قال .. العتيبي .. يوم .. جمّل .. قافه
 

السلام عليكم

جابتني الحميّا وكتبت هذه الابيات .. ارجو المعذرة على كل حال.


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قال العتيبي يوم جمّل قافه =واعطاه من نبضه وحلو اوصافه

وكمّل مشاريع المعاني وابدع=ماهسّ ميقافه ولا محرافه

هذي عوايدنا نقول ونفعل=وعلمٍ نقرّه ما نتمّ خلافه

وقت اللوازم كلبونا واحد=نورٍ توحّد في الاثير اطيافه

ووقت السعه فينا وقار وحكمه=نلحق مزابير السحاب اطرافه

ضلعٍ تساما للسماء برجومه=ماهمّه اللي يدحمه باكتافه

في الارض إله شهره وساس وموقع =وفوق الغيوم الرايحه مشرافه

وياللي سمعت بنا ولا تعرفنا=أخذ الخبر من واحدٍ قد شافه

أنشد فيافي نجد عن ماضينا =ياما حمينا رقّته واكنافه

تخبرك عنّا فيه .. ذرّه .. ذرّه =طلنا سنامه ما بغينا اردافه

يوم انها بالهيمنه والسطوه=قدامنا كلٍ يعد احلافه

أعز بيرق في اللقاء بيرقنا=كم فارسٍ شافه ولدّ خلافه

ترعب عزاوينا قلوب عدانا=لا كبرت القاله على الحوّافه

ماقد طلبنا فزعةٍ من داني=إلا.. من الله .. فزعته وانصافه

دون الكرامة والشرف والجيره=للراس موس .... وللشنب نتافه

كم راس قومٍ قد كسرنا راسه=يوم انعمس رايه وهزّ اعطافه

ماصدق الا عقب راحت روحه =وامسى التراب فريّشه ولحافه

والله لو انه بالوفاء جاورنا=لنجمّله ولنحتمي ميقافه

لانا رجالٍ ما نخون الجيره=ونفوسنا وبيوتنا مضيافه

لكن تدهور حظه وقاشرنا=وحنا على الاقشر سواة الآفه

هذا قبل وقت الرخى والوحدة=يومٍ كلٍ قوته مجدافه

يوم القبايل بين نار وعجّه=وكان الزمان يحدها بعجافه

واليوم في ظل الشريعة ننعم=نذعن لواجب ربنا ونخافه

في اغلى وطن بقيادته وبشعبه=الدين لبّه والأمان غلافه[/poem]

وسلامتكم

صح لسااااانك يابن هريس


وعسى الله انك تجمل قافك ويجملك


لك الود

ابن هريس

والله ونعم

ولاتكفي

وقافك يجملك على قولة سلطان

سلام

قاف يبيض الوجه


صح لسانك يا بن هريس

ومليووووووووووووووووووووووووون نعم


تقبل مروري

سلطان الاسيمر

صح الله بدنك ..

وابشرك طال عمرك ان قافي مجملني على كل حال

لاهنت على مرورك الجميل

صح لسانك وبيض الله وجهك



وافيه وأنت وافي


الله يحفظك

مطلق المطيري
ونعم بحالك يالقرم

مرورك يزيدني شرف

لاهنت

صح اللسانك
وبيض الله وجهك
:)

بيض الله وجهك وصح لسااانك ياصالح بن هريس

والهيلا يستاهلون الناموس

أبن هريس

صح لســـانك

وافي وعتيبه تستاهلَ

لاعدمتك

محمد السميري

صح الله بدنك .. ومرورك اروع لا عدمتك

لك التقدير والاحترام

الغالي

صالح بن هريس
___________


صح لسانك __

كفو ومليار نعم بك وبلابتك


____________

صالح بن هريس


صح لسانك يالجزل


نص كايف لاهنت



كل التقدير

عدنان مرضي

ووجهك ابيض يالغالي
صح الله بدنك ... ولا عليك زود جعلك تسلم
تشرفني دائماً متابعتك

لاهنت

عبدالله بن شايع الزهيري

صح الله بدنك يالغالي

وماعليك وزود .. ولاهنت على مرورك واطلاعك

تحياتي

وقـت اللـوازم كلبـونـا واحــد
نورٍ توحّـد فـي الاثيـر اطيافـه
ووقت السعه فينـا وقـار وحكمـه
نلحق مزابيـر السحـاب اطرافـه


كفو كفو

وصح لسانك ياصالح على هذا التواجد الابداعي

محبتي واحترامي

اخوك

عبدالله الرقيب

صح الله بدنك

لاهنت

محمد مشوط

صح الله بدنك

ولاهنت على المرور يالغالي

سلمان المقاطي

ووجهك ابيض يالغالي

صح الله بدنك ... ولاهنت