"خلك شمالي عند زلـة قرايبـك "لـ عبدالله بن زويبن
 

الشاعر عبدالله بن زويبن أحـد الأعلام الشعرية المتميزه جداً من وجهة نظري وحسب ذائقتي الشخصية :) المتواضعه

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعزوتي يابدر مااقرب حضايبـك = على الخطا والصبح حبك نقـازي

نوب تنسينا الشقا فـي عجايبـك = ونوب تولعهـا بليفـة وقـازي

ادناة مايرضيك وأدناة مااغضبـك = تلقط الغلطلـت لقـط الجهـازي

ماهي عداوة يوم اطالبك واضربك = أنته حفيد جدودنا ماانـت نـازي

لاشك انا يابدر ابنصحـك وادبـك = واعطيك عن كل المعاني أجـازي

تلقى فوايدها ليـا خـط شاربـك = بها على كل الوصايـا أمتيـازي

خلك شمالي عند زلـة قرايبـك = وعلى الحقوق الليا نصنك حجازي

لاتذخر المذخور من دون واجبـك = اوف الحقوق اللازمات بنجـازي

للضيف والجيران ليّـن جوانبـك = وبالطيب جاز وبالردى لاتجـازي

احلم على زل رفيقـك وصاحبـك = ادمح خطاهم لاتصيـر انتهـازي

يابـدر والله ماتخونـك مناسبـك = لك منسب طيب وساس عـزازي

أفرح ليا قالوا هاك العود جاذبـك = يصير عندي مفخرة واعتـزازي[/poem]


لكم فائق احترامي وتقديري

الشاعر.../ عبدالله بن زويبن المعمري الحربي.

شاعر لاتوفيه الكلمات


وهنا أضع إحدى الدرر



سمعت لي كلمة مدري وش اقصاها
حزت بنفسي وأنا مانيب هارجها

لوكل كلمة إل ىجتنا طردناها
بعنا الثمينة بسعر مايخارجها

لو مرت السمع ماكنا سمعناها
ونقفل الراس عنها لا يبرمجها

ومن يم هذا لهذا مانقلناها
والناس واجد وتلقى من يروجها

من جابها بين خلق الله وداها
لو به مراجل ترى نفسه يسمجها

ومن عامل الناس في سابق خطاياها
يقعد بدار خلا ماداج دايجها

في كنة تشوي الجربوع رمضاها
وتابس غصون الشجر من حر واهجها

والناس بالحق حكم الشيخ ما أرضاها
ماتقنع الناس لو انك تحججها

ياللي تبا الطيبة خذها وعطناها
وخل الطريفة طرية لا تثلجها

وأقضب طريق الأوادم وامش ممشاها
أتبع دروب العرب وأدرج مدارجها

وأرسم لنفسك حدود ولا تعداها
من حط نفسه بدرب الضيق يحرجها

وان كان نفسك هواها قام ينحاها
حط الأعنة بروس الخيل وأسرجها

وفكر بمنكافها قدام مغزاها
واضرب حساباتها وتشوف ناتجها

وكل بعضده يموح الدلو برشاها
وتلقى كبود الضوامي من يبرهجها

وان كان توك على صدرك تهجاها
حنا ترانا ندرس في مناهجها

من يم مصباحها نبعد معشاها
إلى قعد راعي الضلع يدرجها

لو هي صعيبة إلى انعاجت عدلناها
واللي تجي مستقيمة ما نعروجها

نهتم في وزنها وابرام معناها
ومن الكرستال واللولو نتوجها

مثل الجواهر ليا منا نضمناها
وسلوكها من جديد الزري ننسجها

مخايل تردتدم والصدر منشاها
لا دك بالبال داكوك يهيجها

وليا أمطرت ضاقت الوديان في ماها
تاخذ إلى الحول ما يبست مدالجها

وان صدت الناس عنا ما أعترضناها
ما تقفي الناس عنا ونتولجها

وإن جاتنا الطيبة بالطيب زدناها
الطيبة بالعسل والسمن نمزجها

وان جاتنا الثانية نصبر ونرفاها
يمكن إل ى فاق راعيها يعالجها

وان عادها عودة ماعاد ينساها
من حربة في صميم الصدر نولجها

مسمومة يبلش الدكتور بدواها
مايقنع الخبل لين أنه يلامجها



لاهنت ياراكان

درر أنتثرت في هذا المتصفح

سلمت يمناك ياراكان ..

.

شاعر جزل


لاهنت يا راكان

.