وشاية الخلخال!!
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ذيب .. لا تشكي همومك للخلا وجباله= الجبل ما ارخى لك اذنه والخلا ما اوحاني
حول من المرقب العالي ولا تعنى له= انت وحداني وانا مثلك هنا وحداني كان حظك فوتك كبد الظبي وطحاله= حظي اردى منه فوت قايد الغزلاني والله اني صرت بين حظوظي المياله= مثل ابن يعقوب يوسف والحظوظ اخواني نزلوني وسط جب ٍ ماه يصفق جاله= واتهموا في ذبحتي ذيب الخلا سرحاني كل ما مرتني احلام الفرج رحاله= قلت مفتاح الفرح فا الصبر والسلواني مير واردها بعد ما ادلى علي حباله= باعني بابخس ثمن للياس والحرماني حطني في قصر عاجي محكمات اقفاله= دوني الحراس والاقفال والبيباني ويش اسوي با الزمان اللي تروع اهواله= شمت العدوان في خلي وانا بكاني عقب فوحات الخزامى في رياض وصاله= مر فوقه منخفض جوي من الهجراني والسبب ماهم بحسادي ولا عذاله= كيف ابتهم لي بري من شان ابري جاني البلا فا الموعد اللي كلنا جينا له= ليتني ما جيت له عاني ولا هو جاني ما تعطر خوف بعض الناس لا تصحى له= مير جاب العيد فينا عطره الرباني فاح طيبه واكمل الناقص معه خلخاله= يوم صحى صوته الاقصى وصحى الداني زفرة التنهيدة اللي ذوبت سلساله= تحت جمر انفاسه اخذتني لعالم ثاني ما صحيت ولا وعيت لحكيه اللي قاله= غير كلمة لا تذكرني ولا تنساني ما تجمل لو تجمل جمل الله حاله= كان ما لوح لي بكفه ولا خلاني مير ودعني وخلى في يديني شاله= شاله الكشميري اللي ناسجه لبناني وانثنى خطوته لحن وهو لحن بلحاله= ما شدت فيروز بانغامه ولا الرحباني يا وجودي كل ما اعاين رسوم اطلاله= كنها وشم ٍ على بوديه الوراني ان نسيت ايامه البيضا ذكرت لياله= والسهر جمرة توقد والوجار اجفاني الغزال الشارد اللي ما لقيت امثاله= في شعر محمود ابن درويش والقباني كل ما دروت وصف يليق به ما القى له= كن وصفه قال دورني ولا تلقاني خابر لساني فصيح وطلق ما يبغى له= مير حسنه حرض لساني على عصياني والله اني لا خضع بيوت القصيد رضى له= وان عصتني فيه عذري منه قطع لساني كن عينه قوس وسهوم النظر قتاله= مير انا اول من قتلني سهمها واحياني رمشه المختال فوق عيونه المحتاله=وصفهم جملة ( على فرعون يا هاماني) بين حيلة عينه ورمشينه المختاله=من هو اللي في خبر كان هوى وداني كنه اعطى للكرز والتوت بعض خصاله= واجتمع في ثغره الياقوت والمرجاني يوم اناظر حمرة شفاته وحبة خاله= سحر هاروت انسكب في خاتم سليماني وان زرع ريح الدلع بيمينه وبشماله= ما حصد غير العواصف شعره الاسباني مر في بالي وانا مريت به في باله= جعل شي اطراه في بالي عليه اطراني يوم يطري كن قلبي مركض الخياله= صوت حافر خيلها من نبضة الشرياني بينها ادهم كاد يرميني وانا خياله= لعن ابو حيه تقول انه مهو بحصاني اشهد اني لو بغيت اهوى واحب بداله= مثل من يرتد من مسلم ليا نصراني جعلني من دون عذال الهوى فدوى له= لو عواذله المرض والموت والنيراني والله انه يحفظه في حله وترحاله= مير قولوا له نسيه الموت لا ينساني[/POEM] |
حمد العصيمي
صح لسانك وبيض الله وجهك على هالقصيده الجزله قصيده ملئيه بالمعاني الجزله صح لسانك ولاهنت تقبل تحياتي |
