اهداء للامير سلطان بن حثلين
 

قصيده قلتها في الشيخ سلطان بن سلمان بن حثلين امير قبيله العجمان


يـاناصر سـقها ياعسى مالها عوق***** سـقها لابـن حـثلين يالقرم سقها

يـمة بـلدنا الـثانية سوقها سوق*****يـاعنك مـاحد ٍفـي اللوازم سبقها

مـن صنع بيطار ٍصنعها على الذوق*****حـتى الـهوا لـو تنطحه ماصفقها

بـيضاً تـبلّج لـونها لون غرنوق*****وشاكوش ورشة مصطفى ماطرقها

عـابينها يـالقرم لاهـزنا الـشوق*****تـاصل مـغازيها ولاحـد ٍ فـهقها

لـكنّ لايـدري عـن العلم مخلوق*****يـاكود مـن كـل المراجل عشقها

الـنادر الـلي هـامته عـاليه فوق*****لـلشاهرات مـن الـحرار ولـحقها

حـراً طـليق جـناح ماشدّه سبوق*****يـوم الـحرار مـجودات ٍ سـبقها

سـلطان بـن حثلين ماهوب ملحوق*****كــل الـمعالي رامـها واعـتنقها

شيخ ٍ ولد شيخ ٍ على ساس موثوق*****مـن راس جـدّه ورثـته ماسرقها

ومجده ماهوب من الدعايات ملفوق*****بـصفحات تـاريخ العرب قد وثقها

فـي مستوى عالي وبالحيل مرموق*****وهـبـه مـن الله جـاتله مـالفقها

والله عـطاه الـفكر ماهوب مدروق*****والـلي تـفكر تـدرقه قـد درقها

يـصرف ذهب ماهو تفاريد وفروق*****يـاطـيب مـعدن كـلمته لانـطقها

عـاب ٍ لـعدوانه من السم مسحوق*****امــا تـموت بـسم والا شـنقها

وزوده على الشجعان مثني ومطبوق*****عـند الـمجاكر كـم شوارب حلقها

سـلطان يالـعشاق والجود معشوق*****ضـيفه يـبي يـلقى كرامه ومقها

فـي مـجلس ٍ مايدهله كل مطفوق*****وفـيه الـكبوش الـلي يزين مرقها

فعل الشيوخ اللي عسى مالهم عوق*****الـضيف يـلقا حـشمته في شنقها

تـسهر عيونه والكرى حارب الموق*****يـوم الـردي نـومه عيونه غرقها

مـاقلتها في بعض الاحوال مزنوق*****إلا عـلـى شـانه طـبعنا ورقـها

اتـوق يـاسلطان لـشرواكم اتوق*****والـنفس يـكفل رزقها اللي خلقها


http://www.geocities.com/theebq8/sultan1.jpg

صح لسااااااااااااانك ياسلطان
 

الأخ الشاعر .... سلطان بن مرضي

صح لساااااااااااااااااانك ولاهنت قصيده رااااائعه من شاعر جزل

والشيخ سلطان بن حثلين يستاهل وأكثر ....


دمت ودااااااام أبداااااااااعك يالقرم....

الغالى : سلطان




هلا وغلا




الله يحيك فى مرقابك




وصح لسانك




أل حثلين شيوخ سطر لهم التاريخ بياض الوجه




ويستاهلون المدح




بيض الله وجهك




وبإنتظار جديدك




تحياتى

الاخ سلطان بن مرضي



هلابك

وصح لسانك وتسلم يمينك



قلت واجزلت وابدعت


ونعم في ال حثلين اسره عريقه مشهود لها بالطيب والشجاعه

من قديم الوقت






دمت بخير ودام ابداعك




تحياتي لك

والله ونعم فـ المادح والممدوح


الأخ الشاعر // سلطان مرضي


حياك الله ومرحبابك


وصح السانك على هذه القصيده الرائعه والتي قيلت في من يستحقها




شكراا لك



مع خالص التحيه ،



أخوك / سداح

ياسلام عليك
 

المبدع سلطان بن مرضي ..

بيض الله وجهك كتبت فأجدت ..

وآل حثلين يستاهلون كل خير ..





تقبل تيحاتي

سلطان بن مرضي



ابدعت


وتستحق الاشاده

كما يستحق ال حثلين المدح


ونعم فيك وفي سلطان وفي العجمان الصغير والكبير



ودمت

الشاعر / سلطان بن مرضي
 

ياهلا والله ومرحبا ..


حياك الله ياسلطان وبيض الله وجهك على هالقصيده ونعم فيك وفي قبيلة العجمان ..

صح لسانك ولاهنت .. قصيده في قمة الجمال والجزاله ..

سجل اعجابي بها ..

وياهلا ..

اخوك / رحيــّــم

الاخ العزيز













مطلق العتيبي لك خالص تحياتي




ماعليك زود طال عمرك













مشكور على المرور

الاخ خالد الذيابي

الف شكر











لك
وبيض الله وجهك يالطويل العمر












مرورك اسعدني

الاخ عكاشه















صح ابدنك طال




عمرك
وانت تستاهل بعد













الف شكر على المرور

الاخ سداح




















اسعدني
مرورك

الكريم








تستاهل الطيب



مشكوررر

الاخ شجاع السواط






















الف شكر لك ياطويل العمر وتستاهل الطيب
























مشكوررر على المرور

الاخ خالد














سعيد










الف شكر على المرور وبيض الله










وجهك يالغالي

رحيّم الغنّامي



مشكور ياطويل العمر











وبيض الله وجهك بعد




وشهادتك اعتز فيها













الف شكر