الليلـة الدنيـا عليـه فضاهـا = أضوق من الإبرة على ناظم السلك
 

[align=center]السيره الذاتيه للشاعر
هو ذعار بن قاعد الفريدي الحربي يلقب بــ ( ولد أمس )
من سكان بريده ويبلغ من العمر تقريباً سبعون عاما نظم الشعر وهو في سن السادسة عشرة من عمره واقتحم شعر المحاورة في التاسعة عشرة من عمره :

وهذه احدى قصائده الرائعه [/align]



[poem=font="Traditional Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الليلـة الدنيـا عليـه فضـاهـا=أضوق من الإبرة على ناظم السلك
أسباب نفسٍ غيضها من رضاهـا=أهبي يا نفس الخطأ ويش مزعلك
وأنا أدعي وأقول نفسـي قساهـا=فيه أفتخر لكن عسى الله يفشلـك
بينتـي الخلـة لحـرصٍ وراهـا=يركض حرص يبي خوافي مسائلك
اليـوم حصـل حجتلـه بغـاهـا=فاتت علي يا نفس وشلون أعقلك
قدمك أنفوسٍ مثـل جـات جاهـا=ما شايلوها مثل مانـي بشايلـك
مثلات غمضة عين قبـل أنتباهـا=مشموت عاذلك ومفلوج حاملـك[/poem]
....

شعر أصيل
حكمة متواجده
وتجربة .. مثريه
هنا

يجتمع الشعر والحكمه

صح لسان الشاعر الكبير
وسلمت يا ياسر

شاعر كبير

وبيت مشهور / وقصيدة جزله ومليئه بالحكمه




شكراً يا ياسر ،،

بالفعل شعر اصيل من شاعر كبير

لا هنت طال عمرك

الليلـة الدنيـا عليـه فضاهـا
أضوق من الإبرة على ناظم السلك


ياسر العتيبي لاهنت على نقل الشعر الحقيقي...."

وبالنسبه للبيت المذكور أعلاه...."

سمعت بأن الشاعر المرحوم بأذن الله.../ محمد أحمد السديري.
كان يتمنى ان يكون هذا البيت له.



شكرا من القلب للقلب

الليلـة الدنيـا عليـه فضاهـا
أضوق من الإبرة على ناظم السلك

لله در شاعرها وصح لسانه

والف شكر ياياسر على ايرادها لنا

مع أجمل تحية

اخوك

صح لسان الشاعر الكبير
وسلمت يا ياسر

ياسر العتيبي

الله يحييك

وبالنسبه للبيت اعلاه

انابعد تمنيت انه لي


طال عمرك على العز والطاعه


تحيات اخوك

ياسر


ياسلام على هالنقل الرائع


سلمت يمينك

ولد الامس اسم يجبر على التمعن في مايكتب ولاتكاد تروى قصيدة دون ان نتوقف بين ابياتها ونتمعن ونرتوي ابداعاً


لك فائق احترامي وتقديري

سلمت ولاهنت
نبي اللي يقول

لاصار مايدري بخافيك غيرك=مبسوط لو انك عن الدرب غادي
كان تعرفها كامله نبيها تكفى

^
اعرف لك منها بويتين :-

ياللي تبا راحة بدنك وضميرك ./. عن جملة الخلان خلك حيادي
لاصار مايدري بخافيك غيرك ./. مرتاح لو إنك عن الدرب غادي!


،

وأمّا أنت ياأخ ياسر تشكر على ايرادك لهذه الدره مع إنها مكرره وفيها بعض الأخطاء مثل :

وأنا أدعي وأقول نفسي قساهـا
فيها أفتخر لكن عسى الله يفشلك
بينتـي الخلـة لحـرصٍ وراهـا
يركض حرص يبي خوافي مسائلك
اليـوم حصـل حاجةٍ لـه بغاهـا
فاتت علي يا نفس وشلون أعقلك
قدمك أنفوسٍ مثل ماجاك جاهـا
ما شايلوها مثل مانـي بشايلـك
مثنات غمضة عين قبـل أنتباهـا
مشموت عذّالك ومفلوج حاملك


وعفاك ولاهنت :)


سلام’ عليكم

الله واكبر



صح لسان ولد امس وبيض الله وجهك ياياسر على نقلها



دمت بود

شكراً يا ياسر

وصح لسان شاعرها وناقلها

.

نقل موفق


لاهنت يا ياسر


.