يا كثر لوحات التهاني بالأعياد
السلام عليكم ،
لاحظت هذه الايام كثرة لوحات التهنئه بالعيد السعيد عند إشارات المرور من شخصيات مهمه ! خويطره قد لا تكون شعر بقدر ماهي رأي لا اكثر .. يا كثر لوحات التهانـي بالأعيـاد اللي تحيينـا علـى كـلّ إشـاره هذا .. مثبّتها على الأرض بأوتـاد وهذا .. ربطها في عمود الإنـاره تجمّعوا صدفه على غيـر ميعـاد نـاس ٍ تعايدنـا بنفـس العبـاره فيهم عضو سابق بعد ما رسب عاد يعـاود الكـرّه ويخلـف مسـاره وفيهم عضو حالي ولاعنه نشّـاد وبكره يحطوّنـه وزيـر الـوزاره وفيهم جديد الوجه وثيابـه جـداد يكبـرّ الصـوره ويرفـع شعـاره زفواّ تهانيهـم مجاميـع وأفـراد وعسى البلد ينعم في ظل ازدهـاره بالمصلحه ماهيب بالملـح والـزاد لو بعضهم ما سرّ ضيفـه وجـاره يومين والثالث ولوحـات الأجـواد تمسي وتصبـح نكبـة ٍ للحضـاره ثم عاد دوّرهم بعد ما أخلوا المـاد وأن دار راس الحول جوك النّماره سيناريو في كـلّ الأعيـاد ينعـاد صارت مفاهيم التهانـي تجـاره ! أثر النفـاق الإجتماعـي ليـا زاد عجّـل بفقـع الزايـده والمـراره بانت على ما قيل والسلـك منقـاد ولا ضيّع الشطّار غيـر الشطـاره أقولها صادق على روس الأشهـاد رد ٍ على بعض التهاني خسـاره ! وسلمتوا ،، |
زفواّ تهانيهـم مجاميـع وأفـراد
وعسى البلد ينعم في ظل ازدهـاره بالمصلحه ماهيب بالملـح والـزاد لو بعضهم ما سرّ ضيفـه وجـاره صادق صادق صادق لله درك يادكتور الشعر ! وصح لسانك :) |
أثر النفـاق الإجتماعـي ليـا زاد
عجّـل بفقـع الزايـده والمـراره بانت على ما قيل والسلـك منقـاد ولا ضيّع الشطّار غيـر الشطـاره أقولها صادق على روس الأشهـاد رد ٍ على بعض التهاني خسـاره ! الله الله سداح ,, من اهم رموز المرقاب الشعريه ,, والله ياسداح اني اخجل اني ارد على قصيده لك او اشيد بها !! لانها فوق اشادتي او ثنائي !! بس ثق تمام الثقه انك شاعر اذا كتبت تروي ذائقة المتابعين لك ,, صح لساااااااااانك الى مالا نهايه ,, |
الله الله الله
الدكتور سداح سجل اعجابي ومتابعتي في كل حالاتك مبدع توقعنا منك عيدية المرقاب غزل صح لسانك تحياتي واعجابي اخووووووووك |
أقولها صادق على روس الأشهـاد
رد ٍ على بعض التهاني خسـاره ! عزالله صدقت يا دكتور صح الله لسانك ولا هنت يالغالي لك كل الود والأحترام :) |
هالتكنلوجيا الى الان ماجتنا لكن عشت وضعكم وانا ماشفته من خلال ابداعك وطرحك الجميل يادكتور
صح لسانك عدد لوحات التهنئه ياسداح :) |
اشهد بالله .. ان ما دار في راسك انه موجعني في راسي :(
ياخي اول مره احس التهاني اهانه !! لله درك يا دكتور .. ولله در الفكر المدرك والناضج اعجابي الدائم اخووك |
لله درك يادكتور
وهذولا الله لايبلانا معنيهم الله صح لسانك ملايييييييييييييييييين وكل عام وانت بخير |
اربع مرات بغيت أجيب العيد بالعيد من اسباب لوحات الاخوه المناضلين :)
سداح ياخي بعضهم حاط صورته وعيونه عيون سروق هههههههههه الله يدفع البلا المفروض بعض المناضلين اللي يحطون صورهم يكتبون تحت الصوره بدنا مصاري ههههههه الاسدح صح لسانك وعسى الله يحفظك ويخيلك ذخر للمرقاب والساحه الشعريه تقبل دعابة اخوك وتقبل مروري يالامير وماعليك من بعض المناضلين :) :) |
سلا متك من
الزايده والمراره والنفاق الإجتماعي .. شر لابد منه في هذا الزمن المبدع القدير / سداح لا جديد .. مبدع يعكس لسان حال المجتمع ويصور كل مايهمّ المواطن .. بإبداع راقي |
مرحبا مليون الله يحييك هالصوت وراعيه
كل عام وانت والمسلمين بخير عيد مبارك أثر النفـاق الإجتماعـي ليـا زاد عجّـل بفقـع الزايـده والمـراره حتى الجلطات من اهم مسبباتها النفاق القوي والله مالك لايم ياسداح وهذي جايه من قلب صح لسانك دمت بخير |
أثر النفـاق الإجتماعـي ليـا زاد
عجّـل بفقـع الزايـده والمـراره سلامتك والنفاق الله يحفظنا منه قصايدك خفيفه وثقيله بمعناها وجودتها وانت فوق مستوى المدح يا دكتور صح لسانك عدد لوحات التهنئه ودمت لشعر |
أثر النفـاق الإجتماعـي ليـا زاد
عجّـل بفقـع الزايـده والمـراره أشهد باللة أنك صادق ياسداح ومايفقع المراره ويهيج القولون !! الا لوحة اللي مابعد سمعنا بذكرة ولاأسمه وأذا نشدنا عنه محد يعرفه .. ..أعتقد أن (الخطاط) مشروع تجاري ناجح خصوصاً بعد انتشار هذة الظاهره الغبيه !! سداح صح السانك مدد بلا عدد ولاهان راسك على ذالابداع تقبل مني صادق الود |
سداح
صح السااااااااااااانك مدد وكل عام وأنت بخير أخوك |
أقولها صادق على روس الأشهـاد
رد ٍ على بعض التهاني خسـاره ! صدقت ورب محمد .. :) عزالله إنك أقديت فيهم .. وصح لسانك على هـ المعبره .. :) تحيتي وإعجابي ، |
أثر النفـاق الإجتماعـي ليـا زاد
عجّـل بفقـع الزايـده والمـراره ربي وربك الله الله يقيك من كل شر |
ياكثر حبي لقصيدك
وياكثر شوقي لجديدك وياكثر متابعتي لك وياكثر اعجابي بحروفك الذهبية وياكثر ما يحتويه صدري من تعليق ولكن تعرف مايكنه صدري لك لذا أكتفي بمروري وتسجيل اسمي مع أجمل تحية اخوك |
صح لسانك يادكتور
وكل عام وانت بخير سلامي ومتابعتي |
.
صح لساااااااااااااااااااااااااانك يا دكتور وخوش تهااااااااااااااني . |
الدكتور
صح لساانك حتى ترضى مبدع مبدع مبدع |
،
صادق الله لا يلجمك قل امين ويكفينا شر هالنفاق اللي ما وراه الا فقع المراره صح الله السانك يا ذيبان ولالالا هنت هذي والله عوايدك دايم وانت في المقدمه لا عدمناك والله وكل التقديري لك ، |
سيناريو في كـلّ الأعيـاد ينعـاد
صارت مفاهيم التهانـي تجـاره ! لله واكبر على هكذا وصف.. فعلاً اصبحت هذه المفاهيم تجاره ..ولي تجاره ضحك على الذقون وخاسره.. هذا مانريد ياسداح.. هذا الشعر ولا .... |
| جميع الأوقات بتوقيت GMT +3. الساعة الآن 10:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية