وقفة طيب ورمز العطاء في هذه القصيده
بسم الله الرحمن الرحيم
اخواني رواد الصرح الشامخ منتدى المرقاب الذي يشرفني الانضمام الى كوكية نجومه هذه هي المصافحه الثانيه لي اقدمها بين ايدكم ارجو من الله العلي القدير ان تنال اعجابكم .................................................. ........ للطيب والعطاء أسرار لايعلمها الآخرون , فحينما يرفض شخص ما إعطاء جميع الوسطاء والوجهاء الذين ليس فيهم رمز للعطاء والطيب مطلوبهم لكي لايحسب لهم جميلة على الشخص اللذي أرسلهم . فيأتي اليه صاحب الطلب نفسه ويعطيه مطلوبه .إبتغاءا لوجه الله ولكي لايكون للأخرين عليه جميلة يكون هنا فعلاً قمة الحكمة وقمة العطاء المتمثلة في شخص أخي الفاضل / فهد سفر بن سفر المقاطي (ابو طلال) وفقه الله لما يحب ويرضى وسدد خطاه [POEM="font="Simplified Arabic,5,white,bold,italic" bkcolor="white" bkimage="./images/backgrounds/9.gif" border="none,10,white" type=2 line=1 align=center use=ex num="0,black""]الصدر مقهات القصايد مثل مقهات الدلال= وقصيدتي دلة وصدري يافهد مقهاتها كيف (ن) ليا سقته وعديته على وجيه الرجال= تكيفت منه الرجال الصافية نياتها النو منشاه البحر والبرق في قلب الخيال=برق الهجوس اللي سرت مابين خذها وهاتها والليلة اغرف من بحر وقصيدتي لاابو طلال=ماهي نفاق ولا رياء ومعبرة عن ذاتها أبياتها حق وصفا وإن كان فيها مايقال= وش قيمتي بين الرجال اليا انصتو لابياتها ماني بعباد الوجيه ولامدور للريال=لوالليال السود من جور الزمن ما باتها أنا أحمد الله في غنى وارد على العد الزلال=ولا ني على كيف الرخوم ولا على هقواتها أبمدح اللي يستحق المدح مافيها جدال=وأطاوع إهجوسي بعد ماحركت موجوتها مدح الرجال اللي تنومس ينحسبلي راس مال=اللي من أيام الشقاء يامرحبا عادتها هذا فهد نعرف فهد كامل ولله الكمال=الطيب ساسه والعطايا من يده مداتها ولايرائي بالعطايا جزل ويمد الجزال=وحر (ن) اليا شاف الهزيله في طريقه شاتها هذا فهد نعرف فهد راعي العمامه والعقال=دونه عطيبين الضرايب تنكسر هيباتها مايختلف مثل الجبل وأرسى من طوال الجبال=اليا وقف يقهر رجال (ن) صامله وقفاتها ذيب (ن) اليا منه قنب تثنت أرقاب الجمال=اللي منول في السعة كل (ن) يشوف الهاتها ساسه مجود والشجاعة جايته جد (ن) وخال=حتى جبال الطيب من زاله على قماتها يوم الليالي وقفت ضده ومال الحظ مال=على شداده شال همه وأحتمل صكاتها محد (ن) تفضل له ولا وقف معه في كل حال=يوم البحور الزرق تلعبه على موجاتها من كد يمناه أغتنى ماجابها بالإحتيال=ولا جابها بالسرق واخذ الناس في غفلاتها كافح وجاهد واحتمل ماقال مافي إحتمال=وعام البحور وطلع المرجان من غباتها واليوم تاجر فالذهب والماس والمكسب حلال=ويراقب الله واعطته دنياه من خيراتها والليله أغرف من بحر وقصيدتي لأبو طلال=ماهي نفاق ولا رياء ومعبره عن ذاتها [/POEM] الوعــــــ ــــــــــ ـ عبدالآله العتيبي ــــــــد |
[MOVE="up"] (((( 1 ))))[/MOVE] |
ابن شلواح
وافي الله لايضرك صح لسانك ياعبدالاله على الجزله الوافيه وسلمت يمنيك اخوك ومغليك |
صح لسااااانك ياعبدالاله العتيبي
قصيده تجبر القرائ التعقيب عليها سجل اعجابي وتقبل منى صادق الود |
اخوي الفاضل
خالد عبد الكريم نالااعلم مهو مدلول الرقم ((1)) ولكن اشكرك عى تواجد ك وبيض الله وجهك اخوك الوعد عبد الاله |
عبدالإله
صح لسانك وبيض الله وجهك يستاهل الكريم المدح أقبل الاعجاب والتحيه .. |
أنا أحمد الله في غنى وارد على العد الـزلال
ولا ني على كيف الرخوم ولا على هقواتهـا أبمدح اللي يستحـق المـدح مافيهـا جـدال وأطاوع إهجوسي بعـد ماحركـت موجوتهـا مدح الرجال اللي تنومس ينحسبلي راس مال اللي مـن أيـام الشقـاء يامرحبـا عادتهـا الله الله .. صح لسانك ولاهنت .. قصيدة وااافيه ويستاهل المدح راعي الطيب تقديري لك .. اخوك ابو نايف |
عبدالاله
اولا حياك الله وانا اخوك وياهلابك ومرحبا أنا أحمد الله في غنى وارد على العد الـزلال ولا ني على كيف الرخوم ولا على هقواتهـا أبمدح اللي يستحـق المـدح مافيهـا جـدال وأطاوع إهجوسي بعـد ماحركـت موجوتهـا مدح الرجال اللي تنومس ينحسبلي راس مال اللي مـن أيـام الشقـاء يامرحبـا عادتهـا قصيده وحضور اول رائع جدا يجبرنا على المتابعه صح لسانك ولاهنت ودمت بخير ودام هالحضور الطيب احترامي لك وتقديري |
الله الله الله على الجزاله جزل جزل جزل بكل ماتعنيه الكلمه ويستاهل المدح من تفعل الطيب يمناه وصح لسانك مدد بلا عدد وسجل أعجابي ياجززززززززززل ولك خالص ودي وأحترامي |
ابن شلواح
وافي الله لايضرك صح لسانك ياعبدالاله على الجزله وسلمت يمنيك |
ونعم بالطيب ويستاهل المدح وعزالله انها قصيده قمه سلمت
|
والليله أغرف من بحر وقصيدتي لأبو طـلال
ماهي نفاق ولا رياء ومعبـره عـن ذاتهـا فعلا تغرف من بحر وهذه القصيده من شاعر يمتلك مقدره شعريه وجزاله صح لسانك تحياتي لك |
ياسلام عليك ياعبدالاله ابداع منقطع النظير كفيت ووفيت لله درك من جزل صح لسانك لين ترضى سجل اعجابي واحترامي |
أنا أحمد الله في غنى وارد على العد الـزلال
ولا ني على كيف الرخوم ولا على هقواتهـا صح لسسسسسسسسسسسسسسسسانك |
احوي متعب العتيب
اشكرك على تواجد ومتا بعتك ومرورك بيض الله وجهك وتقبل مني جزيل الشكر |
بن شلواح
لله درك وافي وجزل صح لسانك وعلا شانك تحياتي لك |
اخي العزيز/ طلاال بندر
اشكرك جزيل الشكر واكبر شرف لي قراءتك وتعقيبك على قصيدتي |
اخي مناحي
اشكرك على تواجد وحضورك واطرائك الذي يعني لي الشي الكثير وفقك الله وسدد خطاك |
عبدالإله
صح لسانك وبيض الله وجهك يستاهل الكريم المدح أقبل الاعجاب والتحيه .. فارس الدلبحي |
كيف (ن) ليا سقته وعديته على وجيه الرجال
تكيفـت منـه الرجـال الصافيـة نياتـهـا النو منشاه البحر والبرق في قلـب الخيـال برق الهجوس اللي سرت مابين خذها وهاتها والليلة اغرف من بحر وقصيدتي لاابو طـلال ماهي نفاق ولا رياء ومعبـرة عـن ذاتهـا أبياتها حق وصفا وإن كـان فيهـا مايقـال وش قيمتي بين الرجال اليا انصتو لابياتهـا الله الله الله يا عبد الاله مرحبابك اولا مليون وصح لسانك على هذه الدره الثمينه اللي ما عليها كلام ونعم بالمادح والممدوح وسلمت سلمت ياغالي محبتي واحترامي اخوك |
صح الله لساانك وتسلم يمينك
رااائعه بروعة حضورك لاهنت ياخوي تقبل مروري عنود |
اخي الفاضل شامخ الشامخ
حضورك ينومسني والله العظيم وتشريف ومكسب لي على العموم بيض الله وجهك على تواجد الدائم على قصائدي اخوك عبد الاله |
| جميع الأوقات بتوقيت GMT +3. الساعة الآن 09:04 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية