جثل المناكب وافي الجرم عاري
 

السلام عليكم

من القديم مع طلعة سهيل فقبلوها

بسم الله ابدا _____

[POEM="font="Simplified Arabic,4,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جا بالفكر ذا الليل مليون طاري=طواريٍ تطري عليا وتفكير

أراقب النجمة بوقت الغداري=وأحسب حساب الواردة والمصادير

أشوف دون سهيل بانت محاري=طير النجم بان الفجر وأخر عصير

جتنا تباشيره وشفنا مواري=ذعذع براده بالسماء وأقبل الخير

يا بن دشن خابرك دوم انتحاري=لا قلوا الصحبان تكفي عن الغير

أبي المشورة منك لا جيت أماري=لا تستخير وغيرك أبداً فلا أشير

قلط علي الرأي بأول نهاري=عطني المشورة لا تقدم معاذير

بطب سوق الطير وأضن شاري=ما عاد لي قدره عن مفارق الطير

أما شريت اليوم فرخ الحراري=اللي وسط عينه تشوف السعاطير

فرخٍ حمر في وسط كفه شباري=أحد من وخز الإبر والمسامير

جثل المناكب وافي الجرم عاري=هجرٍ ملي الساق بالحيل وقصير

لا من تقفيته يزيد انبهاري=من هول عرضه أنصدم فيه وأحير

وليا نطحته مقدمه حيل فاري=ما كنه ألا ناوي الضد ومغير

عاده غشيم ليا نقلته تداري=عن العوج وتجنب عوير وزوير

أدهله وأدعيه وقت العصاري=وليا نهمته تل وكره ورا السير

ولا خذيت من القرانيس ضاري=طلعه وكاد مثبتينه مناعير

علمه موثق عاثيٍ بالحباري=لو كان محتاجٍ لكثر الدنانير

تعجز يدين اللي يعد المصاري=عنه يجنب من بدا فيه تقصير

ما قلبوه معاقبين الكباري=اللي لهم بالسوق لفه وتدوير

من فوق جيبٍ ما هو وراد سفاري=VXRيا محمد وجابوه تصدير

وكيله الساير وفيه إنجباري=شيخ المواتر دايمٍ فيه تطوير

خوي فالطرقة وشكله حضاري=نوماس للطيب زبون المخاسير

هذا زباد الهرج وأنت استشاري=واليوم أنا في وسط صدري دوافير

متعاقبٍ واليوم جتني طواري=النار تصلاني وكني على كير


:[/POEM]

وسلالالالامتكم من كل شر اخيكم



العجمــ بــــــدر ــي...@@


\


B

((1))

:)

2

بدر العجمي

وحضور مثري .. ومدهش
نص جميل .. وتميز بلا حدوود
ابو ناصر .. شهادتي في شاعريتك مجرووحه
ولكن .. تقبل إعجاابي وتقديري

هلا وغلا يبو ناصر:)
صح السانك ولاهنت
لك التقدير والاحترام

صح الله السانك يابو ناصر ولا هنت تحياتي لك

بدر العجمي .

صح لسانك
صح لسانك
صح لسانك

حضور مشرق بالإبداع .

تحيتي لك......أخوك

مـا قلبـوه معاقبيـن الكـبـاري
اللي لهم بالسـوق لفـه وتدويـر

من فوق جيبٍ ما هو وراد سفاري
VXRيا محمد وجابـوه تصديـر


وش باقي ياناصر
وسهيل ذعذع براده

الله يبيض وجهك

الاخ .. بدر بن ناصر العجمي ..


سلمت سلمت سلمت على هالقصيده وعزالله انك شعيت اهل الطيور ..:)


الف صح لسانك ..

وسلامي عليكـ ..:)

صح لسانك يا بدر
سلمت يمينك وعلا شانك
تحياتي واحترامي واعجابي

سلمت من كل شر ياحـر !


تحليق مضبوط مع طلعة سهيل :)


وراع الصنف مايبلش ،


عزتي لي انا وربيعي اللي ماغير فالكباري هههههه


سلام’ عليكم

الرجل .. الصقّار .. الشاعر .. العجمي بدر ناصر

صح لسانك مليوووون ،،،،

الله الله ..

بدر وحضور رائع

قصيده وافيه

صح السانكـ

أخــــوكـ...

B

\


فهيد بن عصيدان

حجز OK يا ذيبااان

بانتظارك اخيك



العجمــ بــــدر ــي...@@

\


B

لله درك

وعزالله أطربتنا

بيت بيت ولا أرووع

لك فائق تحيتي،،،

الشاعر الغالي ..

بدر بن ناصر العجمي ,,

قصيده إبداعيه من الدرجه الأولى ..

ووصف دقيق وحبك وسبك ..

لله درّك وصح الله إلسانك ..

وقفه:

من فوق جيبٍ ما هو وراد سفاري
VXRيا محمد وجابـوه تصديـر

أبوناصر تراك زعّلتْ أهل النياسين ..:)

الله لايلومك في حب الطير :)

بدر العجمي

قصيده جزله

بيض الله وجهك وصح لسانك

B

\


خالد الحصين
حجز OK يا مدير لاخلا ولا عدم

بانتظارك اخيك



العجمــ بــــدر ــي...@@

\


B

وش أقتبس وش أخلي!!
قصيدة رائعه
صح لسانك
بيت...بيت

أراقب النجمـة بوقـت الغـداري
وأحسب حساب الواردة والمصادير

أشوف دون سهيل بانت محـاري
طير النجم بان الفجر وأخر عصير


صح لسانك يابدر العجمي

ولله درك ياالصقار

لك كل المتابعة والتقدير

مع أجمل تحية

أخوك

بدر العجمي

صح لسانك وعلا شانك

اعجابي ومتابعتي