الوسم
 

[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/.gif" border="groove,9,limegreen" type=0 line=0 align=center use=ex num="0,black""]بشـّرُوا بالوسم قنـّاية الناقه =والديار المبطيه في تحرِّيها
جابه اللي يكرم الخلق بارزاقه =ويحيي الديره بعَد موت افاعيها
أرسله رحمه لبدوٍ على فاقه =بالدعا ترفع يدَيها لواليها
جاهزٍ سَرَّا بتدبير خلاقه= ليلته من عصر للفجر محييها
بالبروق اللي على ساق لهّاقه =في مقاديم المزون ومثانيها
تنتهب نوم المولع من احداقه =والقلوب تتلـّها من عروايها
صبح غدرانه تطارخ وصَفـّاقه =والطيور مغرّده في شواطيها
يصبحون البدو للطرش سوّاقه =والمزارع ما لهم لدّةٍ فيها
في مجاكر والمغاتير سَبّاقه =كنـّها تطوي البسيطه بأياديها
للبيد وشيلة الصوت لحاقه =ما تغث بسَوقها كبد راعيها
قدمها السندا الشناح امّ خنـّاقه =فوق ورك الركبي ارخت لواحيها
أشهد ان الوضح بالدلّ فرّاقه =وفوق زين طبوعها الرب حاليها
ومن تمكن حُبّها داخل اعماقه =يرخص الغالي على شان يرضيها
من غلاها لو يطق التعَب ساقه =ما وقف في نحورها عن مناويها
من طلوع النور لين ادرق اشفاقه =مَرّ يسبقها ومَرٍ يباريها
لين نبت الوسم تقطف من اوراقه =فى الرياض اللي تداحم مراعيها
والتعَب ينساه ويضيّع ارهاقه =حين ترخي رُوسها في مفاليها
ويلتفت للبيت ويشيّد اشناقه =في رفاع الارض ماهوب واطيها
ولا استوى مبناه ثم دوكر ارواقه =وربعته رتب صبيّه مراكيها
شبّ ناره والحطب عجّل احراقه =والمعاميل النظيفه مدنـِّيها
وزيّن الدلـّه وفنجالها ذاقه =دلةٍ عَلى مزاجه مسوِّيها
لا اختلط حاذق طعَمها بترياقه =سجّ عن حاضر همومه وماضيها
واشترى اللي ما لها فى الشحَم طاقه =قطعةٍ من عند شاوىٍ مربِّيها
حطـّها في الشبك ثم رزّ معلاقه =في حَرا رَبع ٍ تعزه ويغليها
أو طروشٍ للمعازيب توّاقه =الطراقي يبشرون بنقاويها
عند من لا جَوه ما تقفل اخلاقه =يبتهل واهل الريَا ما يراييها
يذبح ويمنح ولا قلـّت اوفاقه =وحِلـّته ما دبّر الضيف شانيها
متبع منهاج حَمّاية الساقه =الرجَال اللي بعيده مغازيها
مثلهم رجم النقا بالقدَم واقه =ومن مكاسب كفه الروح مرهيها
والعمر فاني والاقدار تفـّاقه =والحياة الله عليم بتواليها
ضاوي العصيمي [/POEM]

ضاوي العصيمي

ياحلو ماسطرت و ياحلو ما شيّدت و بنيت من ابداع و امتاع ..

قصيدتك هذه اخذت نصيب الاسد من عنوانها ..

صح لسانك و سلم راسك على ماجاد يابو زياد .. :)

اخوك : رحيم

2

ضاوي العصيمي

صح لسانك وبيض الله وجهك

قصيدة جزله من شاعر جزل
تقبل فائق احترامي

الله الله ياضاااوي

صح لسااانك مدد بلا عدد

جزله من جزل

لك كل التقدير والشكر

والعمـر فانـي والاقـدار تفّـاقـه
والحـيـاة الله علـيـم بتواليـهـا

لافض فوك ياضاوي وصح لسانك

قصيدة تطرب البال وفيت وكفيت الله لايضرك

تقبل مروري المتواضع على هذه الدرة

مع أجمل باقة ورد وأجمل تحية

أخوك

الله يبشرك بـ كل خير يا ضاوي ..

صح لسانك ..

جزل ومتمكن .. ولك اسلوبك الخاص ..

تقبل الود...

الله الله ياضاوي


قصيده تنعش البال



جعل عمرك طويل كفيت ووفيت



صح لسانك ولاهنت ,

والعمرفاني والاقدارتفاقه=والحياه الله عليم بتواليها
يا لروعة البدع ياضاوي
صح لسانك

ابو زياد بيض الله وجهك

وصح السانك ياحزل

تقبل ودي

ضاوي العصيمي

صح لسانك وبيض الله وجهك

قصيدة جزله من شاعر جزل


تقبل فائق احترامي

صح لسانك يابو زياد

جززززززززل وشهادتي فيك مجروووووووحه

تحياتي

فالح الشلوي

ابو زياد ..!

صح لسانك
صح لسانك
صح لسانك
.
.
قصيدة مميزه كما وكيف ..! طرق رائع وقليل من يتقنه بهذه القوة ..!
.
.
تحيتي لك..أخوك

حي والله هـــ الاسم اللي يرفع الرأس



وحي هـــ الأبداع يابو زياد



كل شيء طراته على حله



الوسم ....... والقصائد الوسميه



والقدره الفائقه في أختيار القصائد والأوقات المناسبه



الله لايضرك يابو زياد



ويجعلني ماعدم هـ الاسم وهـ الرأس




كل الاعجاب والفخر




والتحايا الوسميه



،،،،،،

ياسلام والله على بدعك يابوزياد ..



سلمت على هالوسميه الرائقه مع مطيع الوسم وقلائده !



اعجابي خابره مايحتاج اوصيك ،

اف لاكن تقبل السلام يبه :)


سلام’ عليكم

من كم سنه ماقرينا لضاوي بهذه القوه


يبدو ان العمار كان له دور في تغييب هذا الابداع

لكن عزاءنا انك ذهب لاتصدى
الف مليون صح لسانك على هالقصيده الغير مستغربه منك

الاستاذ الخلوق ضاوي العصيمي

اسعد الله جميع اوقاتك

مرور للإستفاده يالغالي


اخوك طايل الذويبي

ضاوي العصيمي

أرحب يالقرم

عزالله انك صورت وابدعت ( وهيضتنا )

صح لسانك يابو زياد ملايييين

سلم على حالك

شبّ ناره والحطب عجّـل احراقـه والمعامـيـل النظيـفـه مدنِّيـهـا
وزيّـن الدلّـه وفنجالـهـا ذاقــه دلـةٍ عَلـى مـزاجـه مسوِّيـهـا
لا اختلط حـاذق طعَمهـا بترياقـه سجّ عن حاضر همومـه وماضيهـا
واشترى اللي ما لها فى الشحَم طاقه قطعةٍ مـن عنـد شـاوىٍ مربِّيهـا
حطّها في الشبك ثـم رزّ معلاقـه في حَـرا رَبـع ٍ تعـزه ويغليهـا
أو طـروشٍ للمعـازيـب تـوّاقـه الطراقـي يبـشـرون بنقاويـهـا
عند من لا جَوه ما تقفـل اخلاقـه يبتهل واهـل الريَـا مـا يراييهـا
يذبـح ويمنـح ولا قلّـت اوفـاقـه وحِلّته مـا دبّـر الضيـف شانيهـا
متبـع منهـاج حَمّـايـة السـاقـه الرجَـال اللـي بعيـده مغازيـهـا


الرجال اللي بعيده مغازيها

ضاوي العصيمي

صح لسااااااااانك

ابدعت ودخلتني جو عزالله في ذى القصيده

صح لسااااانك مره ثانيه ياجزل

لك تحياتي وتقديري

جابه اللي يكـرم الخلـق بارزاقـه
ويحيي الديره بعَد مـوت افاعيهـا
أرسله رحمـه لبـدوٍ علـى فاقـه
بالدعـا ترفـع يدَيـهـا لواليـهـا


سبحانه


ضاوي العصيمي صح لسانك

قصيده لاتقل روعه عن سابقاتها

وموضوع جديد وابداع جديد

صح لسانك صح لسانك يااستاذ