تهنئه والدعوى عامه !
اخواني المرقابيين جميعا ً ..
سلام الله عليكمـ ورحمته وبركاته .. هذا الموضوع ماهو الابمثابة امتداد لـ الخبر المفرح والبشاره الغاليه التي أتى بها القرار الاداري رقم وتاريخ والقاضي بتدشين اول الاعمال الوظيفيه لنجمنا وشاعرنا المبدع رحيم الغنامي من يوم أمس السبت .. ! هنا بإسمكم جميعا ً نزف خالص التهنئه واصدقها لابوراشد .. ونسأل الله له التوفيق في حياته العمليه .. وحبذا لو تكون التهنئه بـ بيتين شعريين .. :) مطلقة القافيه والبحر :) الف مبروك يارحيم ولد راشد ______________ انت غالي وتوظيفك يشرّفني والله اني قبل لا تعترف ناشد _______________ مير ليتك مع الراتب تسلفني :) |
teeth: teeth: teeth:
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اسكب هجوسي على الكيبورد=من يوم سلطان حللها أجمل تحيّة وباقة ورد=من شان رحوم نرسلها[/POEM] |
الف الف الف مبروك وعقبال الدرجات العليا في الدنياء والاخره
[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يوفقك يا رحيّم = يا ولد راشد الروقي وعساه مبروك يا غليّم = عداد من دش بالسوقي[/POEM] |
[GLOW="FFFF00"][POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بعد الوظيفه جابها =ابن الغنانيم القروم
الله يبارك له بها= ويبارك لها فيه دوووم[/POEM][/GLOW] |
مبروووووك ويستاهل ابوراشد
وأنت ياســـلطان وافي وافي ولاتجي الاّ ومعك الخير كلّه . [POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]منها للأعلى يابوراشد=مبروك والقلب داعي لك لـنّك ذكي وعاقل وراشد=والأول على كلّبوا جيلك[/POEM] وعساها أول الغيث :) . . |
يستاهل ابو راشد عز الله انه يستاهل كل علمٍ غانم
مع اني و الله مدري وش الموضوع لكن الأكيد انكم تباشرون بالعلم الغانم اللي حصل عليه ابو راشد و يشهد الله انه يستاهل و انت يا سلطان ما تفكنا من الشفرات هذي؟؟ و الله دوّرت في كل اقسام المرقاب ما لقيت القرار الإداري رقم و تاريخ اللي تقول عنه.. على الطاير: [POEM="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماهي غريبه و الغريب=لو اختلف ميزانها مبروك يا الرجل النجيب=ياللي طرح نيشانها[/POEM] |
السلام عليكم ورحمة الله وبركاته
و الله ولا انا يا شفق لكن الله والعالم ان بنشوف رحيم بالتلفزون عطنا صورة يا ســلطان من القرار :qarar: [POEM="font="Traditional Arabic,7,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]و الله مدري وش القصه = بس الدعاوي عمومية (مبروك) لرحيم أخصه = يستاهله مية بمية[/POEM] ابو نايف :) |
من بعد سلطان بشر بالعلوم الزينه=قال هنوا بالقرار رحيم الغنامي
التهاني ياعساه انه يكمل دينه=لاتوخرها ترى احسن شي حامي حامي |
بالتوفيق ويستاهل ابو راشد
|
مبروك ٍ الوظيفه
ـــــ يا رحيم الغنامي |
و اللي أحب أضيفه
ـــــ ( خلك ولد نظامي ) |
مبروك يا رحيم عساه مبارك
......................... وظيفتك يا شيخ تستاهلها |
الله يالدنياااا رحيم توظف !!
آآه لو انكم شايفين حالته ووضعه قبل الوظيفه عموماً انا اطلبه عشرة الاف وميتين ريال متسلفها مني لها ثلاث سنين وساكتً عنه الفتره هذي كلها لانه مهوب في وظيفه وهالحين اما يجيبها والا والله ان يلامج ابو زعبل والا يجيبله كفيل ,,يأما مدير او نايب مدير او مشرف نشيط اهم شي كفيلً ثقه مع اني خابراً محدً بكافله كفانا الله الشر (10200) مهيب خرابيط :( والتهنيه ,, معصي ماني مهنيه لين يجيب الفلووس ويقطع العلاقه مع دربها |
:
: اولاً : مشكور يـامديرنا على التهنئه والبشاره .. !! ثـانياً : هذي تهنئتي لزميل (( الكفاح المشرّف )) ولو أنه راح وخلاني : رحيّم اليوم له وسط الوظايف رقم ـــــــ يبشر بخير .. يشطب به على ماسلف والقل كانه رقمني في فؤادي رقم ـــــــ بطق بابه .. وابلقى مع جـنابه سلف همسه في (( أذن )) رحيّم : أذا فصلوووك تعال ترانا ما ننسى (( العشره )) .. !! :) |
اقتباس:
حاسبها بـ (( 200 )) .. يهيييييب .. يـا (( حنظل )) .. !! يـاخي انت ماتكفيك نص عمائر الحساء وأراضيها .. والمساكين (( أفراد )) الحرس الوطني اللي تلبد لهم مع الراتب .. !! وتأخذ أقساطك منهم .. !! رحيّم الله يعينك على الـ (( 200 )) والا البـاقي أمره هين .. !! teeth: |
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بعد كان شعره .. ويل قلبي .. ويا .. لبيه=يجر الهجيني .. والصياهد .. يشرفها
توظف رحيّم .. جعل ربي .. يبارك فيه=بعد كان .. يتحلوى الوظايف .. توضفها[/POEM] :) :) :) |
اقتباس:
محشوم عن الكذب ياعبدالله بس تعرف السنين تمر محدٍ درى عنها يمكنك ماتذكر teeth: الدعوى هواين مايحتاج كفلا بس خلك معي ثواني ابي اذكرك يمكن تذكر :thumb: الفلوس حولتها على حسابك من حسابي اللي يعدي teeth: وراجع أطرف بنك تلقى الدراهم فيه ------> ياربي لك الحمد مدروووووووه ومن هنا أعلن انها هدية مني لرحيّم الغنامي بمناسبة توظيفه وعانيّته اذا تزوج من غير شر teeth: اكيد تذكرت ياعبدالله ها جيب بيتين بهذه المناسبة teeth: |
اقتباس:
<<< هذا والله القعيطي ولا احد يعلم بعلومنااا :( |
اوّل الغيث يا رحيّم يبل الريق ______ والاجاويد جعل الله يوفقها
جعل دربك يسير وفالك التوفيق ______ دعوة ٍ من صميم القلب ناطقها :) |
اقتباس:
ماذكر ماذكر شي مره مره :( وانت عزيز وعلى شانك بعد الله طرح عنه (2000) ريال باقي (3200) ريااال <<< مهوب فاكً هالميتين |
وعليكم السلام ورحمة الله وبركاته مرحبا اخووي سلطان مساء الرضــــــــى لك الف شكر على هالموضوع الوافي والف الف مبروك لــ اخووي رحيم على الوظيفــه [POEM="font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يارحيـّم بارك الله في الوظيفه=ووفق الله كل شخص(ن)ماتوظف[/POEM] اختكم فوق الثريااا |
يارحيم المعطي الله وانت تستاهل
الله يزيدك يابوراشد ويرزقنا تستاهل الطيب مهمايغضب الجاهل تقسيم الارزاق شي بيدخالقنا |
| جميع الأوقات بتوقيت GMT +3. الساعة الآن 06:03 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية