منتخبـــنا
بسم الله الرحمن الرحيم .. عندما انتقد ارسطو فلسفه استاذه أفلاطون . أخذ عليه نقد. فكيف تنتقد من تخرجت من مدرسته وتتلمذت علي يديه فأجاب : انا احب أفلاطون ولكني أحب الحق أكثر ... وأنا احب منتخبنا ولكني احب الصراحه أيضا .. متواضعه بطرحها ... كبيره بغضبها يا خساره ما اقول الا خساره @ لمن العطار ما يورث عطاره إيتعلم مهنته من ناس أصلا@ بينها وبين العطاره الف حاره ما فهمتو مقصدي ولا فهمتو@ المهم إني بسولف وبحراره منتخبنا وش علامه منتخبنا @ وركزو ع ( النون ) في أخر عباره يومه يمثل بلادي أيه بلمس @العذر لمن يشن الضيق غاره منتخبنا وش علام المجد عنده @صار حلم وصار سجانه نهاره بعد ما بكي عيون الشعب فوزه @صار يبكي الشعب من وقع الخساره ليه ؟ ولا كيف ؟ لو نسال بعضنا @الإجابه فـ مطلع أبياتي مشاره منتخبنا لاعبينه ما عليهم @ كل منهم قادحن فنه شراره المصيبه لو أشرنا بالمصيبه @ في جهازه واتحاده والاداره الرياضه عندهم ماهي رياضه @راس مال وصارت الدعوه تجاره شيل هذا وحط هذا دام هذا @إبنفوذه قادر ايسد الستاره اسدلوها جعلكم ما تسدلونه@ حقنا لا شبت القيفان ناره يا يبه وإن كنت انته ما تدخن@ ما الوم ان شفت في فمك زقاره وضعنا مزري وأزري من وضعنا @إنه التاريخ كاتبنا ابجداره والأزيرق لو يبي يسمع صدانا@ مع وصوله للوطن يبكي مطاره بس أحس اني بموت ان زاد حكي@لا ذكرت إن النصر تاج الحضاره ما بخوض بمعترك تاجه تخلف@وما أبي شعري معه يفقد وقاره وسلامتكم... بنت وايل |
ذبحتونا ياجمهور الازرق تبون الفوز دايم لكم
الله يعوضكم بابو حمود وفتحي كميل القصيده معبره لكن ماقلته هو من باب المزح واتمنى ان يعود الازرق لمستواه |
حجـــز 1
وان شاء الله الجايات اكثر ومنتخبكم متجدد ولا تستعجلون عليه ان شاء الله بيرجع امجاده شكرا لك |
صح لسانك ومع راي حامد
|
بنت وايل
:: ما اقدر اعلق على الموضوع لان الموضوع له قسم خاص نتناقش فيه .. لكن اللي اقدر اقوله .. صح الله لسانك .. ولاهنتي على ما وصلتيه .. تقبلي فائق الاحترام والتقدير :: |
والأزيرق لو يبي يسمع صدانا@ مع وصوله للوطن يبكي مطاره
بنت وائل صح بوحك والله يكون في عونكم مع التحيه |
كنا ونبقى نغني للأزرق العريق ( هاي دو أور كامل )
واليوم ونحن نحزن لحزن الأزرق نقول خيرها بغيرها والمنتخب الكويتي يبقى بطلا وعملاقا وكبوة 18 يتخطاها بحول الله . الجميلة بنت وايل قلوبنا معكم ومع الأزيرق . |
بنت وايل
صح لسانك تحياتي |
حامد بن عوجان
لاهنت على مرورك اخي والله كريم .. |
بنت وايل يسعد مساء الشعر يابنت وايل.........
وبعدين حتى حنا ابتلشنا بالاوخيضر....... قصيده مميزه معالجه للحدث وصراحه الازرق ماعاده المنتخب الاول كااان كله نجوووووم والكلام ينطبق على الاخضر لكن تبين العلم المنتخب عمام يسعد مساااهم.. تقبلي تحياتي والمره الييايه تكتبين بفوزكم بكأس آسيا.. بإنتظار الجديد والمزيد بنت وايل |
صح الله السانك
نص راقي وجزل تقبل ارق التحايا |
والأزيرق لو يبي يسمع صدانا@ مع وصوله للوطن يبكي مطاره
بس أحس اني بموت ان زاد حكي@لا ذكرت إن النصر تاج الحضاره ما بخوض معترك تاجه تخلف@وما أبي شعري معه يفقد وقاره صح لسانك يابنت وايل والله يعين الأزيرق :hippie: اعتبروها كبوة جواد:) صح لسانك مرة أخرى تقبلي ودي وتقديري الأخوي مع أجمل تحية |
الله الله الله ياسلام
يا بنت وايل نص راقي في جزالة ابداع قصيده جزله تقبلي تقديري حسين الدوسرى |
ماشي
بعد ما بكي عيون الشعب فوزه صار يبكي الشعب من وقع الخساره عليكم بالتفائل انشاء الله خليجي 19 أزرق :) بصدق كل منتخبات الخليج دايخة الامكانيات مفروض توجد منتخبات اقوى العماني تطور شوي وفعلا تقدم .. الباقي مكانك راوح حتى البطل الامارات ... تشوفونه في كأس آسيا وكالعادة كل الخليجيين خروج من اول دور في كأس العالم . .. واحتفالات في كل قطر خليجي يفوز ... وحاله يمكن ما سووها في اياطاليا لما فازت بكأس العالم الحقيقة ماهو هذا المستوى المامول ابدا |
صح السااانك يابنت وايل
والجايات اكثر ومصير الازيرق يطلع ازرق قصيده جميله ومعبره وفالك الفوز ان شاء الله فالمرات القادمه سجلي اعجابي بماتسطرين وتقبلي تحياتي وتقديري |
صح لسانك يا بنت وايل
ولا هنتي والازرق يعوضها الايام الجايه انشاءالله |
ما بخوض معترك تاجه تخلف@وما أبي شعري معه يفقد وقاره
هذا بيت القصيد يأبنت وائل صح لسانك ولاهنتي والبطولات قادمة لامحاله |
هذا رايي الشخصي ..
زين الي قاعد يصير فيهم ولو فيه مستوى اقل من الصفر كان قيمتهم فيه اذا كانوا الاعبين كل واحد لاهي بسكسوكته وزالغ شاربه فمانقول الا الله يرحم الحال ودام الاداره ماهمها الا راس المال مانقول الا عساهم مايتهنون فيه دام الضحيه اسم منتخب الكويت ***** اختي بنت وايل قصيده رائعه وقالت مايجول في خاطري صح لسانج ولاهنتي نوض |
أأسف .. لوجود هفوات مطبعية
سأسعى لتصحيحها .. |
محمد ال مطيليق
الله يسمع منك شكرا لعطر مرورك .. |
عياد الرشيدي
صح وجودك اخي الكريم .. |
المصيبه لو أشرنا بالمصيبه @ في جهازه واتحاده والاداره
الرياضه عندهم ماهي رياضه @راس مال وصارت الدعوه تجاره شيل هذا وحط هذا دام هذا @إبنفوذه قادر ايسد الستاره اسدلوها جعلكم ما تسدلونه@ حقنا لا شبت القيفان ناره والاخضر مع دربه :) صح لسانك يا بنت وائل وبالتوفيق للازرق في قادم مشاركاته تحياتي |
| جميع الأوقات بتوقيت GMT +3. الساعة الآن 01:59 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية