تعبنا وتعّبنا اكثر الوقت بالتفكير
تحيه طيبه للجميع
قصيده متواضعه للتواصل اتمنى ان تنال الرضى ‘‘ ‘‘ ‘‘ ‘‘ ‘‘ . [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] تعبنا وتعّبنـا اكثـر الوقـت بالتفكيـر=نـداري هواجيـسٍ كبـار ٍ مطالبـهـا نسخّر بنات الفكر في خدمة التصويـر=والى كبـرت القـالات قمنـا بواجبهـا ونسرج خَيال ٍ مابعـد خانـه التعبيـر=ينومـس رياجيـل ٍطـوال ٍ شواربهـا واذا ابطت ماجات الكلمه اللي لها تاثير=نلـوم القريحـه والمشاعـر نعاتبـهـا لونّا بعض الاحيان نستخـدم التشفيـر=على شان مايدريبهـا غيـر صاحبهـا وغلطنا وحاسبنا الليالي على التقصيـر=وسود الليالـي تتعـب اللـي يحاسبهـا نحسب الليالي غير واثر الليالـي غيـر=وضـاع الحسـاب ونكّلتنـا مصايبهـا مع الوقت ابو نفس ٍ عزيزه وقلب بعير=وقـوم ٍ يصاحبهـا وقـوم ٍ يحاربهـا غدينا من اللي صار واللي بعد بيصيـر=ضحايـا عقـول ٍ ماقدرنـا نخاطبهـا لو انها حلوم ٍ مايحصّـل لهـا تفسيـر=ولاضـاع مخطيـهـا ودلّ صايبـهـا على الهون يانفس ٍ رضاها بمد شعيـر=وهي من زعلهـا مابعـد لان جانبهـا ترى العاقل اللي لانسى مايبي تذكيـر!!=يـدوّر لنفسـه لارضـي مايناسبـهـا لو ان الفخر نقش ٍ يزيّن جناح الطيـر=لقينا الحـرار نقـوش حتـى مخالبهـا وحنا ليا منّـا تركنـا الامـور تسيـر=فلاحـد ٍ موديهـا ولاحـد ٍ بجايبـهـا لاكنّا ليـا منّـا بغينـا العقـول تحيـر=حضرنا !! وحاضرها مايمهل بغايبهـا نجيب الصحيح اللي مايحتاج دهن السير=ولوّ اكثر العربـان ماهـوب عاجبهـا بعزم ٍ ماهو بشوي وهم ٍ ماهو بصغيـر=وطينا على حيّـات الارض وعقاربهـا نمـاري بمجـد ٍ ماورثنـاه بالتزّويـر=لنا في مشـارق الارض والاّ مغاربهـا نخاوي هل الخوّه على الطيب والتقديـر=ولانرخص سلـوم الرجـال ومذاهبهـا والى بان من خافي نوايا العرب تغييـر=ماضاقت علينا اللي وسـاع ٍ مناكبهـا وكل ٍ على الدنيا يسـج القـدم ويسيـر=هذا حاش موجبها وذا حـاش سالبهـا ومن قال في الدنيا (ترى ماوراها خير)=فانا اشهد شهادة صادق انّـه مجرّبهـا [/poem]‘‘ ‘‘ ‘‘ ‘‘ ‘‘ ‘‘ وسـلامـتـكـم |
الله الله الله
وماشاء الله تبارك الوهاب المتواضع والله انت يا بن شفلوت قصيده من درر الشعر عز الله محكمه ومليئه بالحكمه والبدع الفذ نجيب الصحيح اللي مايحتاج دهن السير ولوّ اكثر العربـان ماهـوب عاجبهـا الاكيد ان من يبحث عن الشعر الحقيقي ستعجبه هذه الدره صح لسانك مدد بلا عدد ،، .. |
لله درك من شاعر ,,
|
الشاعرسعد بن شفلوت
صح لسانك ملايييييييييييييييين يابومناحي قصيدة جزله من شاعر عودنا على الجزاله تقبل تقديري |
نجيب الصحيح اللي مايحتاج دهن السير
ولوّ اكثر العربـان ماهـوب عاجبهـا بعزم ٍ ماهو بشوي وهم ٍ ماهو بصغيـر وطينا على حيّـات الارض وعقاربهـا سعد بن شفلوت وجهك ابيض .. وابداعك لايختلف عليه اثنان ! صح لسانك :) |
اقتباس:
:thisup: اعد القراءه وسوف تجد ردي الشافي لأن هذه القصيده اكبر من الاطراء والكلام وحتى صح لساااانك قليله بحقها مرور لأستمتاع بهكذا نزف |
اررررررررحب يا سعد
صبحك الله بالخير يا الغالي صح الله لسااانك ولاهنت يا المبدع اشهد بالله انك ابدعت سلمت يمناك تحياتي اخوك خالد بن سكران |
صح السانك مبدع
شعر اصيل |
اقتباس:
الله الله الله الله يبو مناحي قصيدك درر وانت ذهب وفي كل تواجد لك تدهشني وتؤكد لي مثل ما تؤكد للجميع ان الشعر بخييييير صح لسانك لين ترضى وتقبل تحيتي واعجابي واعذر تواضع مروري اخوك |
واذا ابطت ماجات الكلمه اللي لها تاثير
نلـوم القريحـه والمشاعـر نعاتبهـا لونّا بعض الاحيان نستخـدم التشفيـر على شان مايدريبهـا غيـر صاحبهـا الجزل والمبدع سعد بن شفلوت صح الله لسانك وبيض الله وجهك يالذيب عز الله انك كل قصيدك يطرب الراس ويستلذ به القاري مبدع ياسعد |
سعد بن شفلوت
صح السانك مليون ولا يكفون تقبل تحياتي |
سعد
صح لسانك ولاهنت عزالله ابدعت واجدت ولاهو بغريب ٍ عليك اي والله دمت بخير وانا اخوك ودام تواصلك الطيب تقبل خالص احترامي وتقديري |
B
الله يسرك ولا يضرك يا بن شفلوت عز الله انك شاعر ما تحتاج شهاده والقصيدة ذي كفيله باللي قلته ولا عندي لك اكثر من صح الله السانك ولالالاهنت كل التقدير اخيك : العجمـــ بـــــدر ـــي...@@ B |
ومن قال في الدنيا (ترى ماوراها خير)
فانا اشهد شهادة صادق انّـه مجرّبهـا اي بالله .. صح الله لسانك يا بو مناحي .. و لا هان راسك يا الجزل .. عز الله انّ قصيدك جزل .. و حضورك رائع .. تقبل مروري المتواضع .. دمت بخير .. * * * |
اقتباس:
الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله سعد بن مناحي بن شفلوت قصيده من القصائد التي تخلد في ذاكره الشعر النبطي لاجد ما اقوله امام هذه المعلقه لله درّك لله درّك ياسعد اعجابي ومحبتي أخوك |
الله الله
والله انها تروي اللي ضامي شعر لله درك يابن شفلوت اعجابي منذو مبطي غيمار |
ارحب ياسداح
مرور مثلك وشرواك هي المكسب وشهادته اعتز فيها تسلم ولاهنت لاعدمتك |
اقتباس:
من حقي نسخها وحفظها في المفضلة صح لسااااااااااااااااااانك حتى ترضى لله درك ياسعد عز الله شاااااعر ومبدع ولا انت في حاجه شهادتي ولكن تقبل اعجابي وتقديري مع أجمل تحية أخوك |
نحسب الليالي غير واثر الليالـي غيـر
وضـاع الحسـاب ونكّلتنـا مصايبهـا يا سلام صح لسـانك رااائعه لاهنت تحيتي |
.
ابو مناحي والله انها فووووووق التعليق بس لي ملاحظه : لو انها حلوم ٍ مايحصّـل لهـا تفسيـر ولاضـاع مخطيـهـا ودلّ صايبـهـا اتوقع ان الشطر الثاني في خطأ مطبعي ( دل = ولادل ) مدري انا مصيب والا ما عرفت انطقه . |
ابن شفلوت
كالعاااادة كالعاااادة وفق الله ,, صح لسانك . |
نحسب الليالي غير واثر الليالـي غيـر
وضـاع الحسـاب ونكّلتنـا مصايبهـا سعد صح لساااانك هنا ابداع ابداع هنا نص غير تقبل كل التقدير |
| جميع الأوقات بتوقيت GMT +3. الساعة الآن 01:41 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية