اروع المرثيات .. !!
 

السلام عليكم ورحمة الله


اقدم لكم قصيده .. تدمي القلوب وتهز المشاعر
وتعتبر فرصه (للعيون) اللي نضب ماها !! اقسم بالله ان دمعتي طاحت وانا اقراها
وهي مرثيه عظيمه .. ومن اروع المرثيات اللي مرت علي !
للشاعر الكبير والمبدع / ذيب الشمري
وهو يرثي الفقيد / نواف العازمي


اترككم مع هذا الوفاء الحزين :-




http://up.mergab.com/uploads_pic/f1b58c9e20.jpg


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كن الخبر رمـحٍ تخلـل ضلوعـي=رمح الفراق اللي للاعمـار قصّـاف
صحيح ماهو واحـدٍ مـن ربوعـي=مير الوفا فوق الطوايف والاطيـاف
شقيق فكري فـي بدايـة طلوعـي=اخوي في حكم العوايـد والاعـراف
بين الصفوف الحاميـه والجموعـي=ياما لنا في ساحة الشعـر ميقـاف
بالقاف يضربني على راس كوعـي=واضربه مابين الحجاجيـن بالقـاف
على الشرف ندفع سلاح الدروعـي=من شان تعزيز المواقع والاهـداف
في علم ترويض الاسود الهجوعـي=في ساحته صرنا مروّض وعسـاّف
حتى بدت تمشي بطوعـه وطوعـي=والسبع راقي بالتعامـل ليـا خـاف
واصبح حليفـي بأتحـاد الفزوعـي=يوم الزمان اصبح مجاميع واحـلاف
من سنة الرحمـن مانـي جزوعـي=لكن معي قلبٍ مـن الـود شفـاف
حفظ الصداقه من جواهـر طبوعـي=اموج بالذكـرى شـراعٍ ومجـداف
ادفـع ضرايبهـا ولانـي منوعـي=مااظمها في خاطري شكل وغـلاف
عليه من جوع الغـلا زاد جوعـي=ماهو مثل جوع البهايـم للاعـلاف
جفت ينابيعـي ويبْسـت زروعـي=عشرة عمر نسيانها ظلم واجحـاف
وفي حين صلينا عليـه بخشوعـي=وحطوه في قبرٍ فصال اربع اطـواف
اقفوا وانا عنـده تـذارف دموعـي=اخر رجل واقف على قبـر نـواف
يامن لحكمـك معلنيـن الخضوعـي=انت الكريم وتكرم الضيف لا ضـاف
عبدك وضيفك فـي مقـامٍ يروعـي=عن رحمتْك ماله وساطات واسعاف
يالله لاتحصـي عليـه الوقـوعـي=في ما نهيت.. وشفت والغير ماشاف [/poem]





منقول
من توقيع / وليد العمودي
اخووكم

أبو فيصل
والله لم تكذب بهذا العنوان المنصف


قرأتها لأكتشف معادن الرجال والمتمثله بالبدع الشعري المتقن

الله يرحم نواف العازمي رحمة واسعه ويسكنه جنان النعيم

والله يبيض وجه ابو وليد ويرعاه ،



...

االمرثيه هذي يعجز الكلام عن ايفائها حقها
توقف شعر الراس وتذرف مدامع الاعيان وتقشعر لها الابدان
قريتها مرّه ورغم تأثيرها في نفسي اعدة قرائتها اكثر من مره
لان في من الوفااء والمرجله مالله به عليم
وهذا صدق الصداقه لـ الصديق سواءً حي والا ميت


عليه من جوع الغـلا زاد جوعـي
ماهو مثل جوع البهايـم للاعـلاف
جفت ينابيعـي ويبْسـت زروعـي
عشرة عمر نسيانها ظلم واجحـاف
وفي حين صلينا عليـه بخشوعـي
وحطوه في قبرٍ فصال اربع اطـواف
اقفوا وانا عنـده تـذارف دموعـي
اخر رجل واقف على قبـر نـواف

اسئل الله الذي لايخيب رجاء عبده فيه ان يتغمد الشاعر / نواف العازمي بواسع رحمته
وان يطيل عمر ذيب الشمري على طاعته
قصيدته مضرب مثل للوفاء

ويرحم والديك انت ياخالد
وسلامي عليك وعلى ذايقتك

اخر رجل واقف على قبـر نـواف
اخر رجل واقف على قبـر نـواف
اخر رجل واقف على قبـر نـواف
,,,

الله اكبر

صح الله لسان ذيب والله يرحم نواف


وسلمت ينمينك يابو فيصل


انا عاد راسي مفتر من الموقع !!

صدقت ياخالد

وصح السان الشاعر الكبير ذيب الشمري

قصيده مؤثره ولازلت اقراها

رحم الله \ نواف العازمي

واسكنه فسيح جناته


لاهنت ياخالد

من سنة الرحمن مانـي جزوعـي
...........لكن معي قلبٍ مـن الـود شفـاف



لله در الجزل على هالمرثية ..

وفي حين صلينا عليـه بخشوعـي
..........وحطوه في قبرٍ فصال اربع اطـواف
اقفوا وانا عنـده تـذارف دموعـي
..........اخر رجل واقف على قبـر نـواف



صح لسانه
صح لسانه
صح لسانه
اشهد بالله انها مرثية فعلت بي ما فعلت مرثية مشعان البراق ..


لاهنت على النقل .. وبيض الله وجهك ووجه وليد ..


رحم الله نواف
رحم الله نواف
رحم الله نواف

صح لسان العمودي
وسلمت يمناك يخالد
اشهد بالله انه رثاه وهو صادق
الله يرحمه

الله يرحمه ويسكنه الجنه


ولاحول ولاقوة الا بالله العلي العظيم ،،

اقفوا وانا عنـده تـذارف دموعـي
اخر رجل واقف علـى قبـر نـواف

ورب البيت انها تهز البدن

صح لسانه والله يرحم الشاعر نواف العازمي

اقفوا وانا عنـده تـذارف دموعـي
اخر رجل واقف على قبـر نـواف

يالله يالله يالله
ورب النعمة ان هالقصيدة والبيت ذا بالذات انها يوقف شعر الراس منها
الله يرحمه رحمة واسعة ويسكنه فسيح جناته ويلهم ذيب الصبر والسلوان فعلاً انها من اروع المرثيات واصدقها من رجل وافي فقد عزيز وغالي

لاهنت ياخالد

********

انا اشهد انك صدقت

الله يرحم نواف

ويحفظ ابو وليد (الوافي)

*********

صدقت والله


غيمار

الله يرحمه ويسكنه فسيح جناته ..
شكرا لك .. يابو نجد على إيراد هذه الرثائية الوفية ..!

.
.
تقديري ...لك

ايه ايه



والله ماعاد في قلبي شي اقوله ...

فقدنا نواف ... واللهم لا اعتراض ..

وابو وليد وافي .. وعسانا ما نفقده الا بعد عمر طويل

صح لسانك يا خالد ،،

يعلم الله

إنني منذ سمعت الخبر المحزن علمت أن وقعه سيكون كبيرا جدا على ذيب الشمري، فهو رفيق دربه وذيب شاعر الوفاء والإحساس

صح لسان ابو وليد

ورحم الله الشاعر الكبير نواف العازمي الذي فقدنا برحيله شاعر مبدع واحد رموز شعر المعنى

رحمه الله واسكنه فسيح جناته

وجزاك الله خير يا اخوي خالد

الله المستعان

هذا و الله القصيد اللي عليه الكلام
لاهنت يابو نجد
والله يرحم نواف و يغفر له و يتجاوز عنه

الله الله عليك يا ذيب

الله يمد بعمرك ويرحم نواف

بكائيه مؤثره لا حول ولا قوة الا بالله

.


.


ومشكور ياخالد الله يبيض وجهك

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عبدك وضيفك في مقـامٍ يروعـي = عن رحمتْك ماله وساطات واسعاف
يالله لاتحصـي عليـه الوقـوعـي = في ما نهيت.. وشفت والغير ماشاف[/poem]


الله يرحمه ويغفر له


ويرحم اموات المسلمين

ابو نجد
والله قصيده مؤثره
ولاحول ولاقوة الا بالله
الله يرحم نواف العازمي رحمة واسعه ويسكنه جنان النعيم
والله يحفظ ابو وليد والجميع

لاهنت

الله يرحم نواف
ويصبر ذيب
ولا هنت ياخالد





عزالله قصيده



وصدقت من احلى المرثيات

وفي حين صلينا عليـه بخشوعـي
وحطوه في قبرٍ فصال اربع اطـواف

اقفوا وانا عنـده تـذارف دموعـي
اخر رجل واقف علـى قبـر نـواف

يامن لحكمـك معلنيـن الخضوعـي
انت الكريم وتكرم الضيف لا ضـاف

عبدك وضيفك فـي مقـامٍ يروعـي
عن رحمتْك ماله وساطات واسعاف

يالله لاتحصـي عليـه الوقـوعـي
في ما نهيت.. وشفت والغير ماشاف

اللهم آمين

وعليكم السلام ورحمة الله وبركاته
صح لسان الشاعر ذيب الشمري
والله يرحم الشاعر نواف ويرحم اموات المسلمين اللهم آمين
لاهنت اخوي خالد على هالنقل الطيب