ياصالح الدنيا توافيق وحظوظ
 

السلام عليكم ورحمة الله وبركاته

مساكم الله بالخير...

اسند لي الشاعر ( حسن بن معروف السبيعي ) قصيدة من سبعة ابيات قبل عدة ايام .. وهاأنا اورد لكم قصيدة بن معروف وردّي المتواضع عليها . آمل انها تحوز على استحسان الجميع.

يقول حسن:

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياصالح الدنيا توافيق وحظوظ = ولاحدٍ على حظه من الناس راضي

ولاحدٍ بناب الوقت ماهوب معضوض = كم واحدن يصبر وفي العظم شاضي

وكم عاقلٍ حبله من الوقت منقوض = وكم جاهلٍ مبسوط والعقل فاضي

لو ان كيل الرزق بالعقل مفروض = كان البهايم موتت في الفياضي

ولو تعدل الدنيا مثل جنح باعوض = ماعاش كافر في الطوال العراضي

تدبير من في حكمه الكون محفوظ = اللي بسط للخلق سبع الاراضي

أمرٍ من الوهاب ماهوب مرفوض = والحمد لله ماعليه اعتراضي[/POEM]

ورديت اقول :

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]هل المطر في موسمه وازهر الروض = والهاجس المبدع تمثل وهاضي

جتني عطا من دون طلبه ومعروض = لكنّها تسوى قصور الرياضِ

ياطيبها لو كان مانيب محظوظ = مدري وش اللي جابها من حظاظي

يابو فهد نظمك تصاريف وعروض = قطعة أدب ، ماهيب حاضر وماضي

حكمتك مشهوده ومسعاك ملحوظ = لو كان ما رشحت مفتي وقاضي

انجوم فكرك في السماء دايم تنوض = إليا تدثّر بالسواد البياضي

وماكل وصفة تنفع لكل ممروض = ولا غير حكم الله مقدّر وماضي[/POEM]

وسلامتكم

1

صالح بن هريس .. يا سلام عليك وعلى بن معروف



صوت وصدى اكثر من رائعه




صح الله لسانك ولا هنت .. وصح لسان بن معروف

مطلق المطيري

هلابك..

يهمّني مرورك .. ولازلت في انتظارك...

صالح بن هريس ..

صوت وصدى .. رائعين جدا جدا جدا ...!!

صح لسانك .. ولسان .. حسن بن معروف ..


وتقبل التحية .. الصادقة ..


تقديري ....لك

صوت وصدى كلها

مميزه ... صح لسانك

ياصالح وصح لسان حسين السبيعي

صوت وصدى في قافيّه معتبره :)
صح لسانك الشاعر / حسن بن معروف السبيعي
وصح لسانك ياصالح .. تحيتي وتقديري .,

وكم عاقلٍ حبله من الوقت منقوض
وكم جاهلٍ مبسوط والعقـل فاضـي

الله الله

ياسلام ياحسن

بيت يسوى معلقه

اشفيت كبدي وكتبت ماعجزت عن كتبه


وماكل وصفة تنفع لكـل ممـروض
ولا غير حكـم الله مقـدّر وماضـي

صالح بن هريس

حكمه والله حكمه ذا البيت

تقبل مروري

الأخ
العزيز
صالح بن هريس
صح لسانك وصح لسان
حسن
صوت وصدى
رائعين
لاهنت
تحيتي وتقديري
دمت بحفظ الكريم

*****


الغالي / صالح بن هريس


صح لسانك ولسان حسن


عزالله انكم اجدتوا


صوت وصدى في غالية الإبداع والجزاله


بيض الله وجيهكم


وتسلمون على هالنصوص الرائعه


وتقبل خالص اعجابي


ودمت بكل ود


اخوك / عدنان مرضي


*****

الله الله الله


مساجله مختصره وبديعه فعلا


صح لسانك يا بن هريس ولسان بن معروف


وشعراء لا تحتاجون لاشاده بلا شك ،


...

الله الله الله الله




صح لسااااانك ولسانه




مجاراه ولا اروع منها عسف عسف فاااااخر جدا

ياسلام على الصوت والصدى



قمة الجزاله وقصايد من الوزن الثقيل



لايجيدها الا شعار في حجمها



صح الله لسانك ولسانه ولاهنتو




تقبل صادق ودي



تحياتي



اخوك..


حمد

صالح بن هريس .. يا سلام عليك وعلى بن معروف



صوت وصدى اكثر من رائعه




صح الله لسانك ولا هنت .. وصح لسان بن معروف

ناصر مناحي

صح الله بدنك يالغلي ...ولاهنت على مرورك الجميل

تقبل فائق تحياتي

صالح بن هريس


صح لسانك ولسان ابن معروف

صوت وصدى رائعين

تقبل مروري وكل الود والتقدير

محمد السواط

الرائع هو مرورك لا عدمتك

وصح الله بدنك ... ولاهنت على المرور والأطلاع اللي تشرفني به دائماً

لك خالص الود

سعود الحارثي

المميز هو حضورك الجميل لا عدمتك

صح الله بدنك ..ولاهنت على كل حال

تحياتي

الله الله الله


ابداااااااع يابو هريس .. صوت وصدى ولا اروع


وكم عاقلٍ حبله من الوقت منقوض
وكم جاهلٍ مبسوط والعقـل فاضـي


لو ان كيل الرزق بالعقل مفـروض
كان البهايم موتت فـي الفياضـي


ابن معروف .. جزالة نظم وايجاز محكم ..

يابو فهد نظمك تصاريف وعـروض
قطعة أدب ، ماهيب حاضر وماضـي

حكمتك مشهوده ومسعـاك ملحـوظ
لو كان ما رشحت مفتـي وقاضـي


وابن هريس .. تمكن واجاده وجزالة الفاظ

الله لايهينكم ..كلكم يالذيابه

محمد بن صالح

صح الله بدنك يالغالي ... مرورك واطلاعك تشريف لا عدمتك

لاهنت على كل حال

تدبير من في حكمه الكون محفـوظ
اللي بسط للخلق سبـع الاراضـي
أمرٍ من الوهاب ماهوب مرفـوض
والحمـد لله ماعليـه اعتـراضـي



صوت ولا ارووووع




انجوم فكرك في السماء دايم تنـوض
إليـا تدثّـر بالـسـواد البيـاضـي
وماكل وصفة تنفع لكـل ممـروض
ولا غير حكـم الله مقـدّر وماضـي



وصدى لا يقل عنه روووعه




صح الله السنتكم يابن هريس

مشهور سرور القثامي

مرورك واطلاعك شرف لا عدمتك

لاهنت على كل حال

تحياتي لك