.. عابرة سبيل ..
 

مساكم الله بالخير

قصيده مؤثره جدا ً للشاعره عابرة سبيل الله يرحمها







ترى الذبايح و أهلها ما تسّليني = أنا أدري إن المرض لا يمكن علاجه

أدري تبي راحتي لايا بعد عيني =حرام ما قصّرت يديك في حاجه

أخذ وصاتي وأمانه لا تبّكيني =لو كان لك خاطرٍ ما ودي إزعاجه

أبيك في يديك تشهدني وتسقيني =أمانتك لا يجي جسمي بثلاجه

لف الكفن في يديك وضف رجليني =ما غيرك أحدٍ كشف حسناه احراجه

أبيك بالخير تذكرني وتطريني =يجيرني خالقي من نار وهاجه

سامح على اللي جرى ما بينك وبيني =أيام نمشي عدل وأيام منعاجه

همي عيالي وأنا اللي فيْ ..كافيني =علمهم الدين تفسيره ومنهاجه


الله يرحمتس

الله يرحم عاابرة سبيل

ويحقق مرادهاااااااا


لاهنت فيصل سعد على النقل

الله يرحمهاا
ويعف عنا وعنها ، ويسكنها الفردوس الأعلى

رحمها الله واسكنها فسيح جناته ,

اهم او اشهر شاعرات العصر الحالي ,

عابرة سبيل , وقلّ من لايعرف هذا الاسم ,

فيصل بن سعد
لك الشكر على الابيات المؤثره والخالده


سلامي عليكـ .,

هلا اخوي فيصل
اختيار موفق تسلم ولاهنت
والله يرحم الشاعره عابرة سبيل ويرحم اموات المسلمين اللهم آمين

الله يرحمها ويرحم اموات المسلمين

لاهنت يافيصل

غفر الله لها ولأموات المسلمين

ولا هنت يافيصل على هذا الاختيار الرائع

رحمها الله واسكنها فسيح جناته



كم مره اقرا هذه القصيده وحتى الان اتأثر بكلماتها كثيرا



شكرا على النقل الرائع

سعد العجمي

يالله المستعان .,
شاعرة ماتت وأبيات لاتموت .,
فيصل لاهنت على الاختيار .,

الله يرحم عاابرة سبيل

لاهنت فيصل سعد على النقل

الغالي فيصل سعد



عزالله عرفت تختار

والله يرحم الشاعره عابرة سبيل
ويرحم اموات المسلمين اللهم آمين




تحيتي

0

ابيات مؤثره بالفعل

اسال الله ان يبلغها مطلوبها وان يعفو عنها وان يسكنها الفردوس الاعلى من الجنه

ولاهنت يافيصل على النقل الموفق

.

الله يرحمها ..

من أقوى وأجزل الأسماء النسائيه التي مرًت فالساحه الشعبيه ..

لا خلا ولا عدم

رحمها الله واسكنها فسيح جناته

ولاهنت يافيصل على النقل المميز

تقبل ودي وتقديري

لاهنت يا أبوسعد

والحقيقة أن عابرة سبيل نقشت اسمها في ذاكرة تاريخ الشعر ,

وديوانها لدي منذ سنوات طويلة ,

ولكن لا أدري لدي إحساس غريب لا أعرف سببه !!

هذا الإحساس يقول أنه لايوجد شاعرة بهذا الإسم , وإنما

هي شخصية صنعها أحد الشعراء , ثم جعل نهايتها بهذه القصيدة !!

السؤال للإخوة المتابعين للساحة الشعرية عن كثب :

هل يوجد مايشير إلى شخصية الشاعرة الحقيقية ؟!!