منتديات المرقاب الأدبية - ( صقر وعبد العزيز في آحدى المحاورات ) ..!

[align=center]سلآم عليكم جميعاً ,

محاورة بين الشاعرين / صقر سّليم , وعبد العزيز العازمي ..

استمتعوا بالفتل والنقض ,

عبد العزيز العازمي

ياسلامي سلام اللي يحب السلام===والسلامه على ماقيل ياطيبهـا

جابك الله وانا بيني وبينك كلام===القضيه قديمه وانـت تدريبهـا

صقر سّليم

مرحبا فالسلام ومرحبا فالزحام===والرياجيل نوفيهـا مواجيبهـا

لو تطول القضيه ماعلينامـلام===القضية تـراك اول تسابيبهـا

عبد العزيز العازمي

يالبقيلي هجدنا القـوم وهمـه نيـام===كز بالرمـح والبنـدق مانرميبهـا

وانت وضعك ثلاث سنين ماهو تمام===وجهك اصغير واللحيه كثـر شيبهـا

صقر سّليم

ماغدرنا عدانا في جناح الضلام===ننطح القوم ونجود مضاريبهـا

رجلها فالعقال وراسها فالخطام===وانثنا راسها علـى عراقيبهـا

عبد العزيز العازمي

روسكم ماتباين مثل روس النعام===والبدو كسّرت عنكم مشاعيبهـا

والذلول الهزيله ماعليها سنـام===حملت الجّور ماتقدر تزوزيبهـا

صقر سّليم

ابك حنا لنا هيبـه وقـدر ومقـام===والعلوم الضعيفـه لاتجينـي بهـا

انت راع الذلول اللي ضربها الهيام===من نصيبك تسرحها وتضوي بها

عبد العزيز العازمي

ان مدحتك مصيبه وان ضلمتك حرام===علـم سليـم لا تتـرك مراقيبـهـا

وسمها وسمكم لكن مـع الاحتـرام===دايـم سليـم مـا تتـرك هناديبهـا

صقر سّليم

علم اهل العطيف وعلم آهل جهام=== قبل تلعب حصانيها على ذيبها

بعد جات الصنادق في محل الخيام===يافتى روق وش تقدر تسوي بها

على الله اني ارضيت ذائقتكم ولو خمسة بالمئه ,

كل عام وانتم بخير ,

أخوكم ,[/align]

أرجو من لدية صلاحية ,, بنقل الموضوع لمكتبة المرقاب , < متآسف