من تتبع كل زلاتي ...وعدّ اخطائي
السلام عليكم ورحمة الله وبركاته ...
قصيدة مواهبيّه .......... لها مناسبة .. وأتت. [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] من سلاسة هاجسي وعنايتي وإحائي = جيت لي نيّه وغيري له سواتي نيّه مار انا ما قد تردّى مقصدي وادائي = ادفع الحسنة بوجه الناقصه والسيّه من تتبع كل زلاتي وعدّ اخطائي = يدري اني ما نقلت الهافيه بيديّه ما دفعت العور حتى في وجيه اعدائي = والسبب في مستوى التفكير والعقليّه ما تحرّك للضعيف اصغر جزو فاجزائي = والمسافه بيننا ماهيب شربة ميّه ان تعذّر قلت عذره والخطا املائي = وان سكت ماقلت لا هذي ولا هذيّه والصحيح اني كذا .. ماطبعي بعشوائي = ادرس الدعوى بطولة بال .. واحصائيه[/poem] وسلامتكم |
صح لسانك
ابداع * ابداع |
ما تحرّك للضعيف اصغر جزو فاجزائي
شموووخ ,, ياسلام ياسلام والصحيح اني كذا .. ماطبعي بعشوائي ادرس الدعوى بطولة بال .. واحصائيه لله دررررررررررك صح السانك ,, يامبدع تحيتي |
صح اللسانك يابن هريس
وابيض وجه على القصيد الرائع :) |
ما دفعت العور حتى في وجيه اعدائي
والسبب في مستوى التفكير والعقليّـه بيض الله وجهك عز الله كلام ثمين يا بن هريس وكفو صح لسانك الف :) .. |
ما دفعت العور حتى في وجيه اعدائي
والسبب في مستوى التفكير والعقليّـه ما تحرّك للضعيف اصغر جزو فاجزائي والمسافه بيننا ماهيـب شربـة ميّـه الله اكبر ,, مبدع يابن هريس صح لسانك .. صح لسانك .. صح لسانك مـــدد تحياتي واحترامي ,, |
0
صالح نص فاخر فاخر صح لسانك حتى ترضى وسلمت 0 |
صالح بن هريس
ياسلام عليك وعلى ابداعك :) صح لسااانك وسجل بالله اعجابي ومتابعتي |
حرفنه يابن هريس .. وبدع على اصوووله
اعجابي المرمس يا مبدع اخووك |
ابن هريس
صح لساااانك قصيده رائعه وطرق جميل دمت مبدعاً تقديري |
صح لسانك يا صالح
إيحاءات على مستوى من الوعي والتمكن صح لسانك صح لسانك ولاهنت محبتي واحترامي اخوك |
صح لسانك
نص مدهش وشاعر ذكي ،، لا هنت ،، |
مشعان البراق
ياهلابك والله ومسهلا صح الله بدنك كثر ما قلت واكثر ... ولاهنت على كريم مرورك واطلاعك حضورك شرف لا عدمتك |
صالح بن هريس
ونص عالي عالي جدا !! طرق وقافية ومعنى ومبنى صح لسانك . |
رااااااااااااااااائعه
صح لسانك ياصالح موفق |
وعليكم السلام
مرحبا ومسهلا يا بن هريس ان تعذّر قلت عذره والخطـا املائـي وان سكت ماقلت لا هـذي ولا هذيّـه الله الله صح لسانك وسلمت ، |
ضيف الله الغنامي
صح الله بدنك .. ولاهنت على مرورك يالغالي تحياتي |
ناصر المندهه
ماعليك زود جعلك تسلم صح الله بدنك وشاكر لك كريم مرورك واطلاعك تحياتي |
إبن هريس :_
صح لسانك .. صح لسانك .. صح لسانك .. أبيات .. نايفه .. وكااايفه .. جدا جدا .. . تقديري لك |
أشهد انها كايفه
حرف حرف صح لسانك |
عليكم السلام والرحمه
يا مرحبا بك وبالشعر يا صالح .. ابداع من اولها الى آخرها صح الله لسانك وسلمت |
الله عليك يا صالح
أطربتنا بـ الرائعه هذي الله لا يضرّك صح لسانك ملايين ولاهنت متابعتي وتقديري |
| جميع الأوقات بتوقيت GMT +3. الساعة الآن 12:31 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية