اليوتيوب
 

السلام عليكم ورحمة الله وبركاته

اخواني الاعزاء
مشرفي و مشرفات قسم الكمبيوتر

انا ما عاد يفتح معي اليوتيوب مدري وش بلاه
يجلس كن الصفحه تحمل و المربع اللي مفروض يطلع فيه المقطع يجلس ابيض ما طلع شيء
ما اشوف غير تعليقات الزوار تحت المقطع
و هذا مما يثير حفيظتي و يخليني اتحكحك ابي اعرف وش ذالمقطع

المهم طوّل الله عماركم على طاعتة سنعوني و جزاكم الله خيرا

ماعندي سنع لك

تبي تقول وش تبي

ابي اسلم علااااك

وحي الله هالطله

وعليكم السلام والرحمه ,

وهلا يابوعبدالله , انا ممكن افيدك بهذا الخصوص من ناحية تجربه فقط وليست من ناحية فنيّه
والمثل يقول :- اسأل مجرّب وتلقى العلم كله :)

هالمشكله مرّت علي واكتشتفت في الاخير انها من الاتصال نفسه والبطء ,
عاد البطء عائد لعدة امور , اما زحمه او نفس شركة الاتصال مهب اللي .. او الخ

لكن بعد ماغيرت الاتصال انتهت هالمشكله والحين مايمديني اسوي دبل كليك الا وهو راكز ٍ ساقه

عاد قل ماشاء الله :)


سلامي عليكـ .,

تبا الصراحه

:)

ماعندي غير .. مثل ماقال لك نواف :)

الله يسلمك يابو نايف
و والله لو انه بيدي لأذبح لك قوقل بكبره << teeth:

والله يحيي نباك و يسلمك و يسلم ربوعك و اخوياك و يسلم كل من يعز علاك و الله لا يبين غلاك

ارحب يا بو سالم تراحيب المطر
و انت ان كانك على خبري اللي انا خابر
فأنت و ابو حمد تنهلون من منهل واحد في علوم الحاسب :a16:

الوكاد ان كلامك صحيح
انا في ديرتن ما فيها كمبيوتر
و شابك الانترنت عن طريق الجوال ومر يشتغل و مر يشبك و مر يعلق
و انا اعتقد ان هذا هو السبب

و جزاك الله خير
و عسى الله يوفقك دنيا و آخره يابو سالم
شكرا" من القلب

هلا غالب الشريف

فيه برامج احملها وابي انزلها هنا عشان تشغل بجهازك ويضبط معك

انتظرني

مثل ما قال لك أبن نميان يا غالب

تأكد من البرامج المشغله للفلاش ..

يمكن إنك مفرمت الجهاز وإلا حاذف البرامج ذي ..


وأن شاء الله تنحل .

مشغل الفلاش التاسع والاخير

هنا

ويستحسن تعيد التشغيل بعد تثبيت البرنامج

إذا لم يشتغل

هناك متصفح يفتح اليوتيوب وممتاز

جرب وردي لي خبر

أول شئ علمني اليوتيوب وشنهو على شان احل وضعك ؟

<- تسيف تاتحله وأنت ماتعرفه أصلاً



حبيبي الاستاد الجديد :)

تسيف أحوالك مع السلتس التعليمي ؟!


..

هلا وغلا اخوي فيصل

اغلب مشاكل اليوتيب تكون من الاتصال

اذا ماكان الاتصال قوي يكون بطئ جدا المقطع

او لايظهر:)

ناصر تراحيب
لاهنت يابو تراحيب و يكفي مؤازرتك و تواجدك هنا

مصلح بن نميان
فعلا الاتصال كان له دور في التصفح و بيض الله وجهك

رشيد منور
بلنسبه للبرامج موجوده عندي واتوقع ان المشكله كانت من الاتصال لانه ضعيف وشابكه على الجوال
و الله لا يهينك يابو منور وابيض وجه

ماجد المقاطي
ابيض وجه يا ماجد و المشكله ما كانت من الفلاش
كانت من الاتصال ينتّع


بالنزبا لك يا عبدربي
اليوتيوب طال عمرك ماقع ما يصلح للمتزوجين << عانه بيخليك تروح تدوره
الوكاد انه موقع زين بلحييييل و تلقى فيه كل شيء

اما التدريس ابشرك على مايرام
و فري فري نايس << خل ابن قنيص يطرجمها لك

فالح بن مصعوك
الله يوفقك و يا فالح وشكرا على تواجدك
والمشكله كانت فقط من الاتصال
والىن الحمد لله زبطت