مرثيتي في الشيخ عبدالله بن بعيث ال حمراء الهاجري
 

أسأل الله العلي القدير أن يرحمه برحمته و يوسع نزله ويبعثه في عليّين مع النبي الأكرم في الفردوس الأعلى ,





[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحة كن السما طاحت على روس الهضاب=وكني اشــــوف نجومها على الرجوم مبعثره
هوت وحس افلاكها تصادمت فوق السحاب=في ساعة لو قلت شسمك قلت والله ما اذكره
والمؤمن العاقل ومهما صار ما يفقد صواب=بس ان فقد له دمعةٍ عـــــــــز الله اني بعذره
خبر حزين وفك لجموع الحزن مليون باب=بيبان لا فتحت حداها مســــــــــتحيل تسكره
يا عين دار الليل طوّل مثل ما طوّل غياب=الضحك في سن الذي وقته تعسر وعســــره
ماقد تمنيت امنيه الا ان دعائي يستجاب=لا قلت يا رب اوسع من القبر لهل المقــــبره
عبدالله بن بعيث جعل الله يجــــنبك العذاب=ويرحمك رحمه من لدنه وكل ذنبك يغـــــفره
عز الله اني بحزن لفرقاك يا سمح الجناب=تهون دامك قرب من تحمده دوم وتشــــكره
يا رمزنا يا شيخنا يا عتق مخطور الرقاب=يابو بني هاجر فعولك شي ما نســـــــتنكره
يالي على درب المراجل والكرم سقت الركاب=يالي بيوتك بالشــــــــرف والطايلات معمّره
تاريخك الحافل وفعلك يا الشلي عجب عجاب=يا مكبر افضالك وقدرك في الصـــدر يا مكبره
صدر من فراقك تمثنى به مثل شلفى ذياب=استغفر الله ما بقى بعدك شي اســــتخـــــسره
خليتنا يابو فهد يا نجـــمنا الي يوم غاب=طغى الظلام وكل نورٍ بعد نورك يكـــــســـره
ما للقلوب الا الحزن ماللعيون الا الســـــراب=عز الله انك لا كــسرت العظم محدن جـــبّره
عساك في يوم الحشر تاخذ بينماك الكتاب=برحمةٍ من واحدٍ اذا بغى شــــــــــــي قدره
مع رسول الله وكل الانبياء وايا الصحاب=في وادي أخضر يلامس غيمته روس شجره[/POEM]

رحمه الله رحمه واسعه واسكنه فسيح جناته


وصح لسااانك على هذه الرائعه


قصيده جزله تعبر عن حزن عميق



تحياتي

الله يرحم ابن بعيث ويسكنه اجنه


والشاهد الله نك ابدعت


وبيض الله وجهك


ولاهنت

عواض العازمي ,

صح بدنك يا سيدي ,


وكل الشكر على دعائك ومرورك ,


تقديري

رحمة الله على بن بعيث



صح السااانك ياعايض


وبيض الله وجهك

بدر ناصر العجمي

يا هلابك اخوي ولاهنت على مرورك وصح بدنك

وجزاك الله خير على دعائك ,


كل التقدير

فهد بن شويمي حياك الله يا طويل العمر ,

ومنور الصفحة ,

كل التقدير

عساك في يوم الحشر تاخذ بينمـاك الكتـاب
برحمةٍ مـن واحـدٍ اذا بغـى شـي قـدره
مع رسول الله وكل الانبياء وايـا الصحـاب
في وادي أخضر يلامس غيمته روس شجره




آمين آمين


الله يرحمه سمعته طيبه وكل الناس تحبه

هادي اليامي يا مرحبا فيك ,

وشاكر لك مشاعرك الصادقه وطيب اصلك ,


تقديري

ابو محمد

انت مبدع وانا من جمهورك

صح لسانك مليون والقصيده شهادتي فيها مجروحه

حسن الهاجري ,


حياك الله يا طويل العمر ولاهنت على مرورك العذب ,

تقديري