(( هستره))
السلام عليكم ورحمة الله وبركاته
بدون اي مقدمات اضع هذه البسيطه بين ايديكم عسى ان تنال على اعجابكم. [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أدوّر أطرف سبب وأحاول أزعل وأضيق = والليل يسهر وانا ماني بقد سهره لكنّ واجب علي أطيق وادري ما اطيق=لين انفرى جيب شعري له وشق نحره في كل لحظة زفير وكل لحظة شهيق= اجمّع الهّم بالخفّّاق وابعثره والادمي مايحس بوقته ولايفيق=الا لياشاف شيٍ بالزمن يقهره والصاحب اللي متعبني بطول الطريق=متعّب القلب لكنّه ماجاب خبره ياليت يقدر مابين ضلوع صدري يويق=او ليت يشعر بشيٍ من غلاه اشعره أهتزت اعماق قلبي له وشّبت حريق=ولاشبّت اعماقه ولا اهتز فيه شعره اغلا من الدرّ واحلى من العسل بالرحيق=به ملح موية بحر على طعم سكره مربرب الجسم لا دبدوب ولا رشيق=با اجزاء يا مصغره واجزاء يا مكبره اجلاله اجلال لكن بالدقاقا دقيق= أحيان احسه كذا مرسوم بالمسطره الخشم سلة حسامٍ له لميع وبريق=بيدين شيخٍ على راس العدو اشهره والثلج والجمر في ثغره صديق وصديق=لبيه ياثلجه وجمره ولبى ثغره جميع قاسي يصير لعين عينه رقيق=في مشيته بختره في وقفته بختره واليا لفى كنّه اخذ أكسجينٍ عميق=رمانتينٍ تلاعب بعضها بنحره واليا مشى صاح قلبي له صياح الغريق=يالله بسترك من عيون البشر تستره عشان ما اقول شيٍ بالشعر مايليق=خلوني اغيّر الموضوع واسكره واللي ردعني عن عتاب الوجيه الطليق=اخاف طيشه يخليني بيوم اخسره ياليت يقدر مابين ضلوع صدري يويق=اعشقه حد الجنون او سمّها هستره[/POEM] |
1
|
22222222222222
جدا رائع |
سطام
انت عارف رايي عدل بس بمر للتاكيد مخرج: مربرب الجسم لا دبـدوب ولا رشيـق با اجزاء يا مصغره واجزاء يا مكبـره اجلاله اجـلال لكـن بالدقاقـا دقيـق أحيان احسه كذا مرسـوم بالمسطـره يخرب عئلك على هيك وصف:) |
مربرب الجسم لا دبـدوب ولا رشيـق
با اجزاء يا مصغره واجزاء يا مكبـره اجلالـه اجـلال لكـن بالدقاقـا دقيـق أحيان احسه كذا مرسـوم بالمسطـره سلاااااااااااااام يابو بندر صح لسااانك .. ياذووق تقبل التحيه .. والمتابعه |
.
. سطام بندر الله الله الله الله الله الله مايختلف على ابداعك عاقلان ..! صح لسانك اسلم وسلّم:) . . |
الغالي سطام بندر
صح لسانك وسلمت يمينك ياغالي ابدعت واجزلت اخوك ومغليك |
مربرب الجسم لا دبـدوب ولا رشيـق
با اجزاء يا مصغره واجزاء يا مكبـره اجلالـه اجـلال لكـن بالدقاقـا دقيـق أحيان احسه كذا مرسـوم بالمسطـره الخشم سلة حسامٍ لـه لميـع وبريـق بيدين شيخٍ على راس العـدو اشهـره والثلج والجمر في ثغره صديق وصديق لبيـه ياثلجـه وجمـره ولبـى ثغـره جميع قاسي يصير لعين عينـه رقيـق في مشيته بختره فـي وقفتـه بختـره واليا مشى صاح قلبي له صياح الغريق يالله بسترك من عيون البشـر تستـره عشان ما اقول شـيٍ بالشعـر مايليـق خلونـي اغيّـر الموضـوع واسكـره ابو بندر ,, وصف خلاني اروح ملح :) استأذنك بعودة تليق ياخطير :) |
صح عليك ياسطام :)
انت شاعر وبس ..... |
سطام بندر
:: مبدع ومبدع ومبدع يا سلام عليك والله :) صح الله لسانك .. ولاهنــت .. تقبل فائق الاحترام والتقدير :: |
على قولة سلطان:
صح عليك أنت شاعر ونص :) . |
مدخل:
أدوّر أطرف سبب وأحاول أزعل وأضيق والليل يسهر وانا مانـي بقـد سهـره لكنّ واجب علي أطيق وادري ما اطيـق لين انفرى جيب شعري له وشق نحـره معاناة: في كل لحظة زفير وكل لحظة شهيـق اجمّـع الهّـم بالخـفّّـاق وابعـثـره والادمـي مايحـس بوقتـه ولايفيـق الا لياشـاف شـيٍ بالزمـن يقـهـره والصاحب اللي متعبني بطـول الطريـق متعّـب القلـب لكنّـه ماجـاب خبـره ياليت يقدر مابين ضلوع صدري يويـق او ليت يشعر بشيٍ من غـلاه اشعـره أهتزت اعماق قلبي له وشّبـت حريـق ولاشبّت اعماقه ولا اهتز فيـه شعـره غزل: اغلا من الدرّ واحلى من العسل بالرحيق به ملح موية بحر على طعـم سكـره مربرب الجسم لا دبـدوب ولا رشيـق با اجزاء يا مصغره واجزاء يا مكبـره اجلاله اجـلال لكـن بالدقاقـا دقيـق أحيان احسه كذا مرسـوم بالمسطـره الخشم سلة حسامٍ لـه لميـع وبريـق بيدين شيخٍ على راس العـدو اشهـره والثلج والجمر في ثغره صديق وصديق لبيـه ياثلجـه وجمـره ولبـى ثغـره جميع قاسي يصير لعين عينـه رقيـق في مشيته بختره فـي وقفتـه بختـره واليا مشى صاح قلبي له صياح الغريق يالله بسترك من عيون البشـر تستـره استدراك: عشان ما اقول شيٍ بالشعـر مايليـق خلونـي اغيّـر الموضـوع واسكـره واللي ردعني عن عتاب الوجيه الطليق اخاف طيشـه يخلينـي بيـوم اخسـره ياليت يقدر مابين ضلوع صدري يويـق اعشقه حد الجنون او سمّهـا هستـره هستره :: هستره :: هستره . |
والادمـي مايحـس بوقتـه ولايفيـق
الا لياشـاف شـيٍ بالزمـن يقـهـره ياسلام ياسلام روووعه وصف مبدع :) وخص البيت هذا يوجع ياسطام صح لسانك وكل الشكر |
ياليت يقدر مابين ضلوع صدري يويـق
اعشقه حد الجنون او سمّهـا هستـره وش .... ههههههه اقول هنا الشعر اللي اطرب له وبس |
واللي ردعني عن عتاب الوجيه الطليق
اخاف طيشـه يخلينـي بيـوم اخسـره جيت اجدد اعجابي بك فقط لاغير واتعلم منك فمان الله |
سطام بندر
صح لسانك وعلى شانك ولاهنت احترامي |
سطام
مربرب الجسم لا دبـدوب ولا رشيـق با اجزاء يا مصغره واجزاء يا مكبـره اجلاله اجـلال لكـن بالدقاقـا دقيـق أحيان احسه كذا مرسـوم بالمسطـره وليييييييييييييييييييييييه منكم يا العشاشيق بريه منكم بريه :) :) الله يسعدك إنت والله اللي تجيبها بالمسطرة والمنقلة والفلجار وتشب فينا النارteeth: تقبل حضوري وسلامي وصح لسانك مليون أبدعت كعادتك سجل متابعتي <<<< يطرب للغزل ها الشويب (ros2- |
:
: الله الله الله الله الله الله الله الله الله انت اللي ابداعك بالمسطره اي والله :) اعجابي يا سطام وتحييتي : : ا خ و ك |
الشاعر سطام بن بندر
رائعة من شاعر ر ائع نكن له كل الامحبة والاحترام ارق التحايا لقلبك الرائع |
متابع هالقصيده لحد الهستره
مثل هذي تردد قبل تنزلها لان فيها وصف يحرك حتى الشيبان سلمت يابندر |
صح اللسانك ياسطام
وعزالله تبدع بالغزل ومجنون بعد :( وهذا مايمنع إني أحط إسمك مع أصحاب القلم الرائع في صرح المرقاب لاهنت ، والبيت الخامس من الأخير يسبب ربكة |
سطام بندر .
صح لسانك صح لسانك . . رائع ياســطام في كل حضور لك . . . إعجابي الكبير ...والتحية ..لك |
| جميع الأوقات بتوقيت GMT +3. الساعة الآن 11:00 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية