مرثية بن حميد
اسعد الله اوقاتكم بكل خير
هذه القصيده رثاء في شيخ قبيلة عتيبه المرحوم / سلطان بن جهجاه بن حميد اسكنه الله فسيح جناته [poet font="Simplified Arabic,4,black,normal,normal" bkcolor="black" bkimage="backgrounds/16.gif" border="double,4,gray" type=0 line=200% align=center use=ex length=0 char="" num="0,white" filter=""] عزاي لعتيبه ونجد العذيّه=اعزي الهيلا بديده بديده سلطان راح ومستحيل(ن) مجيّه=انشهد انه للقبيله فقيده سلطان ابن جهجاه زبن الونيه=ارسل عليه الموت ساعي بريده مقدم عتيبه بالفخر والحميه=هو واسط الصرح المنيف وعميده شيخ(ن) تسلسل والمناسب زكيّه=سلايل ازكا موحّدين العقيده امن الرياض ليا جبال الحويه=والحزن فوق ديار نجد ونكيده بشهر رمضان الشيخ جته المنيه=عساه يعتق به نهار الوعيده الموت يتعب مايلاقي حليّه=طاب اختياره وانتقا مايريده اخذ سلايل داحرين الغزيّه=لو ينفدا بنص العرب مايعيده مرحوم يازاك النسب والسجيّه=يامن بنا ذكره صروح(ن) مشيده يامنبع الطولات والمقدريّه=يامنتهى عسر الامور الشديده ياملتجا المضهود بالمعسريّه=بالعرف والحكمه والارياء السديده وبالمعرفه في هرجتك جاذبيّه=ونظرتك دايم يابوفيصل بعيده ياسلالة ادهاة الرجال القويّه=اللى تعلّوا بالفعول المجيده يوم السنين الشهب والعنجهيّه=امتازوا بشب الشعار ووقيده ويوم المجاعه والظروف العصيّه=وهم يذبحون الكوم بأيدا(ن) رغيده ذوي حمد اهل النفوس الابيّه=منزّحين اعصاة نجد العنيده امجادهم للناس ماهي خفيه=ولاهي على سموع الخلايق جديده ولو اني اظمن حصرها بابجديّه=بدعت واردفت القصيده قصيده لكنها فوق الكلام وطريّه=وفوق القصيد وما ارتفع من رصيده مجد(ن) رسا رسي الجبال العتيّه=وفعول برقا وروق هي ساس حيده ماجالهم صفطان ولاّ عطيّه=جاهم بضرب الصارمات الحديده نالوه يوم السلب والجاهليّه=من يوم تركي قام يطبخ وريده كم لحّقوا هزم السريّه سريّه=ويشهد لهم نجد المسمى وبيده لين اصبحت روس العصاه امحنيّه=والمنحرف بالسيف خلوّه سيده يامال مسكان الجنان العليّه=اللى بنوا ساس الصروح الجويده جعل المزون الغر والموسميّه=تسقي قبور اهل الفعول التليده حتى اللحود اتصير منها نديّه=في جاه معبود(ن) يروف بعبيده والحيّ منهم للحياه الهنيّه=عسى سنين ابناء الاماجد مديده جعل البقا فيهم سنين(ن) مديّه=اللى اورثوا كل الصفات الحميده وللعز يااهل العز والمعنويّه=يامحتوين انقا الخصال الفريده ذباحت الحايل بيمنا(ن) صخيّه=لطّامت العايل بعنفه وكيده صونوا مفاهيم الجدود النقيّه=لا تقبلون ارياء القلوب البليده ضعاف النفوس اهل النوايا الدنيّه=لعل مال الجنس هذا شريده التفرقه شف النفوس الرديّه=ولم الشمل شف العقول الرشيده ارقوا صروح المجد والنار حيّه=والحظ قايم والليالي سعيده جدانكم يثنون في كل هيّه=والواجب ايقوم العضيد لعضيده تكاتفوا تكفون يالصيرميّه=ويمنا(ن) بلا يسرا تراها وحيده سلطان راح وجعل رب البريّه=يرفع مكانه فالجنان ويزيده شيخ(ن) بكت فرقاه نجد العذيّه=وعتيبه الهيلا بديده بديده وسلامتكم عمّــان [/poet] |
التفرقـه شـف النفـوس iiالرديّـه
.................... ولم الشمل شف العقـول iiالرشيـده ارقوا صروح المجد والنـار حيّـه ..................... والحـظ قايـم والليالـي سعـيـده جدانكـم يثنـون فـي كـل iiهيّـه ..................... والواجب ايقوم العضيـد iiلعضيـده تكاتفـوا تكـفـون iiيالصيرمـيّـه .................... ويمنا(ن) بلا يسرا تراهـا iiوحيـده ابيات راااااااااااااائعه ستبقى خاااااااااااالده حسين مبدع الى ما لانهايه رحم الله الشيخ سلطان واسكنه فسيح جنانه حسين سجل اعجااااااااااااااابي اللامتناهي وكذلك احتراااااامي لنبل اخلاقك |
رحم الله الفقيد واسكنه فسيح جناته
وصح لساانك يا حسين كتبت واحزنت وابدعت لله درك على هذه القصيده الصادقه والفقيد ليس فقيدا على الهيلا فقط بل فقيده على الطيب والطيبين دمت بخير تحياتي لك |
صح لسانك ياحسين قصيده رائعه وجزله
ورحم الله الشيخ سلطان ابن جهجاه واسكنه جناته. |
عز الله انك قلت يالعتيبي
الاخ الشاعر
حسين العتيبي ... صح السانك على هالملحمه الرائعه ............ وعزالله انك قلت وطلت الجزاله يالعتيبي . بيض الله وجهك ..... والفقيد ماهو بس فقيد عتيبه وانا اضم صوتي لصوت عكاشه واقول المرحوم باذن الله فقيد الطيب والطيبين . الله يرحمه ويسكنه فسيح جناته ويلهم ذويه الصبر والسلوان والسير على خطاه. اما انت ايها الشاعر لك اعجابي وتقديري و تقبل تحياتي يالشهم اخوك ابو قبسه قبسان |
الشاعر الفذ / حسين علي العتيبي
رحم الله الشيخ ( سلطان ) مشاعر وجزالة غير مستغربه من شاعر متمكن بحجم حسين ماحوته هذه ( الحزينة ) هو عين الصواب تحدثت بلسان الجميع ياغالي ألف ألف شكر وإنا لله وإنا إليه راجعون |
الغالي/ حسين علي العتيبي
صح لسانك... قصيده جزله.... لاهنت.... ورحم الله سلطان.. تقبل تحياتي... |
ياملتجـا المضهـود iiبالمعسـريّـه بالعرف والحكمه والارياء السديـده
وبالمعرفه فـي هرجتـك iiجاذبيّـه ونظرتك دايـم يابوفيصـل iiبعيـده ياسلالـة ادهـاة الرجـال iiالقويّـه اللـى تعلّـوا بالفعـول iiالمجيـده يوم السنيـن الشهـب والعنجهيّـه امتـازوا بشـب الشعـار ووقيـده صح الساانك مليوون حسين العتيبي والله يرحم اموت المسلمين ويرحم ابن حميد |
الاخ الشاعر حسين بن علي العتيبي
صح لسانك وجزاك الله خير والله يرحم بن حميد ويرحم جميع موتى المسلمين تحيتي لك |
آمين اللهم اغفر له و ارحمه
جعل المـزون الغـر iiوالموسميّـه تسقي قبور اهـل الفعـول iiالتليـده
حتى اللحود اتصيـر منهـا نديّـه في جاه معبود(ن) يـروف iiبعبيـده صح لسانك اخوي حسين و با رك الله فيك تحياتي |
ماشا الله تبارك الرحمن
الله الله
صح السانك يابويزيد وسلم راسك عسا الله يمد في عمرك على طاعته عز الله انك قلت فابدعت القول شاعر بكل المقاييس يا حسين لاهنت ثم لاهنت والله يرحم اموات المسلمين جميعاا ويبقي عيال سلطان وسلالته الطيبه أخوك / سـداح |
السلام عليكم
الاخ الغالى والشاعر المبدع حسين على العتيبي يااااااااااااسلالام عليك وصح الله الساااااانك ولاهنت على المرثيه الرائعه ياقرم وعسى اللله يرحم الشيخ ويسكنه فسيح جناته ويحشره معا محمد صلى الله عليه وسلم وابو بكر وعمر وعثمان وعلي والصحابه ويحشرنا معاهم امين امين امين |
اخوي الغالي / حسين
لله درك ومشكور على هذه الأبيات الروحانيه ورحم الله الشيخ سلطان ابن حميد رحمة واسعه اخوك محمد العتيبي |
أبو يزيد
رحم الله الشيخ : سلطان بن حميد وأسكنه فسيح جناته والله لايهينك فى ذمتى أنك تستاهل حبة خشم على هالعصماء التى أحتوت على حقائق عاقل لله درك يابو يزيد الهيلا فخرها بمن هم على شاكلتك لك إحترامى إستاذى وتحياتى |
حسين
صح السانك ماقصرت يستاهل ابن حميد الرثاء احسن الله عزانا فيه |
حسين
والله انك ما قصرت وانك تستاهل من يعنالك ويحب خشمك على هالقصيده صح لسانك |
ابويزيد
الرائع ابويزيد الغالي صح لسانك قلت وابدعت ورثيت ونصحت وفخرت لاهنت وقبله على خشمك وجبينك ورحم الله شيخنا ابوزيد |
ناصر تراحيب
لاهنت على مرورك يالغالي وهذا من وفاك وطيبك والله يرحم بن حميد ويرحم اموات المسلمين وعساك ماترا مكروه ولك تحياتي عمّّــــان |
الله يرحم الشيخ / سلطان ويسكنه فسيح جناته
لاهنت يابو يزيد الله يعطيك العافيه على ها لرائعه وليس مستغرب عليك عبدالله العتيبي 0البـــــــــــــــــــــادي0 |
حسين العتيبي
قصيده وافيه من شاعر معروف والله يرحم ابن حميد يستحق ماذكرت ويستحق ان يرثيه الجميع ابدعت في هذه المرثيه الصادقه |
ولو اني اظمن حصرهـا بابجديّـه
===== بدعت واردفت القصيـده قصيـده الله عليك يبو يزيد...............................صح لسانك مليون قصيدة رائعة ولاتحتاج الى شهادتي ومعك حق في تأجيلها... شاعر جزل ولايأتي الا بالجزل دائما... شخصية ستبقى في ذاكرتنا دائما.....رحم الله سلطان.. وعظم الله اجرنا... ولك جزيل التحايا... اخوك معيض |
اخي الشاعر / ابو يزيد
رحم الله الشيخ سلطان واسكنه فسيح جناته كتبت واجدت...صح لسانك.. بيض الله وجهك..وجزاك خيرآ.... اخوك بن بداي |
| جميع الأوقات بتوقيت GMT +3. الساعة الآن 05:08 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية