ماتخفي الذكري مساحيب الهبوب ! ( رثاء )
ماتخفي الذكري مساحيب الهبوب
قصيدة لمحدثكم مطولة وقد كانت رثاء لـ العم الوالد : فهد بن خالد بن طنيف العصيمي رحمة الله واسكنه فسيح جناته (وهل السمرا المذكورين في الابيات قسم من الشفعان من العصمه من عتيبه) .. وقد آليت ان يكون الوقوف بالاطلال اولها .. استمرار لهذا النهج القديم المحارب هذه الايام .. لكن الموت مصيبه جرى بينها وبين الاطلال نسب .. فيبلى الانسان سريعا وتبقى الاطلال شاهدة رغم بلاها على الحضارات والشعوب والافراد .. اخواني اترككم مع الابيات : ماتخفي الذكري مساحيب الهبوب على الطلول الخاليات الدارسات تبقى معالم لو تجنبها الدروب حتى تكلـّم بالعلوم الأولات من عقب ماهي صوت ساكنها طنوب اليوم مقفرة ٍ تعفيها المهاة جيل ورا جيل وكل ٍ في غروب يا كود وجه الله مدير الذاريات وحنا رزقنا الله من بد الشعوب بالدين وكبار العلوم الغانمات نصبر على ما قدر الله من خطوب وليا تناهى الصبر نسأله الثبات دنياك مضمارٍ به العالم تلوب شتى .. مع ان الامور امقدرات والموت حق يمه الرجل مغصوب هو يحسب انه : "كل منهو مات فات" والآدمي تلقاه في يوم طروب واليوم الآخر له عيون باكيات ومن يعرف ان الموت ماهوب امحبوب ياحيف .. هل ينجيه حبه للحياة؟ فـ لاعاده الله يوم جينا من جنوب الجية اللي ليلها عفنا المبات ليلة خبر وفاة ( ابوخالد ) حروب على الكبود اللي بحبه راويات يا طعنة ٍ بصدورنا شبت شبوب بقى لها باقصى الضماير باقيات ترى البنادم في مشاعره أمغلوب بحزن ٍ يذكره الأمور الماضيات يهيض من عبراته ويرجع يتوب واللي مقدره الولي مابه شمات هذاك ( ابوخالد ) وثوب العز ثوب من طاب فاله بالحياه وبالممات ياراسه اللي بالشكيمات معصوب وياكفه اللي بالظفر قدم العدات ابن طنيف .. وكل رجال محسوب لا قالوا الشجعان : من ستر البنات؟ اثقل على اهل الشر من كل الذنوب ولا على اهل الخيّره .. سكر نبات رجل ٍ .. رحل عنا وندري ما يئوب الله يكثر في طريقه بحسنات عليه يبكن العيون مع القلوب ولابه مثل دمع القلوب الداميات عليه دمع إعداه .. واحبابه صبوب مالومهم يبكون به طيب الصفات منهم ( هل السمرا ) عطيبين الضروب جونا لحاهم بالدموع مخضبات لو انهم فـ الحرب ما فيهم هيوب لكن بعض الناس له حب وغلات يبكون ابوخالد ولا فيها عيوب قوم ٍ كرام وحبـّهم للمكرمات فـ يالله بنو ٍ فالسما كله نصوب ويدن رعّـاده مزون ٍ بارقات يعل ّ قبره في مقادمه .. امحلوب واتلى المطر تقول منثور إعبرات داهم بن ماجد بن طنيف |
ماتخفي الذكري مساحيب الهبوب
على الطلول الخاليات الدارسات تبقى معالم لو تجنبها الدروب حتى تكلـّم بالعلوم الأولات تبقى معالم لو تجنبها الدروب تبقى معالم لو تجنبها الدروب تبقى معالم لو تجنبها الدروب الله ياابو ماجد افتتاحية القصيده رائعه رائعه رائعه استوقفتني كثيراً عليه يبكن العيون مع القلوب ولابه مثل دمع القلوب الداميات عليه دمع إعداه .. واحبابه صبوب مالومهم يبكون به طيب الصفات رحمة الله عليه وصح لسانك لانستغرب القصيده المتكامله والمؤثره منك |
داهم العصيمي
قصيده لا يوفيها الكلام والله العظيم انها تستحق القراءه الف مرّه والرد عليها الف مرّه لله درّك .. والله يرحم عمّك ويسكنه الجنه صح لسانك مليار ولا هنت |
رحمة الله على عمّك
ورحمة الله على الحيّ والميّت عزالله انها قصيده :) صح لسانك |
ياسلااام عليك ..
داهم العصيمي رحم الله ميتكم وجميع اموات المسلمين تقديري لك . |
أخي داهم
لايهمك المحاربون، فالأبداع أهم من التحديث والتقديم رحم الله عمك واسكنه فسيح جناته وأموات المسلمين وصح لسانك على هذه الجزالة الرائعة |
اقتباس:
محمد الدهيمي لك الشكر ولايكفي فـ 1000 شكر يا شاعر اجلّه واقدره اخوك داهم |
صح لسانك يا داهم العصيمي ___________ إستهلالك بذكر الأطلال لا يعني أن القصيدة لا تصلح إلاّ في مواضع معيّنة ، بل مثلما قال البيضاني ( الأهمّ هو المضمون ) أما بناء القصيدة فهو هو لم يتغيّر ولا زال الجيل الحالي يستنير بمن سبقه ، إلاّ من هام على وجهه بحثاً عن ( سرابٍ ) لا يسمن ولا يغني من جوع . ____ رحم الله موتانا وموتاكم وموتى المسلمين ، وبارك الله فيك . |
أحسنت يا بومحارب
تطالبني وأثرك ليا سبقتني على الرد .. ماتخلّيلي شي :( داهم العصيمي .. الله يرحم فقيدكم .. وجميع اموات المسلمين وصح لسانك .. ولاهنت .. تحيتي وتقديري ., |
داهم العصيمي
صح الله لسااانك .. ورحم الله جميع المسلمين قصيده واافيه دمت .. |
اقتباس:
ناصر هلا ومرحب الف شكر اسعدني ردك يا ابو مناحي داهم |
وحنا رزقنا الله من بد الشعوب
بالدين وكبار العلوم الغانمات الله عليك وافي وافي مفردة غير مستهلكة معاني سامية سبك حبك عذوبة حكم هكذا الشعر والا فلا اهني الشعر بك أيها الفذ إعجابي ومودتي فيصل بن سبيّل |
الله يرحم فقيدكم ..
وصح لسانك ملايين ودمت بخير |
اقتباس:
ابوسعد الف شكر داهم |
الله الله يا داهم
بداية جميله ورائعه وقصيده وافيه وجزله ورحم الله عمكـ واموات المسلمين صح السانكـ أخــــوكـ... |
يعل ّ قبره في مقادمه .. امحلوب
واتلى المطر تقول منثور إعبرات داهم العصيمي اللهم آمين .. وصح لسانك وسلم بنانك وقفت واستوقفت وبكيت واستبكيت!! كل الود |
اقتباس:
الرقيب لاهنت من بعد مقابلتك انت ومشعان وما اترك لك نص :) داهم |
داهم العصيمي والله صح لسانك الف مره لاتكفيك على هذه الرائعه لله درك وصح لسانك مليار مع مليار مره ورحمة الله على عمك وعلى جميع اموات المسلمين ودمت بخير وسعاده وتقبل صادق التحيه والتقدير ... |
رحم الله الميت
وصح الله السانك تقبل ودي ايها الشهم اخوك محمد السالم |
الله يرحمه ويسكنه الجنه
وصح لساااانك كل الود |
اقتباس:
محمد البيضاني 1000 شكر وتحية واحترام داهم |
داهم العصيمي
صح لسانك .. صح لسانك .. ورحم الله ميتكم واسكنه فسيح جناته .. تقديري ..لك |
| جميع الأوقات بتوقيت GMT +3. الساعة الآن 03:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية