تقاسيم .. لـ (( مرقابي )) .. (( 1 ))
 

:
:
توضيح :

هذا المتصفح فكـره لتوضيف عناوين مشاركات (( مرقابي ))
في موضوع مترابط يحمل فكرة (( المقال )) او سرد (( القصه )) ..
من باب توثيق شي من نتاج المرقابيين بطريقة جديدة ..
وعناوين مشاركات المرقابي سوف تكون بين الأقواس وهي رابط وعصب الموضوع ..
وسيكون لكل حلقة ضيف واحد فقط .. !!
أتمنى ان تحوز على رضاكم ..

الشاشه .. الغشاشه .. !!

لـ : (( مناحي )) .. !!

قال : (( ياصديقي .. !! ))
بحكي لك قصة (( العاشق المتية ))
اللي هو أنا بعد ماتردى (( الحظ )) معي .. واعياني (( جرح الوداع ))
قلت : أفااااااا
قال : كنت عايش حياتي وناسه (( بيلوت وسعة صدر ))
و(( أسرق الدهشة )) من قلوب الحاضرين .. مثل مأنت خابر ..
ومقتنع بقاعدتي اللي أخترعتها وتقول : (( لا تشغلك حرمةٍ منت متجوزها ))
حتى وقعت وقعة ماكانت في البال لكنها صارت فـ (( البال توك ))
قلت عسى ماهي (( سوالف حب ))
قال : بلى (( سوالف حب ))
قلت : لاتكون حبيت (( بنت السبيت ))
قال : (( شر البلية مايضحك )) تطنزبي ..
شكلك طلعت من (( النقادة البطلّية )) وأنا جاي أشكي لك الشرهه علي .. !!
قلت : (( لا لـ الزعل )) (( ياصديقي ))
ماني (( ردي الطبع )) اللي يوذي رفيقة .. بس حبيت اضحك معك .. !!
قال : (( غاده )) جابها (( البال توك ))
نهبت قلبي وأيميلي وكل مايخصني ..
وجابت خبري .. حبيتها فعلاً .. !!
ضخت فيني (( أكسجين الشعور )) ..
وتطاردت في قلبي (( خيل الطواريق )) وصار كل شعري لها .. !!
قلت : كيف صار هذا وأنت أعرفك (( دقة قديمة )) مالك في هالشغلات .. !!
قال : (( شفت كيف ..!! )) أنا على (( بحر جده )) و(( هجوسي شرق )).. !!
قلت : شرق وين ؟؟
قال تقول : أنها (( ساكنة الفحيحيل )) .. !!
وتقول أنها (( آية الحسن ))
وأن جمالها (( حير الألباب ))
شعرت أن (( كفوف الأيام ملساء ))
وصرت أتردد على مقهى النت كني مراجع على (( مكتب وزير ))
وعازته عنده بأنتظار توقيعه .. مواعيدي صارت منتظمة لها .. !!
لانها بنت لهذا الحب مقام (( فالقلب غالي )) ..
يشبة مقام (( باشه معتبر )) .. !!
وأصبح (( عطر القلب )) الذي أستنشقه بأحساس محب ضرمان .. !!
صارت (( أمنية )) حياتي أشوف (( خشيّم حبيبّي ))
صار قلبي على (( بساط وسقيفة )) الوجد تغطية ..
صار كلامها المعسول (( بندق ونيشان )) رميه قلبي ..
واصبحت مشاعري ترقص على (( ونه وأه )) ..
لم أعد أطيق الصبر قلت مافيها بطلب منها رقم (( ALJAWAL ))
وفعلاً طلبتـة منها وافقت لكنها أجلت أعطائي الرقم ..
وقامت تماطل .. وجربت كل (( مواعيد عرقوب )) فيني .. وأضافت عليها مواعيد أخرى .. !!
في أحدى المرات أصريت عليها ..
ومع أصراري قالت وش شعورك لو أوايق عليك (( مع الشباكي )) .. ؟؟
أستغربت وقلت أي شباكي .. ؟؟
قالت اللي يفصلك عن اللي جنبك في المقهى ..
قلت المقهى مايدخلة غير الرجال وانتي أنثى وبعيدة ..
قالت : لحظة .. !!
وفجاءه طل مع الشباك .. رفيقي سعيدان القراد ..
وهو شاق الأفاق بضحكتة ..
اللي ماتدري معها هو يضحك والا يبكي من تضاريس وجهه اللي تضخ الجفاف .. !!
وقال : وش رائك فالسحبة ..؟؟
عندها كني صحيت من (( حلم )) وردي .. !!
قلبه سعيدان رمادي أصحر ..!!
طلع (( موقف كوميدي )) ..
ورسمة سعيدان علي رسمه (( ميه على ميه )) ..
الله (( ربي حسيبه )) .. !!
قلت : لية ياسعيدان ..؟؟
قال : (( على شان الفهيم )) يعرف ان فية أفهم منه ..
قلت : (( فارق ..!! )) .. قال : أبشر بس بقولك شي ..
أن (( الليلة الليلة نسوق التباريك )) ..
قلت : لية ..؟؟ قال : عشاني رديت شي من مقالبك فيني ..
وعشان (( كل واحد ياخذ باله من لغاليغوه عفواً ايميله )) .. متطنززززاً .. وبلاعيمه يشوفونها اللي فالشارع من الوناسه .. !!
قلت : شربت المقلب (( وياقلب لاتحزن )) لكن مردوده يـالقراد .. !!


مع الأعتذار لأخي الغـالي : مناحي .. !!


:)

يامشاء الله عليك ياعبدالرحمن ..

بصر1حه انا لابغيت ادّور على حاجه جديده ادخل على مواضيعك لانك فعلاً تكتب اشياء غيييير ..

مدهش ومفكر لدرجه جنونيه .. وقصه ولا أروع وسرد جميل للغايه ..

موضووووع جميل وفكره لازم تاخذ عليه براءة اختراع ..

بس شف لنا حل في عنوان الموضوع .. :)

تحياتي يامبدع ..

لا اله الا الله
.
.
لله درك..من عبقري.

ابو حمد انت مصيــــبه..:)

تحيتي أخوك

:)

ابو حمد صراحه .. أجدت الربط بسهولة وكانت الحلقه متقنه
ونسجت من عناوين قصائد شاعرنا المبدع مشخص ( مناحي ) قصه شيقه .. فصولها جميله لولا سعيدان وطلته الجافه :)

احسنت الإختيار فعلا ..

كتابه جميله وخفيفة ظل ،

لاعدمناك ،

الله لايضرك يا ابو حمد

حقيقة نفخر ويفخر المرقاب بتواجد امثالك بيننا

فكر نيّر وادراك لغوي مميز
ربطك لمواضيع الرائع مناحي يدل على ماتحمله من ثقافه عاليه وحس كتابي راقي
تقبل تقديري واحترامي

والله انك مدهش .. وراااائع يا ابو حمد

الله يطول عمرك .. لك تقديري

ماقول الا ..

لله درك بس ..:)

ومنـاحي اسم مرقابي يستحق الغوص في اعماقه الشعريه .. وعناوينه الاخاذه ..

ابوحمد ..تقاسيم متناغمه بشكل عجيب ورهيب وغريب وتدل على عقل وفكر ماشاء الله تبارك الله .. الله لايضرك


إعجــابي السرمدي ياصاحب الفكر العالي والغالي ..


سلامي عليكـ ..:)

الله الله الله
ياأخي سبحان من أعطاك هذه العقلية الكبيرة
ابو حمد بإختصار شديد أنت لست كاتباً فحسب ..أنت مبتكر إبداع ..ومصمم خطير..
.
لله درك وكفا ...

عزالله اني افتخر بك ..يالآلآلآلآمير

محبتي وتقديري

ما شاء الله تبارك الله ..على ما اعطاك ..

بس ممكن اعرف منين تجيب هالافكار ..

الظاهر لـ مقهى المساء دور !!


دمت حبيباً لكل ما حولك ..

لا زلت اكرر
"كل رد تكتبه نقراءه كاملاً"

كيف وانت تسطر موضوعا سخي (فكرا و عمقا)

في شخص (مشخص) الحبيب الصديق الشاعر



اكتب يابو حمد كلنا قلوب صاغيه

عنّي أنا إن مازدت مناحي مانقّصته :)



لاهنت مبدع !

عجيب أمرك ياهذا العقل وجميل

لم نعد نوفيك حقك مهما نسطر من عبارات الاعجاب

كن بخير وبعافية وبصحة جيّدة

تقديري الجمّ

قال : كنت عايش حياتي وناسه (( بيلوت وسعة صدر ))
و(( أسرق الدهشة )) من قلوب الحاضرين .. مثل مأنت خابر ..
ومقتنع بقاعدتي اللي أخترعتها وتقول : (( لا تشغلك حرمةٍ منت متجوزها ))
هههههههههههههههههه


حتى وقعت وقعة ماكانت في البال لكنها صارت فـ (( البال توك ))
قلت عسى ماهي (( سوالف حب ))
قال : بلى (( سوالف حب ))
قلت : لاتكون حبيت (( بنت السبيت ))
هههههههههههههههههه



قال : (( شر البلية مايضحك )) تطنزبي ..
شكلك طلعت من (( النقادة البطلّية )) وأنا جاي أشكي لك الشرهه علي .. !!
هههههههههههه 100%



صارت (( أمنية )) حياتي أشوف (( خشيّم حبيبّي ))
ههههههههه


لم أعد أطيق الصبر قلت مافيها بطلب منها رقم (( ALJAWAL ))

هههههههههههه









نهاية الغصّه :)

وفجاءه طل مع الشباك .. رفيقي سعيدان القراد ..


يهيييييييييييييييب ياعبدالرحمن ،

ماتقولي تسم استغرقت من الوقت في جمع خيوط هذه المقاله الكبيره :)


مناحي،

وش الحركات هاذي :(

الحقوا رفيدزنا يالربع قدّام يتعدّى النويصيب !



.....

لا تعتذر يا حبيب القلب
والله وبالله كتاباتك وافكارك تشرفني وتسعدني هذي اولاً :)



ثانياً ..
اتمنى ان تقاسيم لـ (( مرقابي )) تستمر
فهي فعلاً تخدم الاعضاء
< --- يبي ينكب الناس معه :)


بالنسبه لـ الاخ راع الحساء هاللي قاعد يعقب ويضحتس
ماعليه هيّن يا ابو عتيدز ان قاله الله انك الثاني
تكفى يا ابوداحم .. حطه رقم (( 2 )) :)




والله يبلغنا ويبلغكم رمضان ويجعلنا من قوامه وصوامه


والسلام ‘‘عليكم :)

أبشررررررررر .. تأمر أمر يابومنصور ..
بأذن الله أنه (( الثـاني )) لا وقصه على كيفك بعد .. !!
بس هذي ياخي ماطلبت شي .. !!
وماعليك أن شاء الله بصيد عناوين المرقابيين واحد واحد .. !!

أبومنصور ..
تأكد أن قلبي من أختارك وأختار عناوينك .. !!
الله لايخليني منك .. !!


:)

^
^

تراه صدز ؟؟؟؟؟


أبو حمـد ترى مزحك ثدزيل مرّه يعني ،

أنـا في وجه أبوك إنك تخليني على كيفي . ماباقي غير فينا يالرفيدز تصدّق العالم !



بعدين التوقيع جميل جدا جدا جدا جدا

<- يبا اذنه يلين معه شوي ههههه


سلام’ عليكم

:
:

القصه مهيب حول التوقيع .. !!
أعبر .. أعبر .. !!
بعدين يالقديم منين جايب (( في وجه ابوك )) .. أبك أنا نسيتها .. !!
وأحسب أن أخر واحد يذكرها أنا .. !!


رفيدزي .. أصبر وتشوف .. !!


:)

الله لايضرك ياعبدالرحمن

تقبل اعجابي بدون مشاكل

:) :) :)

:)

لك عندي هديه اذا جيت من شان موضوعك ذا .. بس عجل الجيه من شان تأ خذها



.
وعليك بعبد ربــه طلعــه من(( الحساء )) بتكميلة ((رياضه )).. ولابس اكرمك الله ((جزمات ))((معرس ))
وخله يروح للعيـون(( يسبــح ))
وفي النهايه اللـه لا يحرمنا(( ابداعك))



وتحيتي لك

:)

كل يوم يابو حمد تبدع
إبداع جديد وغير مسبوووق

صراحــه .. يتعب اللي يجاريك واللي يتعلم منك :)

بس عندك خطأ إملائي ( لتوضيف ) = ( لتوظيف ) :)

:
:

اخوي :
سـاري الزهراني .. ياهلا ويـامسهلا فيك .. !!
حضورك الفاخر .. أنار المتصفح .. !!
أشوفك تكتب (( الألف )) برقم (( 1 ))
وبهديك شغلة تصلح لك :
فيه (( 1 )) مصري .. ما(( 9 )) الدنيا من الفرحه ..
لأنه كل يوم (( 2 )) بيسافر مع (( 1 )) من أقاربه لمصر ..
وبيشوف (( 6 )) الحبايب أمه هناك .. يستاهل (( 7 )) البرمبه .. !! :thumb:

مشكووووووور .. ياساري .. !!

:)