الغياب ..
 

اول شيء السلام عليكم ورحمة الله وبركاته
كلن في محله و والله ما يقوم احد

فالبداية احب اشكر كل من تواصل معي سواء عن طريق الجوال و الا عن طريق الموقع و من خصني بالسؤال عن سبب غيابي
و والله اني اعلم ان فيه ناس يحبوني مثل ما احبهم وانهم فاقديني حتى لو ما اتصلوا او سألوا

انا ابشركم طيب و بخير و متعافي
وسبب الغياب بسيط و هو اني تعينت مدرس في قرية بعيده شوي و لا عندي لا انترنت و لا هم يحزنون
لكن و الله اني انشد عنكم و آخذ علومكم
هالحين طول الله عماركم شابك من الجوال و يالله يالله شبك معي
و جيتكم اعدي
و الصراحه ان المرقاب ما ينصبر عنه
و انتم لكم وحشه << هذي توه فايدها عقب التدريس

لاحظت ان فالمرقاب تطور و حركه و عسى الله يديم الخير و التقدم للمرقاب و اهل المرقاب
هذي علومي كلها و ان استجد شيء جيتكم ابه

وعليكم السلام ورحمة الله وبركاته


ارحب يابو عبدالله هلا وغلا عاش من شافك


اي والله انا فاقدينك ولك وحشه <<<< سرقها منك


وولاتبطي لو في السبوع ساعه نشوفك في المرقاب


والله يوفقك دنيا واخره


واسلم وسلم على نويصر


احترامي استاذ غالب


.

العزيز غالب الشريف


مرحبا في عودتك .. والعودُ أحمدُ مثل ما يقولون ربعنا الحداثيين :)


وبالتوفيق ان شاء الله في مهنة التدريس

الله يحييك ياغالب

يا مرحبا ياغالب


والله يحيييك ملااااييييين

وعز الله لك وحشه


لكن عليك بالشعبي نبي نقرأ جديدك هناااك

هلا يابو عبدالله
ومبروك التعيين إن شاء الله ، ولاعلمتنا وين هي فيه ، يمكن قريب منّك ونسيّر علاك
:)

وحنا والله فاقدينك ، ووفاقدك المرقاب بكبره
:)

لاعدمنااك ، وحياك الله ..

.

الحمد لله على السلامه يا غالب

وعساك ما تغيب الا عن الشر

تواجدك مطلب ضروري ولا يكفي ساعه بالا سبوع


.

غانم الذيابي


ابو فرحان

ابو نايف

المسريّ

ابو مشوط

ابو مرضي

جعلكم فالوجود وعسى الله لا يقطعني من الطيبين اللي مثلكم وشرواكم
وعلي الطلاق اني ما اواعد احد منكم من غير قصور فيكم
و محمد السبيعي يكفي عنكم و محلاتكم وحده جعلها ما تخلى من اهلها << عانه انشب محمد بالعزيمه غصب

لاعدمتكم والوعد عند محمد القابله << ضيف الاجواد يعزم

مرحبا بك يا غالب
يوم شفت الموضوع قلت غالب علامه مضيّع يحسب المرقاب الشعبي هنا؟ <-- ما يدق ابد

الله يحيي الجميع وابرك الساعات واغلى من يدخل المحل بإستثناء غالب :(

:)

الاستاذ / غالب

يامرحبا يامرحبا في محلك .. وبين إخوانك :)

ابو فليان



ابو تراحيب


حياكم الله و بياكم و جعل الجنه مثوانا ومثواكم
و ابشركم الحمد لله الامور طيبه و زينه
اول النعم بعد الهداية ان بكره اختبارات وانا جالس اتمردح فالمرقاب لا مذاكره و لا نيله
تكفون يالربع تو ما عينت الحياااااااااااه
الواحد يقدر يماغط و يروح يتمشى على كيفه
لو اني ابطيت هبلتني الدراسه ابك لي ربع قرن و انا ادرس

الوكاد مرحبا مرحبا و الله ما اواعد احد غير محمد مره مره

اي والله انا فاقدينك ولك وحشه <<<< سرقتها من غانم الذيابي اللي سرقها منك
( عز الله مابعد كلام عبدالرحمن عن فقدنا لك اقدر اعبر بعده )
يااستاذ غالب وين قريتّك وكم تبعد عن your home

أرحب يا ابوعبدالله

وجعله مبروك الوظيفه والتعيين





غيابك مؤثر وعودتك لنا تفرحنا وتسعدنا

الله لايهينك يا ابوعبدالله وجعل فالك التوفيق .

غالب هلا بك مليون

ان جيت وان رحت مكانك بالقلب

ولا عاد تطول الله يرحم والدينك

وترى لك وحشه -- > دوبه متعلمها منك


لا هنت

وعليكم السلام ورحمة الله وبركاته


ارحب يابو عبدالله هلا وغلا عاش من شافك


والله يوفقك دنيا واخره


وابو فهيد فاااااااااااااااااقده هو تعيّن والا وش صار عليه

اي والله فاقدينك ياغالب

وياااهلا والله ومرحبا فيك من بعد غياب


والف مبروووك التعيين يامربي الاجيال الفاضل

مرحبا ياغالب بعد هذي الغيبه

ومبروك الوضيفه:)

لاعاد تبطي علينا

ابو حمد


ابو ذيب


ابو منصور

ابو سعيدّ

محمد بن مصوي

ابو فهد

سلطان الاسيمر

مبارك الفعم

مرحبا مرحبا مرحبا
والله يبارك فيكم و يوفقكم دنيا و آخره
و والله ما تحبون الا اللي يحبكم و يعزكم و يغليكم
و بالنسبة لسؤال ابو ذيب
انا في قرية يقال لها " سعيدة الصوالحه " حول القنفذه هناااااااااااااا
تبعد عن ديرتي 570 كيلو
و الحمد لله اموري ماشية و على ما تحبون

لاهنتووووووووووووووووو

والله وبالله ان غيابك مؤثر يابو عبدالله
نقول والا ما نقول



مرحبا مليون .. والقدر فالصدر



اخووك

هلا وغلا

ياغالب


ومبروك ومبروك


بس انتبه من أشباه ( بهجت الأباصيري ) و ( مرسي الزناتي ) في مدرسة المشاغبين :)


ولا تقاطعنا