قصيدة الشاعر / ملفي المورقي لمزاين الهيلا
 

بسم الله الرحمن الرحيم

السلام عليكم ورحمة الله وبركاتة

أسعد الله صباحكم بالخيرات

أطرح بين أيديكم قصيدة الشاعر / ملفي المورقي لمزاين قبيلة عتيبة ( الهيلا ) والذي سيقام بإذن الله تعالى في شهر شوال (10) لعام 1428هـ

ويقول أبو وافي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ياعيدنا اللي صاير(ن) بين عيدين = بين رمضان وبين عيد الضحية
جعلك تعود ليال وشهور واسنين = وحنا بخير ولا رزانا رزيه
نعم بنعم الضافي الأمن والدين = ماعندنا بغضا ولا مكرهيه
في ظل ربي ثم بظل السلاطين = العادلين اللي ذممهم بريه
حكامنا الوافين في العسر واللين = في حكمهم كل القبايل سويه
وحنا لهم طول الليالي مطيعين = على كتاب الله وسنة نبيه
من عهد أبو تركي مقر الموازين = اليا عياله طيبين السجيه
متكاتفينن كلنا ومتصافين = الرأي واحد والضماير نقيه
سوات هذا اليوم فالمحفل الزين = اللي حضرنا فيه من كل نيه
في أربع ميه وإلف وثمنيه وعشرين = في شهر عشره وسط نجد العذيه
مسجل(ن) في قلوبنا والدواويين = مايمحي مادامت الشمس حيه
مزاين الهيلا للأبل المزاين = أهل الحلال اللي قليل(ن) حليه
سود(ن) وواضح(ن) غاليات المثامين = وشعل(ن) وصفر(ن) فيهن الجاذبيه
نسع الغوارب ضافيات العرانين = وظهورها فيها تقاعس شويه
معمقات(ن) من خيار البعارين = ماحولت فيها الزمول الردية
ومن السطر فيها تدك الميادين = عسكر ولو ماتعرف العسكريه
تعمل عروض خلاف ويسار ويمين = تقول راعيها مدرب سريه
والوحده منها تراعيه بالعين = تقول تضرب له سلام وتحيه
ماجات معنا بالتسلف وبالدين = والا عطن مصفوط والا هديه
اللي ورثها من رجال(ن) مسمين = وصية(ن) يوصي عليها وصيه
واللي دفع فيها مئات الملايين = ويقول مهما سقت فيها بليه
والبل ترى ماتؤخذ الا بثنتين = شي(ن) مجرب من على الجاهليه
أما بنثر الدم يوم الأكاوين = ومصافق الفريس صبح وعشيه
والا قناطير الذهب والذهب وين = يخلي الناس الفقارى غنيه
وحنا كسبناه من أول وذلحين = بالجهد وعزوم الرجال القويه
وقمنا بواجبها كلام(ن) بتثمين = واللي يسوي مثلنا حي حيه
مرباعنا عرعر وأبا القور ويمين = اليا الحجر ومن تحتها شويه
وأن صار للصيف المبكر ودادين = على العبال الشاسعات الخليه
جاتك تخافق مخزيات الشياطين = تبغا الجنوب اللي تطارد نصيه
وأن صار يامشكاي وجه الدهر شين = وضاعت علوم اللي يسوق المطيه
على مصارفها بربي قويين = ندرك عشاها لو نباته وقريه[/POEM]

وللتحميل
http://up9.arabsh.com/d.php?filename=ac9090..ra

تحياتي وتقديري

بالخير يابو قطن ،،

قصيدة أكثر من رائعه لشاعر
جزل
يعطيك ألف عافيه أخوي

وبالتوفيق لجميع المشاركين فالمزاين


لاهنت

يعطيك الف عافيه يامحمد


وصح لسان الشاعر الكبير ملفي المورقي

وبالتوفيق لجميع المشاركين فالمزاين

بالتوفيـق
بالتوفيـــــق
بالتوفيــــــــق
بالتوافيـــــــــــق


ونبارك لعتيبه نجاح المزاين مقدماً


وصح لسان المورقي

مشعان البراق

سلمت ودمت

مسموخ يابو محارب في نقلها لك مطلق الحريه

لاهنت على مرورك

متعب فهد
الله يعافيك ويبارك فيك
لاهنت على المروريابطل

ماجد النويشر

الله يعافيك ويبارك فيك

وصح بدنك

لاهنت على المرور يابطل

فهد بن عبدان

الله يوفقك ويبارك فيك

وصح بدنك يالغالي

لاهنت على مرورك العطر

الله الله
صح لسان الشاعر الكبير ملفي المورقي على هالقصيدة الوافية ولاهنت على نقلها


لك التقدير.. ابو نايف

شاعر فحل .. ومن شعار عتيبه المرموقين
قصيده نايفه وكايفه .. وكفو والله بعتيبه الهيلا
تاريخ ومجد لا ينضب




لا هنت يا ابن قطن

احسنت يابوقطن :)



وملفي شاعرنا المحبوب !


لكن ترى عندك غليطه في آخر كلمه من القصيده :(



ابو وافي يقول:

ندرك عشاها لو نبات أوقريّه ..

الظاهر يعني جوعانين أوكذا ،

ودك انا نوديها ماضوع ابن هليل ( الكلمه ومعناها )



سلام’ عليكم

*********

قصيده رائعه


صح لسان ابو وافي

وتسلم يا محمد

*****

صح لسان ابو وافي ولاهي غريبه عليه ولا على قبيلة عتيبه


يعطيك العافية والله لايهينك


نايف

صح الله السان ملفي المورقي

وبارك الله في اخونا محمد قطن المورقي على نقل هالابداع لنا

والله تحفه ولاهي غريبه على ابو وافي