( سمحات الخدود )
 

السلام عليكم

اسعد الله جميع اوقاتكم
اليكم هذه المتواضعه وعسى ان توفّق في نيل الرضا منكم





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله جعل الخيال اللي مزونه زبر=برقه يزيل التعب والحزن والاكتأب
اوايله كنّها ترسل قنوفه سبر=مبشّره بالطمع في مقدمه والعقَاب
معه الرياح اللواقح تدفعه من دبر=وانفكّ لمريّضات المزن من قدم باب
وامسى يدرّج كما عودٍ لحقه الكبر=في ليلةٍ بدرها غايب يدوّر زهاب
تفرح به الارض عقب انّ الزمان الغبر=ركّب عليها الدهور , وشان وجه التراب
واليا زما السيل والعساس جاب الخبر=قرمٍ , تفرّق على سبلاه شيب الشباب
وكّد وركّد علومٍ للخواطر جبر=تبهج صدورٍ نصبها زاد فوق النصاب
يازين تلّ العشاير ناحراتٍ حبر=مرتع ومدهال سمحات الخدود العِراب
سودٍ عراض الجنوب معكرشات الوبر=لافرق من روس اذانيهن وروس الحراب
مايشبعنّ الطيور معالفات الهبر=في مايمتّعهن الله من طوال الرقاب
ارقابهن معطيتهن عنفوان وكبر=ماكان اسميّهن الا , ناطحات السحاب
الوحّده جنبها مادون ثامن شبر=سفينةٍ قنّعت سود الغراير ثياب
زود السنام ارتكتله بالفقار الجبر=من كثر ماهوب فاهق للظّهر بانسياب
ماللنظّر دونها صدّه ولا ينصبر=عنها , وهي مع هواها في ذهاب وأياب
وان وقّفوها على الكبري عشان تعبر=لو انّ قدامها موج البحر ماتهاب
البل , ولله في خلقه شؤون وعبر=آيه وفي خلقها مضرب مثل فالكتاب
يوم انّها فالسنين الماضيه ,, يعتبر=في روسهن روس الاموال ومعزّة جناب
كم سجّلت من ضحاياها شيوخ وجبر=من دونهن دافيات الدّر حلو الشراب
مراجلٍ ماتحاش الا بعزم وصبر=الله يجازي من أكرمها بجزل الثواب
طراتها زال ماحِطّ الفتى فالقبر=طرد الحيا بالبكار العرب جرد الرقاب[/poem]

1

وصف من ابلغ و اجمل ما قيل في وصف الخيال و البل عطايا الله ..

حاتم البراك

لازلت تبهر الجميع بحضورك ولا زال الشعر معك يرفع راسه فوق ..

لله درك و صح لسانك مليون ..

يحق للمرقاب و الشعر ان يفتخر بك ..

وفقك الله و زادك من زوايد فضله و نعمه ..

سلامي و احترامي ..

..

أكثر ما يقلق المبدعين عند شروعهم في كتابة إبداعهم - بشتى أنواعه - هي البداية الغائبه مع حضور النيّه !
مفتاح الإسترسال هو ما يشغلهم ..

شاعرنا المبدع هنا صنع من الذهب الخالص مفتاحا لباب هذه الدرّه ..


يالله جعل الخيال اللـي مزونـه زبـر
برقه يزيل التعـب والحـزن والاكتـأب

في الشطر الأول دعاء إستهلالي نواتج إستجابته بأمر الله سبحانه كانت محصوره في الشطر الثاني



اوايلـه كنّهـا ترسـل قنوفـه سبـر
مبشّره بالطمع فـي مقدمـه والعقَـاب

وصف مبتكر لمقاديم ذلك المطمع ( الخيال )


معه الرياح اللواقح تدفعـه مـن دبـر
وانفكّ لمريّضات المزن من قـدم بـاب

إضافه مبتكره من دبر ومن قدم ! كم يظهر ذكاء المبدع هنا



وامسى يدرّج كما عـودٍ لحقـه الكبـر
في ليلةٍ بدرها غايـب يـدوّر زهـاب

لم أقرأ في حياتي مثل وصف هذا التدرّج البليغ



تفرح به الارض عقب انّ الزمان الغبر
ركّب عليها الدهور , وشان وجه التراب

وهذه الفرحه من دواعي زوال التعب والحزن والإكتئاب المعلقه في المفتاح الذهبي أعلاه ..



واليا زما السيل والعساس جاب الخبـر
قرمٍ , تفرّق على سبلاه شيب الشبـاب

بدأ الشاعر ببلورة تأكيد حدوث ما تمناه ومن تفرّق على سبلاه شيب الشباب وهو قرم فمن المؤكد أنه ( يجيب العلم :) )



وكّـد وركّـد علـومٍ للخواطـر جبـر
تبهج صدورٍ نصبها زاد فوق النصـاب

بدأت الخواطر تسفهلّ والصدور تبتهج والغيث وكاد ولعل (( نصبها زاد فوق النصاب )) تعطي دلاله على طول الدهر !!



يازيـن تـلّ العشايـر ناحـراتٍ حبـر
مرتع ومدهال سمحات الخدود العِـراب

يا زين مدهالهن ومرتعهن رغم ان القاف ( ابر ) لم يكن الاختيار - ما ناحرن له - عشوائي لحكم القاف !



سودٍ عراض الجنوب معكرشات الوبـر
لافرق من روس اذانيهن وروس الحراب

بدأ الأسترسال الوصفي الدقيق لعطايا الله .. وماشاء الله



مايشبعـنّ الطيـور معالفـات الهبـر
في مايمتّعهن الله من طـوال الرقـاب

ارقابهـن معطيتهـن عنفـوان وكبـر
ماكان اسميّهن الا , ناطحات السحـاب

مبتكر مبتكر مبتكر وإلا ما افهم من الشعر لووووون !!!!



الوحّده جنبهـا مـادون ثامـن شبـر
سفينـةٍ قنّعـت سـود الغرايـر ثيـاب

مقاس بالشبر .. و قناع وصفي بالغ الدقّه ..



زود السنـام ارتكتلـه بالفقـار الجبـر
من كثر ماهوب فاهق للظّهر بانسيـاب

الانسياب لم يكن في وصفها فقط والله ياحاتم في دقة الصف انسياب اخر بديع ..



ماللنظّـر دونهـا صـدّه ولا ينصـبـر
عنها , وهي مع هواها في ذهاب وأياب

وان وقّفوها على الكبري عشان تعبـر
لو انّ قدامهـا مـوج البحـر ماتهـاب

موكب مهاب .. ومتعه للنظر تؤكداه هذان البيتان البديعان بحق




البل , ولله في خلقـه شـؤون وعبـر
آيه وفي خلقها مضرب مثـل فالكتـاب

أفلا ينظرون إلى الإبل كيف خلقت .. قل صدق الله سبحانه وتعالى



يوم انّها فالسنين الماضيـه ,, يعتبـر
في روسهن روس الاموال ومعزّة جناب

كم سجّلت من ضحاياها شيوخ وجبـر
من دونهن دافيات الدّر حلـو الشـراب

رصد تاريخي لمنزلة هذه المخلوقات الغاليه .. فعلا كم لها من ضحايا وكم منها حلو الشراب



مراجـلٍ ماتحـاش الا بعـزم وصبـر
الله يجازي من أكرمها بجـزل الثـواب

اللهم آمين .. ونعم المرجله .. مناداه صريحه بالإعتناء بها يتفق عليها الجميع



طراتهـا زال ماحِـطّ الفتـى فالقـبـر
طرد الحيا بالبكار العرب جـرد الرقـاب


طراة الشعر الوصفي أن يكون هكذا ..
أمد الله في عمرك ايها المبدع المبهر


شاعرنا المذهل / حاتم البراك

والله انها من عيون الشعر
رعاك الله وصح لسانك مع عدم اعتذاري عن المعايشه الحتميّه :)


..

حاتم



ما شاء الله عليك

والله مبدع



صح لسانك ولا هنت يالغالي



لك كل الود


:)

ما بعد كلام الدكتور سداح كلام
قصيدة من جمالها لا أودّ ان تنتهي
لله درك يا حاتم

تحيّتي

حاتم البراك


لله درك


وصح لساااااااااااانك


وبيض الله وجهك


اخوووووك

.

مابعد شرح الدكتور لا شرح ولا تعليق فقد سطر ما كان يدور فالخاطر

صح لسانك مدد على هذه المذهله ياحاتم

.

حاتم البراك


شاعر مبدع ومبهر في كافة انواع الشعر واغراضه المتعدده
تكتب بعفوية المبدع الواثق مما يقول وتسترسل بتلقائيه
وانسيابيه فطريه ودون تكلّف مصطنع ما شاءالله
لعل الدكتور / سداح .. اعطى هذا النص
ما يستحق .. واضفى على جمال
النص .. جمال ردّه المتقن
لله درك
لله درك
لله درك


وصح السانك مليون × مليون × مليون
وكفى !




اعجابي

ارقابهـن معطيتهـن عنفـوان وكبـر
ماكان اسميّهن الا , ناطحـات السحـاب
الوحّده جنبهـا مـادون ثامـن شبـر
سفينـةٍ قنّعـت سـود الغرايـر ثيـاب
زود السنـام ارتكتلـه بالفقـار الجبـر
من كثر ماهوب فاهق للظّهر بانسيـاب



ياسلاااااام على هالقصيده الفااااخره


وهالوووصف البااااذخ والراااائع


صح لساااااااااانك وانا اخوك

من افضل ما قرأت في هذا المجال

وصفيه بدييييييييعه ورائعه بمعنى الكلمه

دائما راائع حاتم البراك

صح لسااانك

.

.

حاتم البراك


بيض الله وجهك وجمل الله حالك

قصيدة جزلة وتجملك لاعديتها عند النشاما

تقبل خالص شكري وتقديري

أخوك

حاتم البراك


بالرغم من قلة تواجدك الا أن ماتتحفنا به يرضيناوينومسنا



ولكي أختصر وأعطيك زبدة العلم

والله اللذي لا اله الا هو انك مبدع مبدع مبدع

الله لايضرك وصح لسانك


وتقبل متابعتي وتقديري

مع أجمل تحية

أخوك

مرحبا يابوسلطان

للشعر معك حضور مختلف


معه الرياح اللواقح تدفعـه مـن دبـر
وانفكّ لمريّضات المزن من قـدم بـاب

صوره بديعه مبتكره في غاية الروعه


وامسى يدرّج كما عـودٍ لحقـه الكبـر
في ليلةٍ بدرها غايـب يـدوّر زهـاب
تفرح به الارض عقب انّ الزمان الغبر
ركّب عليها الدهور , وشان وجه التراب
واليا زما السيل والعساس جاب الخبـر
قرمٍ , تفرّق على سبلاه شيب الشبـاب شرواك يابوسلطان
اخي حاتم والله شعرك يروي الذائقه ولايشبهه الاحضورك دمت بهذا الحضور

صح لسانك

لك اعجاب تحيات \ اخوك

ابو سلطان

هلاااا بك وهلاااا بالشعر اللي على اصوله

وسبق ان تشرفت بـ سماعها منك

وصح لسانك

ودام ابداعك

سلامي لك

حاتم البراك

صح لسااانك مدد
وبيض الله وجهك

ولله درك يالجزل

كل اتلود

طراتهـا زال ماحِـطّ الفتـى فالقـبـر
طرد الحيا بالبكار العرب جـرد الرقـاب





الله عليك




حاتم البراك






صح لسانك مدد بلا عدد


ولاهنت ياغالي





تقبل تحياتي
أخوك : مشعل المطيري





دمت بود

ابداع بمعنى الكلمه ياحاتم ..


ابتكار وفكر وبدع وجزاله وإلخ ..


عز الله انك كيّفتني وبس .. صح لسانك ..


محبتي وتحيتي :)

رد خالد الحصيّن بالإضافه لكلام الدكتور سداح :)
مع ان الكلام مايوفيها حقها ..

تقبل مروري ..

أخوك