((جنة خدا))
 

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] بسم الله الرحمن الرحيم
السلام عليكم

هلا بمبدا اللي يطير إله النظر لامن بدا=شرايعه فج الضماير فج واطباعه سبي
خذا من البدر السنا الوهاج والورد الندى=وإمن السبايا قامته ومن الظبي عنق الظبي
وإمن الجمال ارق واجمل شي لي ماله مدى=شي ولله الكمال يرجع الشايب صبي
غنيت له وابغى اهدى لكن وشلون اهدى=من عقب ماعرض على وشب ناره بحطبي
عزف على اوتار الشعور وصار لشعوري صدى=والمشكله من عقب ماغنيت له عز إطلبي
تقول كنه مايعرف إمن الكلام الا بدا=يفهم ويدري ويش ابي ويقول مدري وش تبي
ياعزتي لي كان ضاعت عنده اشواقي سدا=واقفت ضعوني عنه ماحصلت مردود إتعبي
لو اخسر اشياءٍ كثيره سبة وصاله فدا=بلعون من حسب خساراته معا مثله غبي
تهون له كل الصعاب وكل شي ماعدا=كرامتي تبقى على راسي وفي سد اشنبي
ياهيه يامياس ياللي ماملا عينك حدا=ياليت ذودك عند ذودي وإعربك عند إعربي
من شان تجمعنا علاقة قرب ونصير احددا=وان ضاق خلقي بسببك ماضاق خلقك بسببي
ان جاك مني طيب وإلا مايجي مني ردا=فديتك ولبيه من عادك على الديد اتحبي
ظلمت بستانك بفستانك وهو ماله جدا=كنه يقول شرايك بغصني وعنقود اعنبي
وإليا انثنى خصرك معا ممشاك ياجنة خدا=ولاختلطت انفاسك بريح العطر يادين النبي
وقف دخيل الله عصفوري على غصنك شدا=وإلا فقل لي وش تبي واقول هذا اللي ابي
وسلمتوا ودمتوا[/POEM]

حجز مع مرتبة الشرف

مرحبا يانواف حجزك بحد ذاته شرف فديت خشمك

حجز بعد و المخرج ملي .. :(

مرحبا يارحيم مرورك كافي جعلك تبطي حي

صح لسانك يا عوض والله والله انها قصيدة رائعة



تحيتي يا شاعر

تهون لـه كـل الصعـاب وكـل شـي ماعـدا
كرامتي تبقى على راسـي وفـي سـد اشنبـي


تهون لـه كـل الصعـاب وكـل شـي ماعـدا
كرامتي تبقى على راسـي وفـي سـد اشنبـي



الله الله الله الله ياعوض .. والله إنها درّة
قراءة واحده لاتكفي ..

صح لسانك مدد بلاعدد
تحيتي وإعجابي .,

والله إنها فاتنه بحق
من أول بيت الى آخره
مبدع ياعوض


لك تحيتي ومحبتي،،،

لله درك اخوي عوض

يعجز الكلام عن ايفاء هذه الفاتنه حقها

لله درك
لله درك
لله درك
لله درك

وصح لسانك مدد بلا عدد

اخوك

شاعرنا القدير .. عوض ابوفقايا ..

حضور كبير لشاعر كبير والكبير الله ..


صح إبداعك .. وسلم بنانك ..

وإعجابي اللامحدود ..

سلامي عليكـ ..:)

زانت علومك ياذيبان :)



مار والله لحّمتها ليا آخر شئ :(



اسلم وسلّم


اخوووكم

ان جاك منـي طيـب وإلا مايجـي منـي ردا
فديتك ولبيه مـن عـادك علـى الديـد اتحبـي

ابو فقايا

ابك انت شاعر مصيبه ياعوض

يعلم الله اني من متابعينك وشهادتي في شعرك مجروحه ياكحيلان

مبدع دائما

ويطربني

قصيدك

ياعوض


صح لسانك

مليوون


اخووووك

الشاعر المبدع الراقي عوض ابو فقايا

لست بحاجة شهادة مني .. فأنت من مبدعي الشعر والمرقاب يستند على تواجدك انت وشرواك من اخواننا الكرام مبدعي هذا الصرح

قصيدة فوق الوصف

لدي ملاحظه يتيمه بخصوص كلمة ( بلعون ) لو استبدلتها بوالله او لاشكّ او ما يقابلها وزنا ويفي بالمعنى لكان افضل

ما سواها سلم فكرك يامبدع ،
أحد معجبيك وموديك ،

الغالي

نواف نايف
يامرحبا ويامسهلا والشرف لي طال عمرك بمرورك الكريم
لاهنت وصح الله بدنك

اخوك

عوض ابو فقايا...
صح لسانك من أول بيت الى آخر بيت.
أبدعت والله لا يهينك!!

هلا بمبدا اللي يطيـر إلـه النظـر لامـن بـدا
شرايعه فـج الضمايـر فـج واطباعـه سبـي

الله الله عليك بدايه ولا اروع


خذا من البدر السنـا الوهـاج والـورد النـدى
وإمن السبايا قامته ومن الظبـي عنـق الظبـي
وإمن الجمال ارق واجمل شي لي مالـه مـدى
شـي ولله الكمـال يرجـع الشايـب صـبـي
..........................................
المتع هنا في هذه الابيات


غنيت له وابغى اهـدى لكـن وشلـون اهـدى
من عقب ماعرض على وشـب نـاره بحطبـي

ياسلام ياسلام


عزف على اوتار الشعور وصار لشعوري صدى
والمشكله من عقب ماغنيـت لـه عـز إطلبـي

وهنا مكن الروعه


تقـول كنـه مايعـرف إمـن الكـلام الا بـدا
يفهم ويدري ويش ابي ويقول مـدري وش تبـي


حرفنة مبدع كبير

ياعزتي لي كان ضاعت عنـده اشواقـي سـدا
واقفت ضعوني عنه ماحصلت مـردود إتعبـي
لو اخسـر اشيـاءٍ كثيـره سبـة وصالـه فـدا
بلعون من حسب خساراتـه معـا مثلـه غبـي
تهون لـه كـل الصعـاب وكـل شـي ماعـدا
كرامتي تبقى على راسـي وفـي سـد اشنبـي
لله درك ياشيخ


ياهيـه ياميـاس ياللـي مامـلا عينـك حــدا
ياليت ذودك عند ذودي وإعربـك عنـد إعربـي
من شان تجمعنا علاقة قـرب ونصيـر احـددا
وان ضاق خلقي بسببك ماضاق خلقـك بسببـي

قمة الصياغه والاناقة الشعريه

ان جاك منـي طيـب وإلا مايجـي منـي ردا
فديتك ولبيه مـن عـادك علـى الديـد اتحبـي

والله وسبعة انعام

ظلمـت بستانـك بفستانـك وهـو مالـه جـدا
كنه يقـول شرايـك بغصنـي وعنقـود اعنبـي
وإليا انثنى خصرك معا ممشـاك ياجنـة خـدا
ولاختلطت انفاسك بريح العطـر ياديـن النبـي
وقف دخيل الله عصفوري علـى غصنـك شـدا
وإلا فقل لي وش تبي واقول هـذا اللـي ابـي



المذهل عوض

يعلم الله ان حضورك دائمآ مختلف

اعتمد الإعجاب والمتابعه

اخوك

مطلق المطيري

عوض بو فقايا

صح الله لسانك على هالرائعه
شاعر مميز
نوض

حي ذا العين من القصيد الصح


لله درك يا عوض


تحياتي الوااااااااااااااجد والوااااااجد

تدري عاد وش اللي يخلينا نتابع مايكتب في النت من قصايد هو انت وشرواك من يكتبون القصيده الجزله ولاصيله....صح لسانك ياعوض