صح لسانك وعلا شانك
اشهد بالله انك ابدعت سلمت يمناك يادكتووووور تحياتي |
اقتباس:
شعرٍ ماهو بشعرك وشعر شرواك حرام انه شخمط شخاميط ,, ياداهية عتيبه لاشك انك احدثت نقله نوعيه في كافة فنون الشعر , وشهادتي بالذات فيك مجروحه ,, اخووك ,, |
قصيده شامخه فعلا
ياحمد مرحبابك من جديد صح لسانك الف تحياتي |
ابو تركي هنا
مرحبا ومسهلا الف الف شكر لمن دعاك صح لسانك واعتلا شانك وبيض الله وجهك على كل ماتكتب نظما ومحاوره انت شاعر مستقل بحد ذاته ياخوي اخوك حسين |
هذا القصيد الملياااان لاقيل قصيد
صح لساااااااااااانك مليووووون |
حجز مع مرتبة الشرف
:) |
الشاعر الجزل د. حمد العصيمي
ياهلاااااااااااااااااا وغلااااااااااااااااااا بالشعر الجزل وصح لسااااااااااااااااااااااااااااانك حتى ترضى . وانت احد المبدعين اللي نتابع قصيدهم ياحمد . بيـن حيلـة عينـه ورمشينـه المختالـه من هو اللي في خبر كان هـوى ودانـي كنه اعطى للكرز والتوت بعض خصالـه واجتمع في ثغـره الياقـوت والمرجانـي يوم اناظر حمـرة شفاتـه وحبـة خالـه سحر هاروت انسكب في خاتم سليمانـي وان زرع ريح الدلـع بيمينـه وبشمالـه ما حصد غير العواصف شعره الاسبانـي هذا بلا ابوك ياعقاب ؟؟ ياسلاااااااااااااام على التصوير الرائع يالداهيه . تحياااتي |
مجنونه
مبهره فارقه يشهد الله أنها من أروع ماقريت لله درك ياحمد.....شاعر كبير....وأستغرب انقطاعك كم نحن بحاجة لهكذا شعر اخوك |
ارحب ارحب من هنا اليا عندك يادكتور......
صح لسانك.. ملايين....... وبارك الله في المرقاب اللي عطاني فرصة الرد على احد قصائدك.... كنت اقرأ لك واتابعك في زاوية اثيريه اخرى...... وكنت كلما اقرا لك... اطرب لقصيدك.... الكاسر قريبا من القطب المتجمد الشمالي... |
اقتباس:
هلا وغلا يابو تركي هذي من نوادر القصيد حضوري للترحيب . |
مطلق بن جزاء العصيمي مرورك فخر يا الامير لا خلا ولا عدم
|
الغالي سعد بن شفلوت لا هان راسك يا الامير حضورك فخر
|
ابو عبد الله ما عليك ولا على الغانمين زووود مرورك فخر يا الامير
|
بندر مرورك فخر لا خلا ولا عدم
|
*******
رمشه المختـال فـوق عيونـه المحتالـه ** وصفهم جملة ( على فرعون يا هامانـي) صح لسانك مليار حمدان العصيمي ابدااااااااااااااااااااااع منقطع النظير وقصيده من الوزن الثقيل جزززززززززززززززززززززله يالذيب دمت بود ولك اعجابي المفرط اخــــــوك *********** |
ابو بندر مرورك فخر يا الامير لا خلا ولا عدم
|
سلطان الاسيمر مرورك فخر يا الامير لا خلا ولا عدم
|
اول شي يامرحبا يابو تركي تراحيب المطر ويعلم الله مايكفون لو اندبلها عشر مرات
ابطيت علينا وجبت الغنايم كلها يابو تركي اما بخصوص ماكتبته فهاأنا احكيك ويداي تصفقان من وحدها وكانها تتذوق الشعر لله درك ياحمد لله درك لله درك يامبدع اخووووووووووك |
محمد العتيبي حجزك مؤكد في انتظارك ياالامير
|
،
، ، ياسلام ياسلام ياحمد العصيمي ابدعت جدا صح الله لسااانك والله لايهينك متابعتي واعجااابي الدائم ، ، ، |
| جميع الأوقات بتوقيت GMT +3. الساعة الآن 06:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية