[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا هجوس الشعر للشعر تنساق الهجوس=دعوةٍ تفتح ودعوى يغلّق بابها
ما شرحت من المشاعر على غير الحسوس= ما يحرك ثورة الشعر غير أسبابها
وإن ذكرت أذكر عظيم الرجا ملجا النفوس=لا صطفق موج السفينه على ركابها
فارج الكربه على العبد فـ اليوم المسوس=مجري الأفلاك محصي البشر وحسابها
العظيم اللي تخضّع لطرياه الرؤوس=رازقٍ سحم الضرايا برووس إشعابها
ابتهل وأدعي من القلب والجاش محموس= مسلمٍ شاف الغليبه ولا يرضى بها
بيّح الخافي من الصدر غارات النجوس=استباحوا حرمة الدم فوق اترابها
البلاوي نوخّت والمشاكل حدّ مووس=نوخّت سود الليالي وحام غرابها
انكتب وجه التعاسه على وجه العروس=عقب دورات الليالي درج دولابها
انكشف وجه الحقيقه وصدر العيطموس=والتوا حبل القضيه على طلاّبها
في جسدنا خنجر السمّ بالسمّ مغروس= تلمض الحيه وسم العطب في نابها
لو حبسنا دمعة الغبن فـ الجفن الحبوس= تنغرز في الكبد سهم القهر وحرابها
والصراحة لو تضمّن وتوضع وسط قوس= شرهة اللحيه تقنّع طوال أشنابها
ما بقى من مجدنا غير تذكار البسوس= كبرت العلّه وضاع السنع باطبابها
دندنة حرب النصارى وغني يا مجوس= ابهلو ديس الهديّه وجاء حلاّبها
نصف قرن من الضحايا وتلقين الدروس= ما شفع لابن العروبه فصيح خطابها
وإن رفعنا الطرف والراس فـ الذيب الفروس= تشتعل نار القضيه على شباّبها
كل ليل نخيّل المزن وندز العسوس= لين ضاعت طاسة الماء على شراّبها
ما كتبنا من زمنا على بيض الطروس= غير ميقاف المهونه وحنا اسبابها[/POEM]

وسلامتكم