نص كلامنا مستورد !
بصراحه انصدمت لما قريت اصول بعض الكلمات الدارجه عندنا في الخليج .
بعضها فارسي وبعضها هندي وبعضها تركي وبعضها لاتيني وبعضها انجليزي وبعضها ايطالي وبعضها يوناني وبعضها كردي . وقلت بحطها قدامكم هي وأصولها وأنتم احكموا وهل فعلاً نص كلامنا مستورد ؟! باغه : تركيه ومعناها بلاستيك . بفته : هنديه ومعناها القماش الابيض . بخت : فارسيه معناها الحظ . بس : فارسيه تستعمل للاسكات . بشت : فارسيه معناها مشلح . بهار : هنديه تعني بلاد الهند ابازير . تتن : تركيه ومعناها دخان . تجوري : هنديه ومعناها الخزنه . تريك : لاتينيه ومعناها مصباح . توله : هنديه ومعناها عيار للوزن . تاوه : تركيه معناها مقلاه . خاشوقه : تركيه معناها ملعقه . خيشه : فارسيه ومعناها كيس من القماش . خبل : فارسيه ومعناها مجنون . دربيل : تركيه وهي تقريب البعيد . دروازه : هنديه ومعناها البوابه . دريشه : فارسيه ومعناها نافذه . دسته : فارسيه ومعناها حزمه . ديرم : هنديه وهي صبغة الرمان . ريغه : فارسيه وتعني خليط الماء والطين . زلطه : ايطاليه تعني جمع الخضروات في اناء . زوليه : فارسيه وتعني بساط . سرسري : تركيه وتعني العاطل . سروال : فارسيه وهي مركبه " سر " تعني فوق و" ال " تعني القامه . شيره : فارسيه تعني رحيق السكر . شرشف : كرديه تعني غطاء النوم . طشت : فارسيه تعني اناء الغسيل . طربال : فارسيه وتعني شراع . طرمبه : ايطاليه تعني مضخه . غرشه : فارسيه تعني جرة . قرطاس : يونانيه تعني ورق . قوطي : تركيه تعني علبة من الصفيح . كليجه : فارسيه تعني القرص الصغير . كندره : تركيه تعني الحذاء . موتر : انجليزيه وتعني السياره . مالغ : فارسيه تعني ليس له طعم . واير : انجليزيه وتعني سلك . المصدر : ايميلي .:vb_cwm15: |
ياسلام ياسلام ياميثاء
لي عوده |
معجم لغوي .. أخت ميثاء
ماشاء الله عليك .... لكن طرمبه .. مال رمضان والا طرمبة المويه ؟؟ :) |
وش خليتي ياميثاء
؟ اثر ماعندنا سالفه . |
الظاهر ياميثاء ان حكينا كله مستورد
:) شكراً ياميثاء |
زلطه : ايطاليه تعني جمع الخضروات في اناء .
8 8 8 الله يرحمك ياجدّه اثرك مثقفه :) ,,, هلا وغلا بميثا حمدالله عالسلامه ولاعاد تغيبين :) |
ههههههههههههههههههههههههههه
ميثاء حنا ماعندنا سالفة ولا ويقولون العلماء العرب هم من صنعوا هذا العلم ومايدرون انهم ماغير يسرقون من هالكلمات وشغالين سرقة اذا حتى الارقام هندية وش عاد لنا حنا :) |
مرحبا ياميثاء
الوكاد انها كلها دارجةً عندنا من خلقنا ولانعرف الاّهي ولكن مدري عن صحة مصدرها واحسنهن السرسري :) لاهنتي ياميثاء ولاعاد تغيبين واجد .. |
فضلاً تأكدي من معلومات إيميلك وشكراً
يو كهوق نمبر <----- بالانقليز :) هالحين الكليجه الكلمه القصيميه بحذافيرها .. صارت فارسيه عموماً .. لاهنتي |
اقتباس:
اولاً اهلا بعودتك اختنا الكريمه ميثاء ,, وثانياً موضوع جميل ورايق , والكلمات اعلاه اول ماسمعتها من شايب عندنا فالديره شكله كان يختخت للدول المذكوره منّول يوم الطيارات بدون جنحان teeth: تحياتي |
لاهنتي
:) |
ذا كله وان قول الشيبان متخلفين واميين
واثرهم مثقفين وعندهم لغات اجل من سئلني ويش عندك من لغات باقول عندي ثمان لغات من غير العربيه <---- اهب ياهو :) |
ياميثاء انت من وين طلعتي لنا بهالكلمات واصولها
اجل طلع كلااامنا العامي من جنب القده يعني ماعندك احد اجل الشعر الشعبي رااااح فيها كل اصوله تجميع ( سرسري : تركيه وتعني العاطل .) اما هذي ياكثرررررررررهم في مجمتعاتنا الفاضله |
:
: (( ميثاء )) أول شي سعيد بعودتك .. !! ثاني شي : هههههههههههههههههههههه يـاكثر (( لطش )) ربعنا .. !! اللي انا خايف منه ان أسامينا تكون مستوردة بعد .. !! مشكوره على هالأطلاله .. !! :) |
اقتباس:
هههههههههههههههههه كلاً على همه سرا .. !! أثر (( السرسري )) كلمه مرققه .. أنا منول كنت أحسبها مرادفه لـ (( السربوت )) و (( الصمرمدي )) .. !! شكل السربوت والصمرمدي أصلها ماهو عربي بعد .. !! أنا اتوقع اصلها (( ايطالي )) .. !! :) |
قوطي : تركيه تعني علبة من الصفيح
:) أثر ما عندنا لغه ولاحولنا خير :( شكراُ يا ميثاء .. صراحه أستفتدت من هالموضوع دمتي بخير :) |
ههههههههههههههههه
و الله يا الربع طلع كلامنا كله ما هوب لنا لا هنتي يا ميثاء :) |
|
| جميع الأوقات بتوقيت GMT +3. الساعة الآن 07:58 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية