من لم يمت بالسيف..........مرثية بن حميد رحمه الله
اخواني الاعزاء عذرا لتقصري عن المشاركات خلال الفترة الماضية ....لظروف خارجه عن الارادة....
هذه مرثية في فقيد الجميع الشيخ سلطان بن جهجاه بن حميد رحمه الله.... [poet font="Simplified Arabic,4,white,bold,normal" bkcolor="black" bkimage="" border="double,4,seagreen" type=0 line=200% align=center use=ex length=0 char="" num="0,black" filter=""] عجزت أبين من ضميري تعابير =صمتي بقى مردود صدمه ثقيله علمٍ لفاني كدر الصدر تكدير =من مصدرٍ ماثوق مافيه حيله اخذت لي بالعلم ساعة تفاكير=عجزت اكذب به وعندي دليله قلت اه يادنيا الفنا مابها خير=تطحن رحاها حبها ما تكيله تمضي ولا تعطي لاهلها محاذير=ولا تميز جزلها والهزيله ولا تفرق بين عماروعمير= تمضي ولا تحسب حساب الفصيله مادام فيها الأنبياء والمشاهير=واهل الخطابه والصفات النبيله ولا دام فيها من يحوز الدنانير =لو يشتري منها البقاء ما يجيله افنت سلفنا والبقية طوابير =كلٍ على يومه ولا له وسيله من لم يمت بالسيف جته المقادير =اليا دنا يومه تقرر رحيله رضيت بالواقع ولا لي معاذير =عزيت نفسي قبل اعزي القبيله مرحوم يانسل الزحول المناعير =اهل الزعامه كاسبين الجميله زعامة بالمجتمع مالها غير = ذوي حمد تاج الفخر والفضيله سربة رجالٍ بالسنين المعاسير=قدام هيلاهم سيوف صقيله يردون ميراد الأسود المغاوير=لا ولعوا للحرب راس الفتيله فيما مضى قد سطروا نجد تسطير=على المهار الصافنات المهيله وسلطان من بعد السلف واصل السير=حتى رقا بالمجد راس الطويلة حمّل امانه واحتملها بتقدير =وحمل الامانه قل من يرتكيله من شبته عطت فعوله تباشير=ونجمه برز وسنين عمره قليله بالعرف والحكمة وحسن التدابير=والفهم والإدراك يندر مثيله ستين عام في الدجا بدره منير=يقود ربعه والامر ينتهيله راسي ولا هزه هبوب ومعاصير=حتى نفل بالطيب ثلثين جيله وان ضاعت دروب السنع والتياسير =عند الامور الكايده ينعنيله صرح الأماره والادب والتفاسير=من ينشده يشفي جوابه غليله اليا هرج بين الوجيه المسافير= وليا البلاغة موجزه وتحليله عدٍ على جاله ورود ومصادير=لو جمهروا ماقل عنهم حصيله قضى حياته وارتحل دون تقصير = واليوم صارت رجعته مستحيله وعم الحزن عروى وعروان والنير =ومن الخليج اليا حجازه وسيله خسارةِ من معضلات المخاسير=عبر بها كلاً على حد قيله ولوا الشعر ياصل محامدك يامير=واصلت في بدع البيوت الجزيله لكن عسى رخم السحاب المزابير=تمطر على قبرك صدوق المخيله وتحفك الرحمه وتحضى بتطهير=من كل ذنب وكل وزرٍ تشيله وتسكن جوار مدمر الشرك تدمير =شفيعنا اللي كلنا ننتميله [/poet] وسلامتكم........ عبدالله موسى بن بداي العتيبي |
اللهم صلي وسلم على سيدنا وحبيبنا محمد
صح لسااانك أخوي /عبد الله ,,,وبيض الله وجهك ,,, ورحم الله الشيخ /سلطان بن حميد رحمة وااااااسعه ,وأسكنه فسيح جنااااااته ,,, أخوك/مستور الذويبي |
رحم الله ابو فيصل
واحسن الله عزانا وصح لسانك ياعبدالله... كتبت فأجدت... تحياتي لك |
عبدالله بيض الله وجهك على هالجزله
. . . ورحم الله فقيدنا واسكنه فسيح جناته..اللهم ااامين . . . . تقبل تحياتي وسجل اعجابي،، |
تســـــــــــــلم يمينك يا أبو معــــــــــــــــــــاذ وصح لســــــــــــــــــانك ياالقرم
لاعدمت هالراس والله والله يسكن فسيح جناته تحـــــــــــــياتي |
لله درك يابن بداااي
لو الشعر ياصل محامدك يا مير .. واصلت في بدع البيوت الجزيله عز الله انك ما قصرت ووفيت يا عبدالله .. شاعر جزل جزل جزل الله يبيض وجهك ولا يهيينك شكرا على جزالتك وعزاك والله يعظم اجر الجميع ويرحم اموات المسلمين جميعااا تحيتي يا عبدالله ولاعدمتك ، أخوك / سداح |
مـادام فيهـا الأنبيـاء iiوالمشاهيـر واهل الخطابـه والصفـات النبيلـه
مـادام فيهـا الأنبيـاء iiوالمشاهيـر واهل الخطابـه والصفـات النبيلـه رحم الله الشيخ سلطان بن جهجاه لاشك بأنه فقيدة على عموم القبيله لاهنت ياعبد الله والله أنا فاقدينك وأن حضورك يهمنا لانك جزل وشاعر من أبرز شعراء المرقاب بيض الله وجهك وبإنتظار جديدك تحياتى |
عبدالله موسى
صح لسانك والله ورحم الله فقيدنا الشيخ سلطان بن جهجاه |
بيض الله وجهك ياعبدالله
قصيدة مشرفه وجزله من شاعر عادته الجزاله فعلاً من أروع قصائدالرثاء والمديح في آن واحد رحم الله الشيخ سلطان وسلم لنا راسك تحياتي وتقديري . |
رحم الله الفقيد رحمة واسعه
واسكنه فسيح جناته والهم ذويه الصبر والسلوان وصح لسانك يابو معاااذ كتبت فأجدت واجزلت واوفيت لمن يستحق الوفاء تحياتي وتقديري لك |
ابومعاذ
صح لسانك ابدعت وماهي غريبه ورحم الله شيخنا ابوزيد |
الاخ عبد الله موسى ..... صح لسانك ... صح لسانك
قلت ....وفيت ..... وكفيت .... والله يرحم الشيخ سلطان .. ويسكنه فسيح جنانه ... قولوا آمين . تقبل تحياتي |
اخوي الغالي / عبدالله موسى
جزاك الله خير يعلم الله ان فقدان الشيخ لايوفيه القصيد ولكن قضاء الله وقدره ......... ونعم بالله كفيت ووفيت يالقرم اخوك محمد العتيبي |
الاخ العزيز الشاعر الفذ / عبدالله موسى
صح الساااانك يابو معاذ عزالله انك قلت ووفيت انا اقول ما تأخرت الا وراك شي بيّض الله وجهك وسلمت يمينك والله يرحم بن جهجاه ويسكنه الجنه والبقا بشيوخ القبيله ورجالها لك تحياتي عمّــــان |
أخوي مستور الذويبي
صح بدنك وجزاك الله خير والله يرحم الشيخ سلطان .. ويسكنه فسيح جناته اخوك عبدالله موسى بن بداي . |
الاخ معيض
شكراللمرور وطيب المشاعر صح بدنك ابن بداي |
السلام عليكم ورحمة الله وبركاته........
الاخ العزيز الشاعر / عبدالله موسى صح الساااانك يابن بداي عزالله انك قلت ووفيت بيّض الله وجهك وسلمت يمينك والله يرحم بن جهجاه ويسكنه الجنه تحياتي لك |
الأخ //خالد الحويماني
لاهنت يابيض الوجه شكرا على طيب المشاعر لك خالص تحياتي ابن بــــــــــــــداي |
احسن الله عزاء الجميع
صح لسانك و رحم الله الشيخ و جميع المسلمين
تحياتي لك يا عبد الله |
الأخ والشاعر الكبير
ابو مقبل لاهنت يالســــــــــــنافي شهادتك فخر لي شكرا على طيب المشاعر لك خالص تحياتي ابن بــــــــــــــداي |
الأخ والشاعر الكبير
سداح صح بدنك يالطيب والله لايهينك على المرور ..... والف شكر ياسداح تحياتي لك يالذيب ابن بــــــــــــــداي |
| جميع الأوقات بتوقيت GMT +3. الساعة الآن 03:40 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية