وقفة مع شاعر (1) والشاعر العذب حمد بن صالح
 

حمد بن صالح شاعر جميل يجيد الكتابه فنان بأبياته روعة إبداعه تجبرك الوقوف عند قصائده خرج من شاعر المليون وخيره بأذن الله خروجه ليس نهاية المطاف وليس التوقف عن الإبداع خسر البرنامج لكن ملك قلوب العديد من المشاهدين له ابيات بل قصائد يحفظها الكثير من ابداعاته التي لاتتوقف عند حد معين

لدية قصيده من أجمل ماقرأت وهي قصيد ( الوداع )

[poem=font="Simplified Arabic,4,blue,normal,normal" bkcolor="transparent" bkimage="" border="double,4,red" type=1 line=0 align=center use=ex num="0,black"]
الليله الليله بغيت اموت من حر الوداع"="حتى صلاة العصر مرتني ولاصليتها

واستغفر الله من كلامٍّّّ لايقال ولايذاع"="يارب لاتغضب وتغفرلي الى عديتها

اخاف من يومٍ يظيق الكون من عقب اتساع"="واخاف ربي لا يحاسبني الى مديتها

لكن عندي مشكلةخرسٍ مظاليلٍ وساع"="عيت تخليني على الدنيا ولا خليتها

مريتها عاما ثنيه ودعست بيتي رباع"="ياليتها مامرت البارح ولا مريتها

من حبها كن ماخلق غيري على الدنيا شجاع"="لو دربها جمره وطتها الرجل ماحسيتها

اسوق عمري في رجاها لو تعشاني السباع"="شي اشوف لفتتها وشارع بيتها

اظما لهافي ذمتي ذمه وطاريها متاع"="حتى اسمها يزيد في روحي الا سميتها

لا ابطيت منها ضقت من ثوبي ومن شتا البقاع"="وترد روحي كل مانادت علي واوحيتها

والى سمعت اسمي يفز القلب ويجيه اندفاع"=" ماكني اسمعها والى عادت لسم لبيتها

والله لو انها جمرةٍ حمرى يخالطها شعاع"="اني قبل لااعرف مدى تأثيرها ظميتها

هذا غلاها كل يوم وكل ليله في ارتفاع"="يعني غلاها جابه الله لي كذا واغليتها

وان قالو العالم روايا الحب مافيها استماع"=" يمكن تجاوبهم صدى الونه الى ونيتها

وان قالو ان الحب ضيعه والسبب في الانصياع"="قلت المحبه مايعذربها الى ذميتها

ان كان حبي صار ضيعه قلت ياحلو الضياع"="لا والله الا ضاعوا العالم وانا دليتها

دليت لي شيخةجمال وعرف واسناع وطباع"="واقول اجل منا بحبه كان ماحبيتها

هذا قراري والقرار الصعب يعطي الاقتناع"=" ماعاد ينفع به ياعل او ياعسى او ليتها

غير اعذروني لو غدى موتي على سبه وداع"="النفس لو اقدر عليها من عصر رديتها

روحت انا ويا همومي من صراعٍ في صراع"="حتى صلاتي قد بغيت اسج ماصليته
ا[/poem]
وله ايضاً

[poem=font="Simplified Arabic,4,black,normal,normal" bkcolor="transparent" bkimage="" border="double,4,blue" type=0 line=0 align=center use=ex num="0,black"]
انت كانك فيك رحمة وقلبك فيـه خـوف"="خاف ربك مـر كبـد الضمـان وبلهـا
لاتعلقها على الوقت وحساب الضـروف"="الضروف اطلب عزيز الجـلال يحلهـا
لو تجاهل جرح واحد وخليتـه يطـوف"="ويش عذرك وانت سبة جروحـي كلهـا
لامتى وانـا عيونـي تحـرى للقنـوف"="لا وصلني من مطرهـا ولا مـن ظلهـا
لامتى قلبي يعـذرك وتقنعـه الحلـوف"="كل ما قلت انتهى الصبـر قـال امهلهـا
كان به عقب التعب شي باقول مخلـوف"="البـلا تقفـي عليـك السنيـن بدلـهـا
ما على الدنيا وأهلها الى راحت حسوف"="الحسايف موت نفـس الشجـاع بذلهـا
انتضرتك لين مليت من طـول الوقـوف"="ما بقـا الا دمعـة ٍ مـا قـدرت أهلهـا
الدموع اتنقص الرجل وسلاح الضعـوف"="ما تناسبنـي ولانـي علـى درب ٍ لهـا
وانت تدري كل نفسٍ على الدنيا عيـوف"="لو تجامل عام عامين مـا يحصـل لهـا
كل ما فكرت احدك على الفرقى وسـوف"="اقنع النفـس وتناسـا طـرى طارٍلهـا
في رواية عارفـه أو روايـة فيلسـوف"="من يدور حاجته يتعـب وياصـل لهـا
والتعب يقضي على النفس وتمل الشفوف"="لـو يطـول يصيبهـا بالملـل ويعلهـا
كان ما صدقتني التفـت فينـي وشـوف"="شوف حالي مـن دروب العنـا ياملهـا
وانت مشغلتك عيونك وخـدك والكفـوف"="وان سألتـك قلـت قـل للقصايـد قلهـا
ليه والترتيب الاول على كـل الصفـوف"="من جمالك تستريح البنـي احسـن لهـا
بس لو انك تحط النقط فـوق الحـروف"="والنواقص كل ما تنقصـك تفطـن لهـا
كان عطرت المشاعر وجريت الضيوف"="واستفزيـت القصايـد وجـات بحلـهـا
وكل بيتٍ ما يجيلك على الذوق محـذوف"="ليـن اصفيهـا علـى رغبتـك وازلهـا
انت ما تشبه منايـر ولاتشبـه ريـوف"="خل هذي غيـر عنهـا وهـذي خلهـا
يا بعد هذي وهذي ويـا بعـد الالـوف"="انت من ما تت عليـه الصـدور بغلهـا
مرتكي لك في وسط جوف ومغطيه جوف"="مستريـحٍ بيـن دق الضلـوع وجلـهـا
تحتك فراش الكرامه وفوقك فرو صـوف"="ان بغيـت اتشلهـا وان بغيـت اتفلهـا
ولو بكيفي ما تشاهد خسوف ولا كسوف"="لاتراسلـك الاوادم ولا تـرسـل لـهـا
غيرداو جروحي اللي من اسبابك وروف"="لا تقول انه ما يوجـد لديـك ادوىٍ لهـا
من سواتك صار قلبي معرض للصدوف"="كل ما حلت مصيبـه طلـع زبـن الهـا
والعرب لو في يديها تقاريـر وكشـوف"="كان ما راحت اتحـط العـرب وتشلهـا
ما يحس بلوعة العشق والعشق معـروف"="كون من روحه خيـوط الغـرام اتلهـا
هذا انا عذبت نفسي على جـرة هنـوف"="متعـب اقدامـي علـى دربهـا لعلهـا
ليه لا وانا الى من تذكـرت الوصـوف"="اتذكـر مهـرةٍ وصفهـا وصـفٍ لهـا
مهـرةٍ خيالهـا مـا تعديهـا السيـوف"="لـو يبيلـه ديـرةٍ فـي شـوي احتلهـا
ليتها ماهي تعـذر وتبعدهـا الضـروف"="وليتها ما هي بسبـة جروحـي كلهـا
[/poem]

[poem=font="Simplified Arabic,4,red,normal,normal" bkcolor="transparent" bkimage="" border="groove,4,blue" type=2 line=0 align=center use=ex num="0,black"]
الليل موحش لارفيق ولا صديق ولاونيس"="مافيه من يسعد مساك بخير ولا تسعده
حتى الرفيق اللي تنومسبه وتختاره جليس"="اقفا عليه الحظ من جور الليالي وابعده
امسيت وين امسيت ليه امسيت ياليل الخميس"="واللي سراك بخير لكن طول مسراك جهده
واللقمه اللي تبلش الحنجور والحظ التعيس"-"ان ماكلاها الذيب عداها على ضرس ولده
والطيب يزرع في مكان الطيب ماهو فالخسيس"="اللي ليا ضاقت عليك الارض باعك وجحده
والله مدري ويش اقول اقول يالعبة ابليس"="اشوفها وحده على لسانه والاخرى في يده
عرضت نفسي للتعب واشقلني الدر النفيس"="واقول بكره لا بعد بكره ولالا اللي بعده
ماكني اعرف ليلة الجمعه ولا بشت العريس"="ولاكني اعرف ليلة الفرقى عذاب الافئده
لاكن فمان الله ياشيٍ وسط صدري حبيس"="جعل العيون تشوف عثراته قبل ماترصده
في ذمتي ذمه ماعاد ابكي على ليلى وقيس"="الا بغمض جفن عيني واشكر الله واحمده[/poem]

بعد هذه القصائد الرائعه نجزم بأنه شاعر حقيقي شاعر عذب وله أسلوب جميل في حبك وسبك القصيدة بطريقة قصصية رائعة ويتسم شعره بالمصداقية والتهاب العاطفة التي تتجلى في التجربة الشعرية الناضجة والأسلوب غير المتكلف وقد طرق جميع أبواب الشعر الشعبي وكان تركيزه على جمال الفكره وروح المعني وبعد قراءات هذه القصائد وجدت انه لايكتب القصيده الا بإحاسيس صادقه ويبقى حمد صالح هو الشاعر الذي يكتب بكل شفافيه .. ويكتب باحساس صادق تأهلت الى الملايين من المحبين وليس الـ 48 وانت سكنت في شواطئ قلوب محبيك لاشاطئ الراحه ستظل مميز بحظورك شاعر وكاتب يغريك جداً على متابعته وقراءة كل ما يكتب لانه شاعر عذب .. رقراق .. جزل .. مدهش .. مختلف .. تلقائي ... عفوي .... سلم لنا فكرك الراقي .


ملاحظة :- قد يكون كلامي إطراء ولكن هذه هي الحقيقه ويستاهل الشاعر العذب حمد بن صالح كل خير ..

:
:

ياسلام .. !!
ياسلام .. !!
ياسلام .. !!

على (( الوفاء )) والأنصاف .. !!
وقفة جميلة مع شاعرية أجمل .. !!

كل التوفيق لك .. ياصديقي .. !!
أنت والشاعر حمد صالح .. !!


:)

.

شاعر يستحق الوقفه فعلا

.

وقفه منصفه لشاعر مميّز ومتألق
نتمنى له التوفيق والنجاح
باذن الله



الف شكر يابو مبارك

ونعم الشاعر المبدع

يستحق هذه الوقفه والإضاءه المميزه


وفقه الله


ولاهنت يا بو مبارك ،



..

شاعر يستحق الوقفه



شكرا ابو مبارك

علي مبارك...

ذات جلسه كنا نتجاذب اطراف الإعلام و الإعلاميين .. و اخذنا
السياق الى الإعلاميين البارعين في صناعة الخبر و اقتناصه
فأذكر ما اذكره من كلامي ان علي مبارك شعلة صحفي متّقد
لديه اسلوب واعي و متطور في طريق الصحافه الحديثه و كيفية
صناعة الخبر دون تكلّف و بأسهل الطرق لإيصال الماده الى قارئها..


و في هذا المساء يعبق هذا المتصفح بجمرة شاعر الهبت كمبودية الصحفي
لنستنشق مادةً زكيه تجلا بها هذين الشخصين ( الشاعر ) و ( الصحفي )..

ليس أروع من الأول سوى الثاني و العكس يسير في الإتجاه الصحيح...


حمد بن صالح شاعر يلامس قلوبنا بأدواته الشعريه المتميزه و مفردته السهله
و صوره المشبعه شعراً .... له كل الدعوات بالتوفيق و هو أهلٌ لهذا المتصفح
و هذا التنوير الذي قام به المتميز علي مبارك... و الذي استطاع ان يجلب من
البحر ابهى درره و اجمل لآلئه بذائقة صحفي شاعر متمكن..


تحياتي للجميع

ابو حمد الرائع اشكرك على ماخطته اناملك الرائعه يااعز اصدقائي

واسف على التأخير بالرد

لاهنت

عدنان مرضي

لاهنت ياصديقي على تواصلك

مرور مميز لاهنت ياالحصين

لاهنت ياسداح على المرور واشكرك

مسؤلنا الإعلامي حياك الله ولاهنت على تواجدك المثري الطيب

شكراً استاذ فالح على مرورك


ولاهنت

الاستاذ شفق السريع فخور جداً انني وصلت الى ذائقتك الرائعه

وعندما يتحدث اعلامي بمرتبة الاخ شفق وهذا دليل النجاح

وقد يكون ايضاً بمنظور المحبة التي تربطنا


اخي شفق ان صناعة الخبر والله شاهد على مااكتبه الان

هو انك خير من يصيغ الخبر


ولاهنت على الشهاده التي اعتبرها وسام وهذه حقيقه

وليست رياء او مجامله لاهنت لاهنت

وسعيد بكل حرف كتبته ولنا لقاء معك قريباً من خلال مرقاب الصحافه :)

:)

انا شهادتي يقطر دمها

لكن علي مبارك بعد شهادتي فيك يقطر دمها



لذلك


السلام عليكم ورحمة الله وبركاته

^
^
^

وشهادتي فيك ايضا يقطر دمها وتدمي اتجاهك:)

يستاهل بو صالح




شاعر ورجال وسنافي





وشاعر المليون مهوب مقياس للشعراء والشعر




ابو صالح ظلم في الاعلان في التلفزون وظلم يوم ما اختير من ضمن الـ48


وبيعوضه الله با اخير منههم



تحياتي

لبو صالح ولبو مبارك


واقدع سلام ياقدع :)

^
^
^

ابن شباب انت طيب وقرم واسنافي وشاعر وكل علم طيب محتويك



لاهنت وبيض الله وجهك على المرور

ولاعاد تغيب ترى لك وحشه ماهي بسيطه جعلك ماتشوف وحش :)

سم طال عمرك