الثــــــاني مــــــن ســـــــبتمبر (أتمنى لها التوفيق )2\9\؟؟19م
 

.


[POEM="font="Simplified Arabic,5,teal,bold,normal" bkcolor="transparent" bkimage="" border="double,3,teal" type=1 line=0 align=center use=ex num="0,black""]يالله يارب بارك لي في بكره=ذي ليلة اثنين من سبتمبر الجاري

الفين وسته ويومٍ مانمحى ذكره=لكن في وقتنا الهجري وش يباري

اربع طعش سبعه وعشرين للهجره=تسعه بشعبان انا حاسب له وداري

هاليوم به فتحت بين البشر زهره=من عطرها الارض وسط افلاكها تماري

هاليوم.. فيه اشرقت وانزاحت القتره=لو غابت الشمس ماحدٍ قال ياساري

هاليوم.. ربع بقلبي من بعد دهره=يالله عسى عقبها ماتدهر دياري

هاليوم..مات الحسود بغيض وبحسره=ماكن في صدره الا رمح اخو مشاري

هاليوم..فيه انزلت آيه بها عبره=سبحان ربي العظيم الخالق الباري

حمده وجوبٍ علي في حجه وعمره=شكر امتنان لإلهي عالم اسراري

ان جيت اباكتب تجي فكره ورى فكره=حتى اورقت من قصيدي دوحة اشعاري

وشلون الم المطر قطره ورى قطره=وارض الحلا كيف اوصف نهرها الجاري

شفت بحياتي عيونٍ ناعسه خدره=لكن مثل عينها مالاق بانظاري!

اظن جينات خلي جا بها طفره!=لين اسرفت في حلاها بكل معياري

والا ان وحده من الحور اخطت الثمره=من الجنه الأرض صارت دارها وداري!

مدري!! ولكن فيها الناس مفتكره=ياعل زوله عن الحساد متداري

اموت باوصافها اللي كلها ندره=من يوم شفته وانا مستغرب اطواري

حلوه حلاها من الخلقه على الفطره=لو باوصف الزين فيها طال مشواري

ماشفت انا مثلها بالعالم بكبره=على كثر ماغتربت ورحت باسفاري

انا اشهد ان عقلها راجح وانا اخبره=غصبٍ علي احترم من صان مقداري

يازينها .. لابدالي للعتب نبره=في صوتها كنها تستجدي اعذاري

ويازينها.. لارسلت لي بالخفا نظره=ماكنها الا تبي تقرا لي افكاري

واليا انتبهت رفعت عن عينها شعره=ثم صدت يمين وترحب بمسياري

ويازينها.. لاسألت قلبي بتختبره=ترمي بعيد وهدفها تهدم اسواري

تبي تعرف بغلاها هو وش كثره=او انها بتعرف وش تحمل اسفاري

وقفت افكر ورى بلوتو حقر عمره ؟=يوم انتحى عن مجاله وشو الطاري؟

اثره جفا الشمس يوم هجرته الخضره=دام انه اصلاً عن الانظار متواري

نفذ له افكارٍ تراوده من فتره=امسى ولا اصبح واثره بليلته ساري

يبحث عن الضو دام تعينه القدره=وش يجلسه في محل العتمه اجباري

واظن مثله طيورٍ هاجرت هجره=عن مكمن البرد لو ماريشها عاري

واللي يلوم المريض وحالته خطره=هذاك ماحس باسقامٍ لها مواري

لكن وش حيلة اللي متعبه صبره=غير انه يلحن الموال سماري!

كنه على الريق ذاك المحتسي خمره=ان شافه العاقل ارسل نظرة الزاري

ان نامت الناس ساقت عينه العبره=وان قامت الناس قام يكن ويداري

لكن قصيده يبين حرقة الجمره=لو ينقري صح مايبلش به القاري

وباقي علومي كلام مزود بشفره=يموت بل قيتس مايدري عن اخباري

ولاني بهواها مشاور راعي الخبره=هي تحمل اوزارها وانا احمل اوزاري

.[/POEM]

حضور أول ..ولي عوده :)

تحياتي يامحمد :)

أبوشاهر

محمد صح الله لسانك



ولله درك

صح لسانك يالحمياني

على هذه المشاعر الجميله

مع التحيه

وباقي علومـي كـلام مـزود بشفـره
يموت بل قيتس مايدري عـن اخبـاري

الشاعر محمد الحمياني

والله حتى انا ماقدرت افك الشفره

:)

المهم صح لسانك قصيده مميزه

.
.


الحمياني

الحمياني


الحمياني




صح الله لسانك .. جزل جزل .. دره هذه الأرض الغنيه بالشعر !






اسلم وسلّم:)





.
.

سلمت يا محمد


وصح الله لسانك على هذه المميزه بشفرتها :)


دام تواصلك ،


..

العزيز
مستور الذويبي

هلا بك وبحضورك الأول

والثاني

.

لاعدمتك يابو شاهر

.

يا سلام يالحمياني



صح الله لسانك ولا هنت

اظن جينـات خلـي جـا بهـا طفـره!
لين اسرفت في حلاهـا بكـل معيـاري
والا ان وحده من الحور اخطت الثمـره
من الجنه الأرض صارت دارها وداري!
مدري!! ولكـن فيهـا النـاس مفتكـره
ياعـل زولـه عـن الحسـاد متـداري
امـوت باوصافهـا اللـي كلهـا نـدره
من يوم شفته وانا مستغـرب اطـواري
حلوه حلاها من الخلقـه علـى الفطـره
لو باوصف الزين فيها طـال مشـواري
ماشفـت انـا مثلهـا بالعالـم بكـبـره
على كثر ماغتربت ورحـت باسفـاري



محمد الحمياني

صح الله لسااااااااانك مدد

والله ان ذى القصيده خشت في قلبي على طووووووووول


تحياتي لك وتقديري

رغم طولها الا انها مشوقه من اولها لاخرها :)

صح لسانك والله يامحمد ,,

:)

محمد الحمياني


صح لسانك

وعلى شانك

تحياااااااااااتي

العزيز

خالد السويكت

تشرفت بمرورك

وسرني حضورك

صح بدنك

ودمت بخير

.

.

13

العزيز
غالب الظاهري

شرفني حضورك

لاعدمتك

صح بدنك ودمت بالف خير

.

.

متميزه بوجودك

لاعدمته

ممتن لحضورك ياسعود

وكلي شرف


صح بدنك

ودمت ولاهنت

.


.

محمد

صح لسانك يالغالي

ابيات رائعه

لاهنت

أخوك

العزيز
فهد بن عبدان

الجزل حضورك لاعدمتك

صح بدنك اكثر واكثر


صادق الود

.

.

هي تحمل أوزارها وانا أحمل أوزاري
ياسلام .. ياسلام .. صح
لسانك .. يامحمد ..
تحيتي لك

محمد الحمياني



سلمت على هذه الرائعه


صح لساانك ولاهنت

المميزانت ياسداااح

لاعدمتك


دمت بخير طال عمرك

.

.

ناصر منااحي

يامرحبابك كثر ماتشرفت بحضورك

صح بدنك اكثر

لاعدمتك

.

.