الـبـســـمـــــــتـي
 

قصيدة البسمتي ارجو ان تحوز على بسمتكم

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماودك تروف بحالة الناس يابوكاس= تر الناس يابوكاس عقبك مساكيني
ماغيرك يارز البسمتي في قلوب الناس= ولكن تعدى سعرك اميه وثمانيني
بطون العرب في غيبتك ضمّرٍ يبّاس= ولاغيرك يليّن جفاف المصاريني
لو ان شركتك جاها الدهر واعلنت الافلاس= وصلها من الشعب السعودي ملاييني
لكن ارفعت الاسعار ماهمها الاحساس= ولاقدّرت حال الضعوف الجويعيني
بغينا نقاطعها ونتبع صليب الراس= ابو هرجةٍ تنفخ كبود البعاريني
وطحنا مثل ماطاح عباس بن فرناس= يوم انه ربط جنحانها بالذَراعيني
بغا بين جيله ياخذ الطيب والنوماس= وحوّل على راسه بليا كراعيني
وذلحين يالدبوس لاترجي الدباس= هذا شكله مقلّد ومصنوع فالصيني
دخلت البقالة وامتلت كلبو الاكياس= وجيت المحاسب خابر انه يراعيني
ظرب لوحة الصرّاف واظهر علي قرطاس= والا مبلغٍ يخْلف جميع الموازيني
وقمت اتلفت والعرب كنهم حرّاس= احد ينهره واحدٍ يدز المواعيني
تقرّبت منه وقلت ياصاحبي لاباس= انا مامعي شيٍ يكفيك ذالحيني
ياليتك تسامحني وتكتب على الكراس= وتمّْهل علي وانا بسددك بعديني
قال العفو انا مانيب عنتر ولاجسّاس= ولاني كليب التغلبي كان توحيني
انا موظفٍ توّي قراري على الترباس= واقرب غلطةٍ صوب الشوارع توديني
تفضّل ترا الناس اطفشوا وانت مانت بحاس= وشوف السرا خلفك ولاعاد ترجيني
قلت الرجا في رحمة الله قوي الباس= والا رحمة العربان ماهيب تغنيني
رجّع كلبو الاغراض واترك لي ابو كاس= واخُذ قيمته لاكان بميه وتسعيني[/POEM]

صح لسانك هههههههه ..

راحت ايام البسمتي الله كريم ههههههههه عز الله انك صدقت مايلين المصارين الا هو ههههه

العوض ولا القطيعه يابن الحلال والله يخليلنا ابو كاس

صح لسانك

ودي وتقديري ..

وطحنا مثل ماطاح عبـاس بـن فرنـاس
يـوم انـه ربـط جنحانهـا بالذَراعينـي
بغا بين جيله ياخـذ الطيـب والنومـاس
وحـوّل علـى راسـه بليـا كراعيـنـي


ياسلام ياسلام ياسعيد


صح لسانك مدد


تحياتي

سعيد الاكلبي
عزالله ان عندك معاناة

لكن انت قلتها بلسانك

قلت الرجا فـي رحمـة الله قـوي البـاس
والا رحمـة العربـان ماهيـب تغنيـنـي

صح الله لسانك قصيده وافيه تتحدث عن غلا الاسعار وتعبر عن حال المواطنين

تراهم يمدحون رز الخوري وسعره مناسب

تقبل مروري

********

صح لسانك ولاهنت


دمت مبدع

************

بغينا نقاطعهـا ونتبـع صليـب الـراس
ابـو هرجـةٍ تنفـخ كبـود البعاريـنـي

سعيد الاكلبي

ليتها على ابوكاس وبس

حتى ابوقوس لحق ابوكاس

لاكن صح لسانك

وبيض الله وجهك

والله يزينها وتزين

وتقبل تقديري واحترامي

:)

:)


يا سعيد

والله انك من القله اللي يجمعون الفكاهه والتركيب الحلو لبيت القصيده


صح لسانك وعليك بالمشويات :)


..

ساري الزهراني
ارحب ياساري
وشكرا لك على التعليق الرائع والمرور الاروع

بندر
مرحبا بك
والله يجمل حالك

ههههههههههههههههههههه

شر البليه مايضحك ياسعيد

وصح لسانك مليار ضرب مليار ولا تكفيك

تقبل مني كل الود

مع التقدير والمتابعة

مع أجمل تحية

أخوك

وطحنا مثل ماطاح عبـاس بـن فرنـاس
يـوم انـه ربـط جنحانهـا بالذَراعينـي

ههههه
سعيد الاكلبي
صح لسانك
وخل عنك البسمتي وابو كاس
وهالله هالله بالانديا قت
:)
نثري ويعجبك

الله يا سعيد !!!

انتوا مير ارتفع كل شي عندكم كل شي يا ربعنا ...


مير الكريم الله يالأكلبي

وانت كفيت ووفيت ...

والعوض قريب ان شاء الله

:) :)

والله أني ماغير أقرا وأضحك

ياخي أنت شاعر غير ياأبومقبل
وقصائدك يعلم الله لها نكهة خاصة عندي

حمد بن صالح
ارحب يارجال
والحمدلله على نعمه التي لاتعد ولاتحصى
سلمت ياذيبان على مرورك

عدنان مرضي
مرحبا بك ياعدنان
ولاهنت يالذرب

فارس عبدالمحسن
مرحبا يافارس
وصدقت ياطويل العمر
سلمت ودمت على خير

الأكلبــي00

صح لســــاانك00 وبيض الله وجهك00

هذي أزمـــه الجميع ارتفاع أسعـار المواد الغذائيه00

الله يكون بعون الجميع000

تحياتي \\ مضحي السميري

سلمت ياسداح
استاذ واشادتك ترفع الراس
لاعدمتك يالجزل

قهر يزيد
ارحبي يا ام آسر
اشادة لها مكانها
سلمتي يالذربه

نواف نايف
ارحب ارحب يانايف
والله يعطيك العافية
مرور واشادة اعتز بها