شعر ابن عون ..
تحيه للجميع هنا
وابارك لكم حلول شهر رمضان المبارك احبتي بما اني بديت معكم بقصيدة لي ومجاره من الشاعر/ غازي بن عون استكمل القصائد الخاصه بهذا الموضوع .. بعد وصول مجاراة الشاعر / غازي والتي اعتبرها هديه ثمينه بعثت له هذه القصيدة [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]غردي يالقريحه فالبيوت تغريد=وطوعي عاصي المعني العنيد الشرود كل ماضمى الشعر صيري ونعم العضيد=ورديني على صافي قراح العدود واطلعيبي على شمخ جبال القصيد=مايحب النزول اللي يحب الصعود شعر ابن عون حرك ساكن مستهيد=مثل ماتحرك الريح امهات الرعود لاتكلم ماقال الا الكلام المفيد=واعذب اشعر مايحرك داخلك الركود شعري الجامد..الخامد..صحى من جديد=مثل مايصحي البركان عقب الخمود استفزه شعر غازي رويداً رويد=لين طالت زماليقه على عود..عود اثمرت..وإينعت..مثل امهات الجريد=يوم مع طلة المرزم نماها يجود جات غيداً تضم من اجمل الغيد..غيد=واشغلتني وانا حتى بوضع السجود اتخيّل شكل نظم العقود الفريد=واتمعن بجوهر مبهمات السدود قيدن عن سواهن مهرة الفكر قيد=وإيقضن فكري الغافي ايقاض الرقود لين خلن مابين الهائده..والمهيد=مثل مابين روح الموقد..والوقود شردٍ مايضويها خيال البليد=ولايتحمل عنا ترويضها الصعب .. كود شاعرٍ مثل شاعرهن شديدٍ عديد=عنهن وفيهن..وفيهن وعنهن..يذود ندّره..من يويق اعماقها يستفيد=كنها وصفة علاجٍ لمرضى الكبود بالهديه ومضمون الهديه سعيد=دامها جات من غازي عريب الجدود روحها في بنات انتاج فكري يشيد=بوح رمزٍ من رموز القصيد معدود شاعرٍ في بنوك الشعر يملك رصيد=مثل ماتملك اصحاب النقود..النقود الشهاده منه والله عليه شهيد=مكرمه من كريمٍ مالفضله حدود يوم احدد أهمية صداها تحديد=كنها فيض مكرمةٍ من ال السعود تاج لعاج من هداج تيما التليد=والله اني عليها من الكثير محسود جوهره نالها محضوض من كف سيد=سيد من ظمن سادات القصيد الاسود شعر ابن عون مثل الحر بين العبيد=يوم بالشعر بيض..ويوم بالشعر سود خلده في عقول اهل العقول تخليد=وافضل الشعر مايحضى منه بالخلود له سموع البشر تقول هل من مزيد=كل ماطلق عنان المفرده للوجود وزبدة الهرج والهرج الصيح الاكيد=شاعرٍ ماهو بحاجة شهادة شهود كثر ماتغرد طيور الصباح تغريد=له تحياتٍ اجمل من عبير الورود[/POEM] |
الغالي / لافي الغيداني
صح لســـــــااااااااانك ... لاهنت.... يالغـــالي... |
لى رجعه
هنيا قصيد يبيله جلسه وتمعن تحياتى |
ا لافي الغيداني
صح لســـــــااااااااانك ... لاهنت.... يالغـــالي... |
أخى الغالى
الشاعر الجزل لافى الغيدانى وش حالك طال عمرك كل عام وانت طيب جزل جزل جزل الله يبيض وجهك لك تحياتى |
الأخ الشاعر الفريد/ لافي الغيداني
مبارك عليك الشهر وعساك من عواده وكل عام وانت طيب وصح السانك على هذه الدره الثمينه وافيه ومن وافي وغازي بن عون يستاهل شاعر علم انت تقول .. استفزه شعر غازي رويدا رويد وانت والله شعرك يستفزنا بما يحمل من ابداع وتميز ضربه وحده لك كل الشكر يا الشاعر المبدع الرائع لافي أخوك / سداح |
لافي الغيداني
شاااااااااااااااااااااااعر مبدع ومتمكن تقبل كامل الاعجاااااااااب وابن عون شاعر يستاهل اكثر تقبل تقديري |
الشاعر الرائع / لافي الغيداني
الله .. الله .. الله وهذه رائعة من روائع الغيداني والله إن جميع ماتطرحه يستحق الاهتمام والمتابعة وبن عون شاعر يستحق ماقلته عنه دمت مبدعاً ياغالي . |
لافي الغيداني
..وابداع غير مستغرب على شاعر يجيد الربت على متن الشعر ........بصراحه يالافي ..قرأت لك ورغم انني لااحب التقليديه الجامده الا انك تستطيع ان تبدع بأي اسلوب تكتبه ..وماهذه القصيده الا دليل قاطع على كلامي شكراً واتذكر كلما اتجهت غرباً : تنفعني المره على بيت اهل نوف ...........لوكان مالي عند اهل نوف حاجه سلمت ودمت يالغيداني |
الحبيب / لافي الغيداني
غـردي يالقريحـه فالبيـوت iiتغريـد
وطوعي عاصي المعني العنيد iiالشرود كل ماضمى الشعر صيري ونعم iiالعضيد ورديني على صافـي قـراح iiالعـدود واطلعيبي على شمخ جبـال iiالقصيـد مايحب النزول اللـي يحـب iiالصعـود 00000000000000000000 صح لسانك وبيض الله وجهك ولاهنت يالافي لك تحياتي |
الأخ الشاعر / لافي
مبارك عليك الشهر وعساك من عواده وكل عام وانت طيب وصح السانك على هذه الدره الثمينه جزل جزل جزل الله يبيض وجهك وغازي بن عون يستاهل شاعر علم لك تحياتى |
الشاعر المبدع : لافي حمود
باسقه لها هول المطر والعطر ولها بريق الآنوار وريح الآزهار بكل أقتدار حظور لايليق إلا بلافي حمود يعطيك العافيه |
بيداء
هلابك وصح بدنك ولاهنت يالطيب |
الشاعر .. الرائع لافي الغيداني...............صح لسااانك
وبيض الله وجهك... قصيدة شامخة بشموخك.... وبن عون يستحق ماذكرت... شكرا لهذه الملحمة الشعرية المكتملة....وتشرفنا بحضورك... تقبل تحياتي |
خالد الذيابي
هلابك ومروك ولو مجرد مرور شرف كبير لي تحياتي لك |
اخوي
مدلهم العايضي صح بدنك والله لايهينك يالطيب |
خالد الذيابي
لاهنت اخوي خالد وانت والله الجزل ياخالد في حضورك وإطراءاتك الجميله شكرا لك منالاعماق |
سداح
هلابك وانت بخير وعافيه وسلامه دائماً ولا عليك زود اخوي سداح شكرا لكرم الاطراء ولك جزيل الشكر |
اخوي
ناصر تراحيب صح بدنك وبارك الله فيك يالطيب وتقبل صادق ودي |
اخوي
فراج الكرشمي مرورك وأشادتك شرف كبير لي شكرا اخي الحبيب |
اخوي
الغالي بندر بن محيا هلا والله بها المحيا والإطلاله الرائعه سعيد بحضورك اخي الكريم وترديدك للبيت المذكور ماهو الا شرف كبير له لا هنت وتقبل تحياتي |
اخوي
سعيد الحارثي اسعدني مرورك اخي الكريم شكرا على الاشاده ولك تحياتي |
| جميع الأوقات بتوقيت GMT +3. الساعة الآن 10:40 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية