إسـتـجـواب الـشـاعــره نــوض ؟!!
 

[FRAME="13 70"]
ماذا تقول الشاعره نوض في هذه المناسبة وهي صدور مجلة المرقاب؟
يامنتدى المرقاب مبـروك مبـروك..أنت الوحيد الي ثبت فـي محلـه ..
الله يعز اللي من النـاس سـوووك..شامخ واخذت الطيب والصيت كله ..
بالمستوى الراقي على النت علـوك..يشهد عليك المنتـدى و المجلـه ..


ماهو سبب حزن الشاعره نوض ؟
حزينـه والحـزن منـي وفيـنـي
بدنيـاً ً مابهـا مخلـوق يوفـي ..
اعيـش بهـم واتعـذب واعـانـي
وانا من اول اماري في سيوفـي ..
لقيتـك يازمـن تقـسـى علـيّـه
هواي الهـم والبركـان جوفـي

بس الشخص لابد ان يكون قوي ويوقف ويصبر يانوض ؟
هقيـت انـي بوقـف بالـمـوادع
قويه .. بـس ماينفـع وقوفـي ..
تفارقـنـا وعـنّـي راح يمـشـي
وانا والدمع والجـرح وحروفـي ..

لوسألتك عن غلطة زمانك ماهو ردك ؟
غلطة زمآني جبت قلبي من اقصـآه
في حب شخصٍ ٍ صار ويّاي سِلبي!
توي صحيت وعشت جو المعانـاه
وتوي عرفت وقلت: ياويـل قلبـي


ماذا تقول شاعرتنا عن الفراق ؟
وآقول حس ارجوك بالقلب وش جآه
حالي مِن الفرقا حبيبي نَحـل بـي
عزآه ياوقتٍ مضى والـف عِـزآه
من سِّبته حتى المرض مِتصَل بـي
بـس المصيبـه آه ياحـر فـرقـاه
سَافر وأخذ قلبي ورآح ورحل بـي

من ابياتك اتضح لي انك تعشقه وتحبه لا وتموت فيه ؟
كنت اعشقه وآموت وأدوّر إرضـاه
ولازلت أحّبه موت مهما حصل بي
هـذا قِـدر مكتـوب .. والحمـدلله
مكتوب اعيش الحب ويّـآه سِلبـي

مارايك بالمحبة ومن يدعي الحب ؟
ماتدري إنـي بالمحبّـه رقيقـه ؟
وماتدري إني بالبساطه تميّـزت ؟
وهذي الحقيقه ماتشوف الحقيقه؟
أموت وأحيا وأنت ما قد تنرفـزت

الاتخجل الشاعره بأن تفصح عن حبها وان الكلام والإشاعات ستلاحقها ؟
وتدري ان الحب هذا كلبوه..ماحدن يقدر يوصّل مستواه ..
حبنا راقي لو إنّهم عذربوه..دآيم الحاسد يحرّف في حكاه ..

وهذا خاص للاعداء
ماهمني ياصاحبـي كثـر الأعـداء
وماهمني وش قالوا النـاس فينـي

مارايك بالليل والحب والتفكير ؟
الليـل والحـب والتفكيـر يزعجنـي
ولاّ أنت مرتاح ماتدري عن اخباري ..

والدمع والهوجاس والهم رتبيها ببيت واحد فقط ؟
والدمع والهم والهوجـاس يحرجنـي
بين الاهل والقرابه بيّح اسـراري ..

افتحي صفحه جديده وانسي المشاكل؟
ويومي عرفت إن المشاكـل شديـده
وعرفت بان الظرف ما عنه صدي؟
نويت أبفتـح معـك صفحة(جديـده)
يا ليت تمسح دمعة(ن)فوق خـدي؟

ماذا تتمنى الشاعره نوض في الحياة؟
ياليت لي خمسة ملايين فالبنك
(ومجمّع العربيد) ليّه الحالي
(تطريز) مع (نمنم) و(قيبير) مع شك
والبس عليه إمن الحلي الغوالي
والله لأبدع بالنفانيف والفنك
وحتى الجواتي مشتري غير (بالي)
وإمجمّع (الاوقاف) لي واملكه ملك
(والصالحيه) (والمثنى) حلااالي


هل صحيح انك مليتي المجامله ؟
ملـّـيت أجامل وأراعي وأترزز له=وأنطر وصوله وأعاتب لحظة اغيابه

إن كان هـالوضع هذا حيل جايزله=وصلي وفرقاي عنده صار متشابه

اين انتي من الحداثه ؟
الخاطـره يانـاس وشلـون تِكتَـب؟...حيـث الخواطـر زايـده وانقـذونـي
مرات احـس ان النظـم حيـل أرتـب..واخـاف لأكتـب شـيٍ ٍ وتنقـدونـي
رتبوهـا ماعـرف اكتـب خـواطـر...رتبوهـا وافرزوهـا بيـت بـيـت ..
ادري خرابيـط لكـن مـع تحيـاتـي...هـذي مجـرد خواطـر ودي اكتبـهـا


الى هنا ينتهي الاستجواب والذي قرات فيه ابيات رائعه اتمنى ان يعجبكم وانني وفقت في اختيار الابيات كل الشكر لكم والى اللقاء مع شاعر واستجواب أخر ..!
[/FRAME]

خير من يمثل الشعر النسائي الحقيقي



وفالك التوفيق يا علي

طرح رائع كالعاده يا ابو مبارك
وشاعره مبدعه ومميزه .. ارتبط اسمها بهذا الصرح
حتى استطاعت ان تكون احد الرموز النسائيه فالمرقاب
بالشعر والاخلاق .. والمرجله <-- الكلمه الاخيره من عندي :)



نتمنى لـ نـوض .. التوفيق فالدنيا والآخره
وبيض الله وجهك يابو مبارك




اخووك

موفقين إن شاء الله
وتستاهل الطيب


ونتمنى لـ نـوض .. التوفيق فالدنيا والآخره
وبيض الله وجهك يابو مبارك



تحيتي ،،،

شاعره تستحق الاشاده



نوض


من احسن الاسماء الشعريه المجوده في الساحه



ويعلم الله اني صادق



تمنياتي لها بالنجاح في كل مرحال الحياة



والله لا يهينك يابو مبارك



دائماً وانت الفريد المتوهج



تحياتي

فعلا تستحق الاشاده

أستجواب جميل يا ابومبارك وأختيار موفق




لاهنت يا علي :)

دايم يابومبارك علومك في الشحم

:)


نعم الضيفة ونعم المستضيف


في انتظار نوض
:)

لاهنت ياعلي مبارك

ونوض تستحق الاشاده

لك كل الود

مع أجمل تحية

أخوك

.
.





اسم نتابع نتاجه

ونشتاق لجديده

نوض ... متميّزه



شكرا يابومبارك




.
.

نوض


شاعره تستحق الوقوف والمتابعه وفعلا


صدق اللي قال احلى مابه لاكتب المره


لانها ماتكتب من فراغ بل تكتب من احساس صادق ومن مواقف تجبر على الكتابه


وهنا وفي ديوان الشاعره نوض نجد الصدق ونجد الشعر الذي ينبع من القلب





واما انت ياابومبارك


بيظ الله وجهك والله لايهينك


ولايحتاج اقول فيك قدرك خابره زين

ولو بتكلم عنك ماخلصت



تحياااتي للظييف وللمظيف

نوض شاعره وتستحق هذا

شكراً ياعلي

الأخ علي مبارك
لا يسعني الا ان اقول
شكرا لك عدد ما كتب قلمك
واستجواب ابهرني بصراحه
من حيث صياغة الاسئله الملائمه للابيات

وفعلا انت من الاقلام المميزه في طرحها لهذا مواضيع

,,,,,,

واشكر كل من رد على هذا الموضوع
واقول لاهنتوا وبيض الله وجيهكم ..


نوض

فعلاً خيـر من يمثل الشعـر النسائي !

تستاهل وتستاهل


لا هنت يا علي على هـ الاستجواب الممتع !

تقديري .

إستجواب الشاعرات على هذا المنوال :)

رائع ياعلي ...لاهنت ..!!

وطريقه مثاليه وجديده ...


شكراً لشاعرتنا "نــوض"

ودمتم بخيــر ..ّ!

لاهنت ياعلي مبارك

ونوض تستحق الاشاده

لك كل الود

مع أجمل تحية

أخوك
فارس الدلبحي

:
:

(( علي مبارك ))
أستجواب جميل ومترابط مع شاعرتنا الرائعه :
(( نـوض ))
التي اجاب أرثها الشعري عن تساؤلاتك بشاعريه جميله .. !!

ياليت لي خمسة ملايين فالبنك
ــــــ (ومجمّع العربيد) ليّه الحالي

(( أمنيه )) بس ياليت تدورين غيرها .. !!
وكل ماتبعها من (( زخم )) مادي يندرج تحت بند الطلب السابق .. !!

شكر مزدوج لـ (( علي مبارك )) ولـ (( نوض ))


:)

أستجواب رائع

وشاعره في المقدمه ,, تكتب الشعر الحقيقي واعتبرها من اهم الاصوات الشعرية النسائيه


شكرا لك وبالتوفيق للاخت / نوض ،



...

علي ماقصرت على هذا الطرح الرائع
نوض شاعره ولكنها مقله بالروائع الفتره الاخيره تحياتي للجميع