حبيب العازمي وفيصل الرياحي
يسعدني أن أنقل لكم محاوره جمعت أعلام المحاوره على مستوى الخليج الشاعر الكبير (الشبح ) حبيب العازمي ...و... الشاعر الكبير فيصل الرياحي فيصل سلام ياهل الديـار اللـي عليهـا سـلام=حامينها أهل السيـوف الحـدب حامينهـا الليلـه الملعبـه ماتعـتـرف بالنـظـام=وليـا حضرنـا تبـى ترجـح موازينها حبيب يامرحبا يارجال(ن) مـن ديـار(ن) كـلام=يازينهـا فـي ليـال الصيـف يازينـهـا الليلـه الملعبـه تحتـاج ربـط الحـزام=وليـا وقفنـا نبـى نخـزي شياطينـهـا فيصل اليا خلطت السوالف مـن حـلال وحـرام=الكلمـه الثانـيـه عـنـدي براهينـهـا ياحبيب اليوم خلك شعـرة(ن) فـي سنـام=والبـدو تلـقـاك لاشــدت بعارينـهـا حبيب أن جنبت في اللحم وأن وافقت في العضام=والكلمـه الثانيـه تاصلـك فـي حينهـا ماني بشعره أناخصمـك قطـوع العـرام=وان زاد جـن البقـوم أحشـر مجانينهـا فيصل أن وقعت في الصخر وان وقعت في العدام=حنـا سيـوف المعـارك وأنـت سكينهـا الله ربـي وربــك يامـطـوع جـهـام=تسجد علـى الأرض لاثـارت براكينهـا حبيب لو مامعي غيـر سكيـن ومطـرق بشـام=أخذ سيوف أكثـر البقمـى مـن يدينهـا الله رب الجميـع وصاحـبـي مـايـلام=هجـت ذلولـه تلـوى فـي كراعينـهـا فيصل كم عالم(ن) يحلمـون ويشمتـون الحـلام=مـاردك عـن البـقـوم ألا سلاطينـهـا ترا هذيك الهنـوف أم الذهـب والزمـام=ماعدك ألا قـذاة(ن) فـي طـرف عينهـا حبيب وين السلاطين يوم(ن) الشجـاري خيـام=هـي بيـض مـن طبعهـا ولا مكسينهـا وأنته بعد في حدا الخديـن دقـت وشـام=الله يعينـك عـلـى الأيــام ويعينـهـا فيصل شهد لنا بخيت يوم الهوش تحـت العسـام=ماهـي بكذبـه مـع العبلـه مسوينـهـا عاملتهـا بالوفـا والطيـب والأحـتـرام=وأنته تجمـع علـى الخبـزه وراعينهـا حبيب شهـادة طيبـه لاهـل الهـوا والـغـرام=قصيدتـن كــل خـلـق الله مغنينـهـا ياصحابنا لايزيـد الطـق فـوق اللحـام=أنـتـم مغدينـهـا حـنـا معشيـنـهـا فيصل أنتم كما الزرع ياعتيبـه وحنـا الصـرام=الأرض مـاعـاد تحمـاكـم ميادينـهـا ياشاعرن في الملاعـب لبسـوك الوسـام=ضيعت في الليـل عشرتهـا وعشرينهـا حبيب كلمتـك هـذي ماتنقـص للنشامـا مقـام=ياللـي تهـدد عتيبـه وينـك ووينـهـا يالشاعر اللي نبتلك مثـل ريـش النعـام=ماصالـحـن للبـقـوم ألا دكاكيـنـهـا فيصل ندخل علـى الله ترانـا مانسـب الكـرام=أقولـلـي سالـفـه مـاهـم بناسينـهـا من يوم ركبت طوقن مثل طـوق الحمـام=حتى أم ضرفيـن جادينـك علـى دينهـا حبيب السـب مالـه مجـال ولايفـك الزحـام=وأن جبتلـك سالفـه ميعـادك دوينـهـا مايختلف هالرياحـي منتفـخ كـل عـام=كـن أم ضرفيـن غاذيتـه بضرفينـهـا فيصل مزكـوم ياصاحبـي واعديتنـي بالزكـام=دينـت بنـت الحـلال ولا قضـا دينهـا سبحان من حط جسمك مثل عـود الثمـام=كنـك مـن أفريقيـا وأحـد مساكينـهـا حبيب خلـه لعلـه عساكـم كلـكـم للهيــام=العافـيـه صــح منـتـم مستحقينـهـا وزن الخشب طن ولا الماس كيلو جـرام=حمـر الفلسطيـن نكبتـهـا فلسطينـهـا ولكم خالص ودي وأحترامي |
ياســــــــلاااام :)
محاوره كنت ابحث عنها يامشعل ، وذلك بسبب مطلعها المشتهر مع الناس ! ما أقول إلاّ :- بارك الله فيك يامشعل وجزيت خيراً .. سلام ’عليكم |
تسلم يامشعل على الاختيار
|
حياك الله يامشعل
وبيض الله وجهك على نقل ها المحاورة الرائعه واللي أمتعتنا بها كثيراً لا عدمتكــ يالغالي !!!!! |
عبدربه شاكرلك مرورك الكريم وبارك الله فيك ولاهنت ولك خالص ودي وأحترامي |
تسلم ياحامد بن عوجان على المرور الكريم |
البقى بك ياشاعرنا الكبير عبدالله مقبل وأسعدني مرورك ولك خالص ودي وأحترامي |
اختيار موفق يامشعل
لاهنت والف شكر لك كل الود أخوك |
نواف نايف تسلم ولاهنت وشاكر لك مرورك |
الغالي
مشعل الريمان .. وإختيار رائع ....وجزل .. وتقبل تحياتـي .. |
ناصر بن سعدي ومرور رائع تشكر عليه ولك خالص ودي وأحترامي |
مشعل الريمان .........
من اقوى المحاورات بين الخصمين اللدودين صح لساااااااانك |
مشعل الريمان
اختيار موفق للشاعرين الكبيرين وبيض الله وجهك . السيالي |
0
نقل موفق يامشعل لاهنت 0 |
| جميع الأوقات بتوقيت GMT +3. الساعة الآن 12:14 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية