شاعر غير مرقابي تحت المجهر
 

اخواني المرقابيين..
من باب الانصاف للشعراء المغمورين اعلامياً .. والمبدعين شعرياً ..
استميحكم عذراً ..في وضع احد المبدعين تحت المجهر بما ان منتديات المرقاب هي راس الهرم في

الساحه الشعبيه ...\

مبدعنا هو الشاعر الشاب / مطلق الجبعاء الدويش


وهو احد المقيمين في دولة الكويت الشقيقه


وسبق ان قال عنه بدر صفوق انه مدفع الساحه الشعريه ...


وساطرح لكم كل فتره شاعر تحت المجهر

واترككم لتحكمون بانفسكم ...

مع بعض قصائده....
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
لا غاب صوتك لا تغيب الرسايل=مليت صبري والصبر مـل منـي

حاول تواصلني بشتـى الوسايـل=ابيك يا عمري تجي عنـد ظنـي

بعدك بلا ميعـاد سـوى هوايـل=شاب الشعر بالرغم من صغر سني

الشوق والهوجاس صايل وجايـل= هـذا يصبرنـي وهـذا يغـنـي

هاجس على جده وهاجس بحايـل=هواجس ٍ جارن علـي واسهرنـي

صدقت انا قصة نجـوم القوايـل=حتى عيوني صدقـن و خدعنـي

لك في خفا روحي جيوش وقبايل=و رمح ٍ بعينك في خفوقي مكنـي

ولك شفة ٍ تذبح اعيـال الحمايـل=لو شافها قـرم ٍ قعـد وارجهنـي

وتكشف ورا الشفه بروق المخايل=من شافها يفرح ولو هـو يونـي

ولك وقفة ٍ تشبه شموخ الاصايـل=وش عاد لو هن بالوغى يسرجني

ولك جلسة اللي للنواميـس طايـل=عقيد قـوم ٍ لا نـوى مـا يثنـي

ولك مشية ٍ تعمل بقلبـي عمايـل=فيها الخجل فيها العجـل والتأنـي

انا على فرقـاك مامـن صمايـل=الشـوق والتحنـان مـا يتركنـي

ان كان منت بمتصـل بالموبايـل=عادي .. مدام ان الرسايل يجنـي

رسايلك اجر و ثـواب و جمايـل=في حال قلب ٍ من بعـادك يحنـي

ارفق بقلب ٍ من عنا الوقت نايـل=لا تسمح لغـارات وقتـي تشنـي [/poem]


وهذه قصيده اخرى

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما بين دمعات العيون وبين تأنيب الضمير = أصبحت ما بين أكتبيني يا حروفي وأشطبي

البارحه مشاعري ما بين مجروح وكسير = والقلب يصرخ للحزن ويقول تكفى وشتبي

غلطان يومني بنيت أحلام وذراعي قصير = كسبت همي وأحتراقي وأشتياقي وأتعبي

يا راضيه بالكوخ والخبزه ومقيال الحصير = كنتي ذكيه لكن العاشق طلع هو الغبي

ودي أكمل سنة العشاق لكن الفقير = مفروض ما يطمح سوى للزاد ولا المشربي

عام ٍ ورا الثاني وأنا أحبك وأحس أني أطير = وأقول في بحر الهوى يا زين ممشى مركبي

الين رحتي والحزن من سطوته دمعي يحير = في محجري وأقول يالله صبر أيوب النبي

رحتي كبيره بس مقدارك بميزاني صغير = رحتي لواحد غير سلهامة عيونك ما يبي

شاري جسد بفلوس وقصور وعمارات وحرير = وأنا كنوزي بس في حبي وشعري ونسبي

وأنا الذي شريت روح وكنت بعيوبك ضرير = عينك على غيري وأنا كنت أحسبنك مطلبي

لكن ذي صرخه بوجه الهم والدمع الغزير = ماني من اللي لا رماه الوقت يقضيها حبي

مامت من فرقاك / الا تو شفت البعد خير = وعرفت أن البعد عنك هو غناي ومكسبي

بصبر على الدنيا وأراقب كيف دورات المصير = والعز عزي بالعقل والذل يخسى ويهبي

وأعيش راضي بالقدر وأنساك وأسلى وأستخير = والذيب لا فاته ظبي يلقى تسع مية ظبي

ومدام في صبري كبير أموت بأذن الله كبير = ووصيتي لا مت غني فوق قبري والعبي [/poem]

اخوي الغالي عبدالله الرقيب

اشكر لك مرورك وملاحظتك ... ولاكن اعتقد انه اذا وجدت الموهبه متكامله بهذا الشكل فلايهم عامل السن ..

وشكرا لمرورك المميز كعادتك

الشوق والهوجاس صايل وجايل
هذا يصبرني وهذا يغني

هالبيت هذا لايظهر الا من شاعر حقيقي
بالفعل شاعر مدهش وجميل اتمنى ان اراه في المرقاب

شكرا ياعفاس على هذا النقل

مودتي

الغاالي والعزيز عليّ / عفاس بن حرباش

اناا معك ليس السن شرط مهم في الابداع ولكن الخبرة لها دور ودور كبير هنا شي جميل وصدقني راح ياتي الاجمل ان شاء الله

واتمنى ان لا يزعل مني مطلق الدويش

شاعر مميز بدون شك من خلال ما دونته اعلاه يا عفاس
وخصوصاً القصيده الثانيه / فيها احساس جميل



نتمنى له التوفيق والسداد
والف شكر



اخووك

.

شاعر جميل اتمنى له التوفيق

لاهنت

.

شااعر احسااسه راقي

لا هنت يا عفاس

مطلق شاعر مبدع


وهو مرقابي بحت الان

عفاس

بيض الله وجهك

عز الله انه جزل وشعره ممتع

لاتذخر علانا من اللي على هالمنوال

غيمار

888

88

8

مثل ماقال ضيف الله ياعفاس

عفاس كل شي منك رائع ..

وعزالله انه شاعر رائع ويسلم راسه على هالقصيدتين ..

وصح لسانه ..

ويعطيك العافية ..

بيض الله وجهك ياعفاس

والاخ مطلق الحين مرقابي مرحبا به مرحبا به

,,, وان شاء الله انه مكسب للمرقاب

الله يوفقك ويوفقه

والى الامام دوما

الله الله

المرقابي مطلق الجبعااء

شاعر مميز فعلا ويستحق الاشاده

يسعدنا تواجده بيننا:) .. لاهنت ياعفاااس