أعلى راتب شهري في العالم ...!!!
http://up.mergab.com/uploads_files/40953eb67a.bmp
اعلى راتب شهري في العالم هو لرئيس مصرف Ubs السويسري مارسيل أوبسيل الذي يبلغ راتبه الشهري 21.3 مليون فرنك (18.5 مليون دولار) 68,688,118 مليون درهم اماراتي 5,336,538 مليون دينار كويتي 69,375,000 مليون ريال سعودي وبهذا تجاوز أوبسيل ، صاحب أكبر راتب شهري في أوروبا، منافسه ( دانييل فاسيلا ) ، رئيس شركة نوفارتيس للصناعات الكيميائية والصيدلانية الذي يتقاضا 20.8 مليون فرنك شهرياً. وجاء ( فرانز هومر ) رئيس شركة روش للصناعات الدوائية في المرتبة الثالثة بقائمة كشف الرواتب (13.3 مليون فرنك). ثم ( وولتر كايلهولز )، رئيس مجلس إدارة كريدي سويس، ثاني أكبر المصارف السويسرية بعد يو بي اس 12مليوناً ( وتوماس إيبلنك )، رئيس شركة فارما المتفرّعة عن نوفارتيس (8.6 ملايين). و( إيرنستو بيرتاريلليو )، رئيس مؤسسة سيرونو للأبحاث العضوية (6.7 ملايين). والأسئلة اللي تطرح نفسها غصب : وش يسوي بها كل شهر ؟؟ وهل عنده أقساط ؟ و ؟ و؟ و؟ teeth: |
ههههههههههههههههههههههههههههههههههه
يا ولد أنت تقوله صادز ؟؟!!!! أنا أشهد إنه ما طرى عليه يقصّد له فكسار ---> طموح بدوي :( لا هنت يا أبو مشوط حبيب الشعب :( |
:a:
يالهوي إيه داااا 69مليون :) تبا الصراحه .. لو إني مكانه .. ليا اخذت راتب شهر .. قدّمت إستقاله الـ 69 مليون تغنيني .. على طووول :) |
^
^ أنا أشهد إنك بدوي :( |
الله اكبر
يامحمد ابك وش يسوي بهالقروش كلها لاوالله الا زانت القصيدة فيه يامحمد اربه مايقصر معنا مرسيل يامرسيل والعلم ينصاك=انته عريب العم والخال والجد كملها يامحمد وخذ نص القروش لو عطانا ههههههههههههههههههههههههههههههه |
اتوقع انه عليه اقساط مثلي
|
اقتباس:
والله يارجال تقول صدز والا صدق ماش دينار واحد ، الرجال يقسط له ددسن من يوم أخذ رفيدزته القشرا ، ولا والله مخلص عنه teeth: ولا أنت ياحبيب الشعوب الإسكندنافيه << بحل بها teeth: |
اقتباس:
وبعدين يابو وليد الأيام وأنا اخووك تعدي ، يعني مامداك تفكّر فيها ، إلا والشهر زلّ لذلك استخر ولا تستقيل ، تراني طالبكteeth: |
اقتباس:
تعوذ من الشيطان teeth: |
اقتباس:
ياحبني لك يافايز ، وليتني اسمع ( أربه ) من فمك ، يابويا . teeth: وبعدين طال عمرك ، يمكن ننشب معه بالنسب حقه ، فـ الرجال ( لقطه ) ورموه في الملجأ حق الأيتام ، يعني غادي ولا يعرف من أيات العجم ،، << تخارج من فايز teeth: سلام ياعمّي ،،، |
اقتباس:
teeth: لاهنت يارشيد ،،، |
اقتباس:
|
يا وجه الله
هذا ماهو راتب .. ميزانيات دول كامله أكمالا لبيت اخوي فايز :) اقتباس:
وجهك حمر لونه مثل لون علباك=وإلاّ عيونك زرق وموّرد الخدّ ماشفت بين الناس مثلك وشرواك= أحمر عطر وسويسري ٍ مرددّ عطنا من اللي تخزنه لا عدمناك=راتبك يا المنعور زايد عن الحدّ من صومعة راسك ومن طول يمناك=مدّ .. الله انه يلعن الممسكه .. مدّ لو ما تمدّ إلاّ ربع راتب ٍ جاك = يكفي شعوب ٍ فقرها هدها هدّ مير البلا يمكن ما شلته بمخباك = حرام ثم يصبح لنا الذنب ممتدّ وننشد في يوم ٍ عنه ما أدراك ما أدراك=تسلم بعرضه يدّ .. وتبّ به يدّ خلاص هوّنا و لا رحم مجناك =الله هو اللي نعمته مالها حدّ[/poem] لاهنت يا بومشوط ، .. |
من صومعة راسك ومن طول يمنـاك**مدّ .. الله انه يلعن الممسكـه .. مـدّ
ههههههههههه <--- ضَحَك لين اوجعته تسبده ابك احد يطلب بهالاسلوووب بس مقدي في ذا الله لا يهينكم كلكم (( اللي جاب الموضوع واللي علّق عليه )) :rwb: |
اقتباس:
عزالله وظيفه وبس ،،، :) لاهنت ياحبيب الرووح ،،، |
:
: عندي سؤال يالربع : 21.3 مليون فرنك (18.5 مليون دولار) 68,688,118 مليون درهم اماراتي 5,336,538 مليون دينار كويتي 69,375,000 مليون ريال سعودي المبالغ هذي أكثر من (( 10 )) ألاف .. والا لا .. ؟؟ أبك هذا كله (( راتب )) شهر واحد .. ؟؟ ابك هذا ماعنده مشكلة لو يصير سعر قوطي (( الببسي )) بـ (( 1000 )) ريال .. !! ودي اعرف كم خصميته أذا غاب شكل خصميته فقط .. تزوج (( 200 )) عزوبي .. ومعهم (( 100 )) زيجه ثانيه .. !! يأخي اكرهه هذا المدعو (( مارسيل أوبسيل )) .. عنده كل الفلوس .. ولايمر علينا .. !! ماتلاحظون انه أخو أبوووه .. مارسيل أوبسيل .. ؟؟ كلهم عيال (( سيل )) .. صدق أثر الاسامي لها دلاله .. لذا (( سيل )) الفلوس عليه ماينقطع من سلالته .. وحنا اسامينا (( صنهات )) أوله صن وأخره (( هات )) .. كننا عايشبن عشان نتقضى بس .. !! بس ماعليه لازال عندي احساس .. أني بصير يوم من الأيام (( ثري )) (( فور )) (( فايف )) .. !! ابن مشوط .. خاف الله فينا .. وراك تجيب هالمعلومات .. ؟؟ ترا فيها (( كسر )) لنفوس الفقراء .. !! :) |
اقتباس:
:) لاعدمتك اي والله ، وصح اللسانك ، عزالله إنّك احرجته بالحيييل وعانه يبا يعطينا الثلث ، بس انت الله يهداك خربتها تالي << مصدق الولد teeth: |
الا فقير العالمين هو :)
لا عاد لايرفد ولا يضيّف الضيف ولا يفتك المسجون (smk- ماغير يحفش الدراهم في البنوك حفشت أبوه حمر الضيّان :m5: ابن مشوط شكرا لك :a17: |
اقتباس:
وانت الله يعافيك ماهمك إلا (( البيبسي )) وفي روايه (( المترّع )) و(( الزواج )) وفي روايه (( العرس )) teeth: ياخي خل (( طموحك )) (( فووووق )) قل أشتري (( سياره ددسن غمارتين مكيف والطاره هواء )) قل (( اتمشى في جده )) قل والا تدري لاتقووول أنا ادري وش ناوي علاه teeth: لذلك أنا أحاول بقدر المستطاع ضم هموم المسلمين في قالب واحد ... :) |
اقتباس:
وأنت وش دراك :( لايكون خاطره (( ليلة ألالا )) ، وألا موحي عنه من المسترفدين لون .. teeth: حبيب قلبي نواف ، لاعاد اشوفك ثم والله لاخلي عيوني وعيونك أربع teeth: |
اقتباس:
طموحي حطيته (( فووووق )) وطاح على (( راسي )) .. !! بس عزاي أني كنت (( راسي )) .. !! :092: |
0
عزالله لو هذا راتبي كان مادريت عن الشعير لو يصير بـ 100 >>>>> وتفكر بقني حلال وهذا راتبك اقول مالت عليك 0 |
| جميع الأوقات بتوقيت GMT +3. الساعة الآن 10:15 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية