...امثالنـا الشعبيــه بـ مشاركــه الجميـــع ....
 

أختي فوق الثريا

شكرا لك و ننتظر التفاعل من باقي الأعضاء


والله الموفق

موضوع موفق إن شاء الله

وذي مثالين بس
حتى نعاود الزياره والرد


" أخر العلاج الكي "




" هذا بلى أبوك ياعقاب "




:)

(( دهنا في مكبتنا ))

هذا مثل عند اشقائنا في الكويت واتوقع انه واضح ..



(( عد ابو زيد وعد عشره ))

هذا يقال في المدح لشخص حين السؤال عنه يعني يسوى 10 ومن ضمن هالعشره ابو زيد الهلالي !!


وعلى طاري العشره ..

بعد فيه مثل يقول ..

(( لا صرت جمّال فواعد عشره ))

معناه اذا كان فيه لك موضوع وتحتاج تواجد شخص معك او اكثر من شخص علّم واحد واثنين وثلاثه يمكن احد ينشغل والا شي الا الثاني جاهز .. :)



(( كنك يا بو زيد ما غزيت ))

هذا كنه مثل لاحد الدول العربيه الشقيقه اللي يقول (( تيتي تيتي مثل ما رحتي مثل ما جيتي ))

وتقريبا يشبه المثل القائل (( صبّه احقنه لبن )) وفي رواية اخرى (( صبّه ردّه )) يعني بالهندي سيم سيم



وان عيّنت شي ثاني عوّدت

لاهنتي يافوق الثريا

موضوع رائع

وأول مثل ينطبق عليك شخصياً

(( ليال العيد بينةٍ من عصاريها ))

الف شكر الف شكر على مواضيعك ونشاطك الملحوظ وخفة ظلك :)


نبدأ وسجل ياقلم


(( لو فيه شمس بدت من أمس ))

(( حاميها حراميها ))

(( بغت تستر وعيّا أبوها ))

(( أشيل الخرج وفيه حيّه ))

(( حبيبك من تحب لو كان دب ))

(( لا تخن من أمنك ولو كنت خاين ))

(( يجوز العيد بلا حناء ))

(( ماكل بيضاء شحمة ))

(( جا يبي الخدمة وحطوه خدام ))

(( جميع شاص مايطلع كرى )) -------> هذي من عندي مالها خانه :p



اذا لقيت من الأمثال المرمسة جيت :)


لك كل الود والتقدير

مع أجمل باقة ورد

العين ما تعلى على الحاجب


مع الخيل يا شقراء

ياخال ابوي حك ظْهري

فووووق الثريا


مشكوره على هالموضوع اللي فوق الرائع



وسجلي هالامثال مع خواتها اللي فووق


يقولون البدو ( خلها تلحق امهاتها )
يعني خلها تروح مراح اللي قبلها


( سعيد اخو مبارك )
يعني فلان مثل فلان



( مافي قطعة راس العبد مشوره )
يعني عازم على تنفيذ الامر مافيها كلام



( بيت ابوها استر لها )
يعني خل الحاجه في محلها اطيب لها



( مرابض السباعه ماتخلى من العظام )
يعني الحاجه ماتلقاها الا عند راعيها



( ابشر بولود مير مات )
يعني مثل الرجال اللي يبشر بشي ضده او ماهوب في صالحه



( مايبي لها نشدة شيخ )
يعني بعض الامور واضحه ولايحتاج لها توضيح



(عين الحقيقه مايغطيها الهدب)
يقال عن الشي الصحيح الذي لابد منه ولايختفي مهما كان



( على اليمين لو ابو زيد الهلال يسارك )
عند مثلا صب القهوه تبدا باليمين مهما كان على يسارك



(الناس من يدرك رضاها )
يعني مو كل الناس سوف تكسب رضاها
وطبعا تذكرت محاوره حبيب العازمي ومطلق الثبيتي الله يرحمه اللي يقول فيها حبيب

الثبيتي كل ماقلنا علامه قال ضايق
والسبب مامن سبب والناس من يدرك رضاها

يالربع وش رايكم اكمل لكم المحاوره كامله


<<< اقول عطني الامثله اللي عندك بس


نرجع محور حديثاً



(ان لقحت والا ماضرها الجمل )
يعني سوا الفعل اللي تبيه اذا انتجت عن خير والا ماضرها شي



(عصفور في يدك ولاعشره على الشجره )
يعني شي تمكلكه ومضمون والظامن الله ولاعشره ماهيب في يدك



( مال الغريم الا الغريم )
طبعاً يعني مال المحب الا المحب واضرب بها ماشئت
على فكره سمعتها في محاوره لـمستور العصيمي وهو من افضل الشعر اللي يوظفون
الامثله بالابيات الشعريه


( البعد لـعيون الرجل والكحل لـعيون الحريم )
طبعاً مثل اللي قبله سمعته بمحاوره لمستور العصيمي اما المعنى اعتقد واضح



( من حظنا دايم يفوز المنخب )
يعني الفوز دايم حليف لنا وطبعاً سمعته في محاوره لحبيب العازمي



(حده على المسجد ترى دينه ردي )
يعني حد الرجال على مايكره



( مالك الا بتلا ) تم تغير اسم هيفا بأسم بتلا خوفاً من الشرهه
يعني مالك الا فلانه سمعته في احدى القنوات الفضائيه


(من حبه الله جمع ضيفانه)
يعني من احبه الله جمع لها ربعه واصحابه



( النوم سلطان )
مايحتاج توضيح



( الموت مع الجماعه رحمه )
يعني اللي يصيبك مع جملة الناس رحمه



واخيراً اقول بيض الله وجهك على هالموضوع يافوق الثريا والسموحه على الاطاله



يؤيؤ تذكرت واحد
( لاتحتك مع الزمل وانت حاشي )
يعني تقوله للي اقل منك سن او معرفه


تقبلو تحياتي

( الذيب ما يهرول عبث )

يضرب للإنسان المكار اللي يحوس ويدوس على شان ينفذ شيء في خاطره

عندي مثل مصري

بس والله انه طيب ومجررررررررررررررررب

( اللي بيخاااف من العفريت بيطلعله)

هذا لا صرت مسوي لك خنبه يعني خمااال ( يقاااله شرحها)

وذال من شي اما الشرطه او اي شي

لالالازم يطلع لك

لاهنتي يافوق الثريا والله يوفقك


الأمثال

(( عيال الحباري مثل أباها ))

(( قاعدٍ له خاله في الريع ))

(( ماجايٍ من الأرنب غزال ))

(( من بغى منك ماعذرك ))

(( النار تخر رماد ))

((والله لو انك المرقاب)) -------------> اذا زعل منتدى على آخر وبينهم نقاش :)