(( ريدنق ))
(( ريدنق )) ضاحية من ضواحي لندن أبتعث لها
إبن عمي (( مذكر بن سعد الكرشمي )) فاتصل بي ذات مرة فكانت هذه القصيدة : [poet font="Simplified Arabic,4,black,bold,normal" bkcolor="transparent" bkimage="backgrounds/3.gif" border="groove,4,deeppink" type=2 line=200% align=center use=ex length=0 char="" num="0,black" filter=""] يـامرحبا يـامرحبا بـك هلاوين= تـرحيبة تـنساق مـن غير سايق بـالصوت والـغالين يبقون غالين= وزود عـليه عـيال عـم وشقايق لبست ثوب الصمت مانمت يومين= لـقيت ثوب الصمت ماهوب لايق وقـدحت زنـد الشعر فالقافيه لين= اشـعلتها بـين الـمحاني حرايق ونـثرتها عـطر وعـبيرورياحين= وقـطفتها مـن بـين ورد الحدايق ورفـعتها مـع راجمات الشياطين= ومـضمونها كـله صحيح وحقايق تـمشي وتمسي في يدين المضانين= مـذكر ومن ضافه معه في الوثايق يـابو سـعد حـطيتني بين حالين= فـي حال مستانس وحال متضايق مرتاح يوم اوحيت صوتك وانا وين= اغـلى مـن الايـام لو هي دقايق فـزيت كـني كـاسب لي ملايين= وكـنك عـلي مـع النوافذتهايق لـكن شـعور الضيق ينتابني حين= اذكـرك فـي لندن ودونك عوايق لـو غيبتك عنا على الراس والعين= نـفخر بـها بـين الملا والخلايق من قام في الدنيا وحافظ على الدين= اخـتار يـامذكر خـيار الطرايق كـل الـبسيطه والخريطه عناوين= لـلمرجله والـبعد مـاهوب عايق مـايقطع الفرجه على العسر واللين= الا ابـلج مـن فـوق(ريدنق)وايق لـعـل يـفدونه جـميع الـرديين= الـفـاشلين الـعـاطلين الـعلايق هـذا الـقليل وبـاقي القيل بعدين= مـازال فـي نـفسي عليها لحايق ******* فراج ******** [/poet] |
هلا
وغلا بالشعر وأهله هلا بتاج راسى هلا بابو نايف مرحبا مليااااااااااااااار وصح لسانك وسلم بنانك مبدع وجزل تحياتى وإحترامى |
الغالى فراج
جزل مانسمع منك الا الجزل وقدحت زند الشعر فالقافيـه ليـن ## اشعلتها بيـن المحانـي حرايـق ونثرتهـا عطـر وعبيرورياحيـن ## وقطفتها من بيـن ورد الحدايـق صح لسانك لاهنت كفيت وفيت تحياتى لبو سعد وسلمت |
ماشا الله تبارك الرحمن
الله الله الله
يافراج وش سويت بي انا والله اللي لازال في نفسي عليها لحايق قصيدتك هاذي شكراا لمذكر على سفره والله يحفظه وشكراا لك على هذه الفاتنه ابدعت يا فراج وانت أهل للابداع وليس بجديد عليك صح السانك وسلم نباك اخوك واحد جمهورك / سداح |
جزله ... جزله يافراج .... وانا اشهد انك جزل
مثل ماقال سداح شكرا لمذكر على سفره .. اللي جاب هالفاتنه والدره صح لسانك ولا عدمتك هذا القليل وباقـي القيـل iiبعديـن ii مازال في نفسـي عليهـا iiلحايـق الله . الله ... الله تحياتي:) |
فراج
لافظ فوك والله يفرج عنك الضيق يافراج ودايما وابدا في الحال الاول مستانس يابو سعد حطيتنـي بيـن iiحاليـنii ...................في حال مستانس وحال iiمتضايـق وبو سعد بيجب المكاسب يالقرم وبلغه سلامي الغريب لشخصه البعيد سجل متاباعاتي واحتراماتي عبر التواصل بالاثير السبع |
فراج الكرشمى
شاعر كبير وجزل وعذب ماذا لدينا لنضيف لشاعرك بقامتك صح السانك |
الشاعر العذب/ فراااج الكرشمي
صح لسااانك مليوون وبيض الله وجهك على هالرائعه قصيده وافيه من وافي لوافي حضرت للاستمتاع بعذب الكلام والاستفاده انت فوق مستوى ان اشيد او اشهد لك مازلت طالباً اجد في قصائدك دروساً استفيد منها دام ابداعك ايها الرائع تحياتي لك |
صح لسااااااااااااانك يافرااااااج
الاخ العزيز ...... فراج الكرشمي
صح لساااااااااااااااااااانك والله لايهينك ويرد ابو سعد بالسلااااااااامه قصيدة رائعه وجزله من جزل................................ وذكرتني بلندن .. يوم أقول.... ياليت زايد يجي لندن ....................... ويشوف ماشافت عيوني عزالله انه يبا ينجن ...........................ويقول بالهايد خلوني وتقبل تحيااااااااااتي ........... أخوك مطلق العتيبي |
الاخ فراج الكرشمي
لبست ثوب الصمت مانمت iiيومين ii لقيت ثوب الصمت ماهوب iiلايـق صح لسانك والله يرده سالم وغانم انشاء الله تحياتي ابو نايف |
الغالي / ابو يزيد
الله يزيدك من فضلة شرفتني بردك وتواجدك الدائم معي أشكرك ياغالي تحياتي . |
شاعر المبدع : فراج الكرشمي
يعطيك العافيه على هذا الابداع الغير مستغرب من شاعر بحجمك |
ابو نايف....
صح لساااانك... وابو سعد....يستاهل... تحياتي لك |
اخوي
فراج تسلم على هالقصيدة سبق وان صافحتها في مكان اخر وها انا استمتع بقراءتها مره اخرى لك مني كل الود |
الأخ الغالي / فراج
صح السانك يالقرم ابيات رائعه اخوك محمد العتيبي |
المبدع فراج الكرشمي
صح لسانك وسلمت يمينك قصيده رائعه يامبدع تقبل اعجابي اخوك عبدالعزيز |
الشاعر الأعجوبه فراج الكرشمي
يا االا هي
كل البسيطه والخريطـه عناويـن ===========للمرجله والبعـد ماهـوب عايـق مايقطع الفرجه على العسر واللين ============الا ابلج مـن فوق(ريدنق)وايـق لعـل يفدونـه جميـع الرديـيـن ===========الفاشليـن العاطلـيـن العـلايـق هذا القليل وباقـي القيـل بعديـن =============مازال في نفسـي عليهـا لحايـق فراج تجعلني اشك في احتمال وجود شاعر غيرك على العموم هذا ما نضنه بك...........الأبداع والأبداع فقط اخوك عامر عمار |
بحر الصدق ... شاعرنا الكبير فراج الكرشمي
تصوير جميل لحالة اضطراب صادقة .. قلما يستطيع شاعر الجمع بين العقل والعاطفة .. وأنت تفعل باقتدار وتميز دمت على العز والمجد تحياتي اللائقة |
كل البسيطه والخريطـه iiعناويـن
ii للمرجله والبعـد ماهـوب iiعايـق صح لسانك لاعدمتك يامبدع جزل ومعانيك جزلة ولاغرابه. |
الأخ العزيز
فراج الكرشمي قصيدة جميلة وهادفه وشاعر كبير وصح لسانك وتقبل تحياتي وكل عام وانت بخير |
الغالي / محمد الكرشمي
ألف شكر على المرور والرد المتميز كل عام وأنت بخير. |
السلام عليكم
الاخ الغالى فراج الكرشمي صح السانك ولاهنت على القصيده الجزله تقبل تحياتي اخوك خالد بن سكران |
| جميع الأوقات بتوقيت GMT +3. الساعة الآن 07:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية