اللي يجيب الحل مشكور مشكور
 

السلام عليكم ،

اخواني المختصين في قضايا الشرق الأوسط الالكترونية :)

بريدي المدوّن في التوقيع .. تصله باليوم من 40 الى 50 رساله وكلها مثل قلّتها .. مدري ليه جات ولا اعلم لها وجهه محدده !

دعايات وكلام غير مفهوم وطلاسم وملفات مرفقه
(( اذا تبون أمثله من تلك الرسائل الخير واجد ))


وبصراحه انا خايف يروح الجمل بشداده

المطلوب لاهنتوا :-

هل هناك طريقه متبعه لإيقاف هذا السيل الجارف من الوصول لصندوق بريدي الالكتروني ؟


واللي يجيب الحل مشكور مشكور

:)


ملاحظه : لست من اصحاب الاشتراكات ولم اطلب الاشتراك من اي جهه كانت لإرسال رسائل بشتى انواعها لبريدي .


أخوكم ،

السلام عليكم ورحمة الله وبركاته
انت يوم سوية الايميل كانت شلت عناوين الدعايات
الموجودة في تاسيس الايمي على شان كذا تم
ارسال بريدك إلى الشركات التجارية عناوين
الدعايات عموماً خش في خارات الايميل
وحط بلوك على الرسائل اللي ما تبيها تجيك
مرة ثانية

آسف اخوي سداح انا تكلم عن بريد الهوت ميل ما ادري انه ايميل المرقاب
أما فيما يخص المرقاب أكيد الحل عند الإدارة
أكيد فيه خيار يعمل بلوك استقبال الرسائل
بس تأكد لايكون يميلك مربوط بإميل ثاني
حفظ الله ايميلك من عبث العابثين ههههه

وعليكم السلام يا بوفرج

والله يحييك وشكرا لسرعة التجاوب

لكن مشكلة اخوك انه ما يعرف ابجديات استخدام ادوات البريد
كما ان بريدي على المرقاب وليس هوت ميل

لاهنت على إهتمامك ،


...

^
^


ماعاد لها داعي مشاركتي اعلاه بإستثناء شكرك وعرفاني لإهتمامك

لاهنت مجددا وشكرا لدعواك الطيبه :)


...

والله للاسف مااعرف له


لكن لو انه هوتميل كان شفنا وضعه

مسيتو بالخير جميع

اذا تقصد ايميلك فالمرقاب يادكتور فأنا معك نفس المشكله :(

ليتني القى حل ,,

تحياتي للجميع :)

مشكلة (smk-

الحل عندي :thumb:

عطني الرقم السري وازهله (tlk-

كل غبشه ادخل عليه وأشوف لك جميع رسالة تصل لك وأترجمها بعد (smk-

والمهمه اتركها واللي مامنها فايدة احذفها :thumb:


:thisup:


وده يخدمك :a17:


مر من هنا

ان طعت شوري دزفّله نوهائياًَ ،

وعوّد للهتميل ،


انا الحقيقه ماعاينت فيه من يوم اهدوه عليّ الاخوه الكرام في الادراه المرقابيه

ولامسته إلى الآن ..

من بريدي الاول ويالله يالله لكن ..
عاني مرتاح ومعيّنٍ من الله خار :)

وعفاك .

شكرا للجميع .. يبدو ان المشكله شرّ لا بدّ منه !

لاهنت يا عبدالله و لاهنت يا رشيد ولاهنت يا مرزوق والمشكله وحده
وشكرا لتقديمك العرض المشبوه :) يا نواف نايف

ويا عبدربه .. الهوت ميل مسروق منذ اكثر من عامين :(

وأخوك لازال يجهل الاستحداث والماركات المسجله في عالم الشبكه !


تسلمون ،


..

سداح
انتبه تراك مراقب
:(
















ياليت اقدر اساعدك
:)

^
^

شكرا لتعاطفك الحلو يا حلو


والله ياناصر من بعد الموضوع هذا صارت الرسائل اليوميه فوق المائة رساله :(
والظاهر مالها حل هالمشكله ..


مير الله يستر ،




:)