مسابقه فكاهيّه (ادخل واكتب اطرف بيت شعر)
بسم الله الرحمن الرحيم في الحقيقه مدري مسبوق على ذالفكره ولا لا .. وهي انه كل عضو يدخل ويكتب اطرف بيت شعري مر عليه .. ويفضل البيت او البيتين كي تكون ماده سلسه يتداولها الاعضاء .. والبدايه من عندي: [POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لولا الهندي والهنديّه=ماسرّك حال الشيباني[/POEM] محمد بن فالح بن طفله (رحمه الله) , , اتمنى اشوف تفاعل ..:) |
ابشر بالتفاعل
يقول ان لم تكن لي والزمان شرم برم فلا خير فيك والزمان ترللي |
ارحب ياامبارك
يقول الشاعر الهندي: حنا بني هنّد لاصار جنجال .............نادر حياض الموت مافيه مشكلّ :) |
طيب طيب والشاعر الهندي الاخر يقول :
بابا ماما مافي زين سوي يضرب قول اجا انا في هندي مسكين واكبر مصيبه بجا |
ههههههههههههههههههههههههه
ماهم ابهينين الهنود فيهم فطاحله..(jar- , , ياصاحبي لاصرت بالحيل مبسوط ..................صفّق وجرّ الصوت طاطا بطاطا :m32: |
فكره جديده
اول مره تمر علي!! اذا لقيت شي بضيفه بالتووفيق |
فكره حلوووه
وأبشر ياونتي ونة الجربوع في صابر العنز تومي به والباقي مدزبل،،، |
هذا طال عمرك ابن جدلان طافته تريله وهو على وايت ( عايدي )
قال : و خري يالفنس عن سمح الإقبالي .. ـــــــ نعنبوا ذالــــوجه وجه الفلبيني .. ما طلعتي غير في جيلنا الــتالي .. ـــــــ في غلا المعزى و رخص البعاريني .. |
و هذا واحد طال عمرك مسكوه الاخوان منوّل
المهم قالوا هات الزكاه و الا طقيناك قال : قالوا : تزك و قلت والله ما أزكي .. ــــــ من يوم ربي جابني ما تزكيت .. الفقر عانه وسط بيتي متكــي .. ــــــ ما كنه الا واحد من هل البيت .. teeth: يا ويحي عنه والله اللي مهوب هامور يقولون انهم فكوه مدري قبل الطق والا عقبه مير الرجال علمهم بالصحيح |
لابالله موضوع ماعليه كلام :)
واما انا عندي هالبيت والله مادري من هو له :) امس الضحى في تالي الليل ونيت ونت جريح(ن) مابه الا العوافـي :) |
طيب خذ عندك :
يا بنت لا تاخذين الــلاش .. ـــــــ واخذي مثل جدك الاول شومي عن اكالت الفشفاش .. ـــــــ واللي ليامن رقد طوّل هابالله عليكم الفشفاش وش فيه :( والا الشيبان ذولا ما يبون الواحد يتطوّر مع العالم teeth: |
ياسلام ياسلام ..:)
يقول طال عمرك: يامرحبا ترحيبتن تسبق الفار .............لاصار في دربه ثلاثين قطوه , , :) |
فهيد
موضوع حلو صراحه اجل خذ: زفيتها قلت اذلفي لاتردين ................... ويالعن ابوها صدقتني وراحت :) :) عزة النفس اللي مال امها داعي :) |
!!
فهد موضوع ممتع استلم !! لا صرت بالصمان والليل ممسيك .. .. تشرب حليب نياق والا ميرندا . !! ! اكيد ان الشمس صاااليتك :m32: مير علاك بالبرندا الخصره (jar- |
يقول ابن جدلان :
امتياز الكلمله الدارجه بين الشباب .. ــــــــــ باتوظف واشتري من معاشي كامري |
^
^ ^ الكلمله باي قاموس بالله ..:) , , وهاذا واحد معجب بشغل الهنود: عان الدجاجه يدرج بجوفها الصيخ*****اصبر عليها لين يسخن ظــهرها شغل الهنود اهل الهدوم المواصيخ*****اخيـر من ناس(ن)عشاك يعسرها , , :) |
أبشر بالتفاعل
يقول واحد من الشباب ان لم تكن في بعض الأمور ذا عزيمه"="فما عندك اليوم ماعند جدتي |
ابشرنا بتفاعلنا
لبطى وليفي ماعينت اتصاله ــ حطيت زايد حرتي فالخواضه |
هذا شاعر يماني وولد شيخ مير الظروف حدته يشتغل عامل بنّا المهم الرجل عزموه ناس ويوم راح لهم وهم يقلطونه هو وباكستاني ومصري وسوداني على دجاجه عود يقول :
سلام يادار الكرم وابتهاجه =فيها النعاج البيض ترعى بهمها الفرق مابين العرب والخواجه=ان العرب تفخر بزايد كرمها أربع دول قامت تحوس الدجاجة=كن المفطح يقتلب في دسمها |
هذا شاعر مصري جاين عليه من امور الدنيا قومه وقعده
ويقوول البارحه ونيت واليوم حاون .... واوزع الونات في كل حته |
,
, , الحب عجـه والعـذارى قراطيـس ................ومن يمسك القرطاس في وسط عجه , , , :) |
[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاصرت بالصمان والقـيض حاديك = أشرب حليب نـياق وخل عنك المـرندا[/POEM]
بيت اشوفه من وانا صغيره:) بس ماعرف من قايله |
| جميع الأوقات بتوقيت GMT +3. الساعة الآن 04:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية