معمر القذافي !
السلام عليكم ،
..... بدون تعليق يرتــاح بالـي يوم اغني قافي .................... الشعــر يطــرب خاطـري بـلحونه أمــد معــه الوافيـــه واستافي .................... وأطلق سراح هجوسي المرهونه آخـر خبـر عند العـرب يا كافي .................... شافوا وعل شايل جبل بـ قرونه قــــام العقيـــد معمــر القذافي .................... يقـذف خطابـه والعــرب يوحونه يقــول انا راع العــلاج الشافي .................... والمشكلـــه وحلولهــا مضمونه أعــلن بيانــه واستبان الخافي .................... وقــررّ على حجــّـانه المقرونه أبنسحــب عـن جامعتكـم جافي .................... حـلّ الجفا .. يا جمعة المهونه ! وقفـت لكـن .. مانفـــع ميقافي .................... روحوا وكلّن يصلح الله شونه تجمعــوّا فــي قمـــة المشرافي .................... وتفرقــوّا والســـــرّ لا تبدونه أطيبكــم .. اللي لا نخيته خافي .................... وأرداكــم .. اللي نيّـته ملعونه عــز الله انـي فـ اللـزوم سنافي .................... وانتم عرب والبربري تشنونه ! لـو دولتـه عظمى وبشته ضافي .................... ودرموح راسه ناشبن فـ امتونه يصيــح وعنـد الجـد ما ينشافي .................... مجنــون حاكــــم دولـة ٍ مجنونه واصبح مع اهل المعرفه عرافي .................... دلاّ لســــانـه .. ثــــم صرّ عيونه يمسي ويصبح فـ الفراش الدافي .................... وأم الجديـل يصونـــها وتصونه ناديـت للثـوره يـا ثـوري كافي .................... وشلونـــك وراس الحنـش وشلونه من خلقتك يسفى عليك السافي .................... والبيت الأبيض يمسحك فـ اركونه ياكـم لفــاك امــن الخزينه لافي .................... وسّع جيوب الثوب وقصّ اردونه محسـونه اشنابك وضوّك طافي .................... وان ضقت منها لحيتك محسونه النقـص يبقــا نقص مـا ينضافي .................... وابو جمــا يقضب جماه سنونه يا عمـر موسى ماعليك خلافي .................... تنقـز وراه ونظرتــك من دونه امين عـام .. وكامل الأوصافي .................... ومعك الأمانه ماهي ابـ مامونه والشرق الأوسط حذفة الحذافي .................... أحــذف عرفـاته على شارونه يازارعيــن السدر والصفصافي .................... نعنــاع .. لايزعل على ليمونه عسا الجزيره ما تروح انصافي ..................... ولمّ الشمل مغسول بالصابونه أمن المحيط اليا الخليج الضافي .................... رحنا وجينــا .. حبّـة ٍ مطحونه وسلمتوا ، |
الشاعر المميز سداااااح
قــــام العقيـــد معمــر القذافي .................... يقـذف خطابـه والعــرب يوحونه يقــول انا راع العــلاج الشافي .................... والمشكلـــه وحلولهــا مضمونه لاهنت جزله من شاعر جزل صح لسانك يامبدع عسا الجزيره ما تروح انصافي عسا الجزيره ما تروح انصافي عسا الجزيره ما تروح انصافي عسا الجزيره ما تروح انصافي ..................... ولمّ الشمل مغسول بالصابونه أمن المحيط اليا الخليج الضافي .................... رحنا وجينــا .. حبّـة ٍ مطحونه تقبل تحياتى وكامل اعجابى |
مساك الله بالخير
ياراية المرقاب وصح الله لسانك مبدع ودائما تضيف لنا ابداعاتك الله لا يخلينا منها ولا منك يالقرم تقبل تحيات اخوك/محمد فهد العرجاني |
صح السااانك صح السااانك
يا ســـــــــــــــــــداح عندك ايّاهم في قذايفك المسمومه ولاهنت ولك تحياتي عمّـــان |
سداح
هذا هو الابداع بعينه الف صح السانك وقلبك ولاعدمتك |
صح قلبك قبل السانك يا سداح ...
