وأكبـر .. ليـه !! عامـا وذا العـام=وأنـا أداري دمـعـه داخــل العـيـن
كنها الـى قـد ذود هاجوسـي حيـام !!=دمعة سنافي .. بعـض ربعـه مساجيـن
الله لـك .. ياقلـب .. فيـك أيتـام=تبكـي الـى سبحنـت بيـن المصلّـيـن
تفتتـت كبـدي مـن مـطـارد أحــلام=تغنـي الفقيـر .. اللـي يسلّـف ملاييـن
أحـلام .. عبّـت قلبـي آلآاام وأسـقـام=حتى شحب وجهي .. وصرت أصفر إيدين
ولا أشتكي منها ولا أشكـي مـن أوهـام=ولا أشتكي لأقصين ولا أشكـي للأدنيـن
واللـي مخلينـي م أنـا أبـيـن آآلآم ؟!=خوف من أفواه تعشـق قولـه ( السّيـن )
ياعين حر أشقر علـى كـف إبـي عـام=ألـف وتسـع ميـه وخمـس وثمانـيـن
إسمـه إذا مانـي مظيـعـه !! عــزام=يذهل !!! الى من قيل .. لا ثر ولا عيـن
شعـوري فقربـك .. شعـور أي منظـام=ذاق السعاده .. عقـب مـا شبّـع الشّيـن
وشعوري فبعـدك .. شعـور أي مقـدام=صامـل وكـبـره عيّـفـه بالميـاديـن
من كبره إن جاوه مسايير ؟!! .. ماقـام!!!=وهو من أوّل يرجـع الصـاع صاعيـن
لا تحسبيـن إنـي الـى رحــت أيــام=أسـج منـك لحـظـه .. ولا تحسبـيـن
إنـي الـى غمّضـت ففراشـي آآنــام=أنــا أتنـيـوم داري إنــك بتاتـين
أبغى الى جيتي بهمس ٍ وسلهام=فلايني قايم .. وأرحب ملايين
خطـه أطبقهـا الـى رحــت مــادام=إنـك الـى طولـت بـرقـادي تجـيـن
يمعطلتنـي .. يــا مشغـلـة الالـهـام=يامهـره .. تشـوق الرجـال المسّمـيـن
يمقفـلـه بيـبـان قلـبـي بـأحـكـام=ياتـاج راس أحلـى البنـات المزايـيـن
يامحببتنـي كـره .. تنكيـس الأعــلام=يا مكرهتني حب .. قولة .. على ويـن ؟!
يا أصفى مـن اللـي قـال سـره لنمـام=ياشبـه ترحيبـه .. سنـافـي بغالـيـن
أشتـاق لـك شـوق الحـزن للتبـسـام=وآحـن لـك حـن الكريـم .. لمساكيـن
والى دعانـي غيـرك .. آآسكـر الجـام=ماهو كبر . لا . بـس خايـف تروحيـن
أممما لـو تروحيـن !! وعروقـي هيـام ؟=يمكـن عقـب خطـوه ولفتـه تموتـيـن
أنا أشهد إن حبك علـى صـدري وسـام=منّـا يليـن آشيـب وأنـتـي تشيبـيـن
وأن كـان حبـي لـك يحملنـي آآثــام=والله مــا جــود كتـابـي بليمـيـن
ودي أوّصف وجهك الزين.. مـن عـام=لكن !! أخاف آآقصّـر بوجهـك الزّيـن
أخاف أقصر فيه وآجوّد زمام=وصفٍ يورد للمناقيد .. تدرين ؟!!!
بقول !!! يالبّـيـه ياأظـفـر إبـهـام=لامـس بطـن إبهـام كفّـي قبـل حيـن
وتراني ؟! آآحبك الى لام لوّام=هوايته تدمير عش المحبين
والحب .. يبغي . عقل ,, وشعور ,, وإلمام=والبعد ! يبغي .. موت قلب .. وعما عيـن
الثانيه .. في بعدك .. إثنـا عشـر عـام=وأنتي أحسبي .. كم عام لو غبت يومين ؟؟[/poem]
وسلامتكم