تسلم ... يالشاعر
عزالله انك قلت ووفيت ... والظاهر انها تحتاج لمجاراه:p :p تبي تشغلني وانا على باب الا ختبارات :o :o يا اخوي انت تستفزني ... هالمره الظاهر اني بصير ( ياسر عرفات والا صدام):p :p على كل حال صح الله السانك وبيض الله وجهك وانا اشهد انك شاعر وما انت سهل. تقبل اعجابي قبسان |
الاخ العزيز والشاعر سداح
ما اقووول الا صح الله السانك ولا هنت وتقبل تحياتي |
عسا الجزيره ما تروح انصافي
..................... ولمّ الشمل مغسول بالصابونه أمن المحيط اليا الخليج الضافي .................... رحنا وجينــا .. حبّـة ٍ مطحونه المبدع والعملاق سدااااااااااااااح كما عودتنا دوما يا شاعر الحدث تواكب الاحداث بطريقه عجيبه تبقا قصايد سداح مميزه ولها طابع خاص لا يجيده الا سدااااح صح لسااااانك مليوووون على هالجزله لك التحيه والاعجاب المستمر اخوك حازم الروقي |
سداااااح
شاعر الاحداث الشاعر المبدع قصائدك لا يكتبها الا سداح قصائد روووووووووووووووعه ابدعت فامتعت .... فلك كل الشكر |
والشرق الأوسط حذفة الحذافي
.................... أحــذف عرفـاته على شارونه يازارعيــن السدر والصفصافي .................... نعنــاع .. لايزعل على ليمونه عسا الجزيره ما تروح انصافي ..................... ولمّ الشمل مغسول بالصابونه أمن المحيط اليا الخليج الضافي .................... رحنا وجينــا .. حبّـة ٍ مطحونه الشاعر / سداح بـــــــــــــــــدون تـــعـــلـــيــــق صح لسانك وبيض الله وجهك يا جزل تقبل تقديري واحترامي |
((صاروخ المرقاب))
والشاعر المبدع............سداح.......... لله درك.... قصيدة رائعة........ومجاراة للاحداث الجارية بطريقة ساخرة ... رائعة... انت تقوووووووول : عسا الجزيره ما تروح انصافي .... ونحن نقووووووول : آمين سداح لك حضور لايشبهه احد... شكرا لك... ولك مني كل التقدير |
سدااااااااااااااااااااح
صح لسانك يا جزل مبدع ورائع تحياتي لك |
المجنون والقنبلة والداهيه والذيب سداح
صح لسانك ولاعدمت هالصوت |
شاعري المتميز دائماً سداح
شكلها بتصير هوشه في النهايه لآنا مدحناك فالبدايه لكن قعدنا نغير منك في النهايه يعطيك العافيه على الآبداع والتميز والطرح الجري ومتابعة الآحداث دائماً فالقمه |
الغـالي / سداح
لا لا لا لا لا لا لا لا لا لا لا الزلزال .....................الزلزال... لا تعليــــــــــــــق ............يالزلزال......... |
سداح
صح لسااااااااااااانك مليوووووووووووووووون لا عدمتك يالذيب تقبل تحياتي مستور الذويبي |
الاخ الشاعر سداح
صح لساانك مليووون ولا يكفووون وافي وافي لاعدمتك شاعر جزل ومتمكن والابداع ليس بغريب عليك دمت ودام ابداعك تحياتي لك |
الاخ
سداح قصيده جديده وجميله وفعلا هذا حال جامعتنا العربيه التي لم تعد جامعه لك كل الحب |
مرحبا مليون يا محمد الكرشمي
اشكرك يا الغالي مرورك زادها نورا وتوهجا صح بدنك ولاعدمتك سلامي يا الغالي اخوك / سداح |
الأخ الشاعر / محمد فهد العرجاني
مرحبا بك الف ولاهنت على الإطراء يا القرم لك كل التقدير يا محمد وصح بدنك اخوك / سداح |
الشاااعر المبدع دائماً / ســـــدااح
صح السااااااااانك ولاهنت عزالله انّك تعالج الاحداث شاعر بكل ماتحمل الكلمه من معنى الشاعر هو اللي يصوّر مايدور حوله وانت خير من يجيد تصوير الاحداث والله ماعندي شي اضيفه على كلام الربع اللي قبلي لاهنت وصح الساانك تحياااتي |
هلاوغلا يا حسين
لاهنت يا بويزيد اشكر لك تواصلك وصح بدنك يالقرم اخوك / سداح |
| جميع الأوقات بتوقيت GMT +3. الساعة الآن 07:08 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية